Wahyu 11:3 - Porjanjian Boharu Torjomahan Baso Dilakng Soari-ari

³ Apo, paca'an ado duo urakng inyo bosasi mongona'i Aku. Sia' duo paca'an momakai pakai'an bulikng. Aku paca'an moonji'i kuaso ko sia' pakai' monyampaian posatn doi' Aku somanah soribu duo ratus onam puluh ari.”

Wahyu 11:3 ပူးပေါင်းရင်းမြစ်များ

Matius 11:21

“Allah paca'an mohukupm kaitn urakng kota Khorazim ongko urakng kota Betsaida. Aku udah molabuhan banya' mujisat di tongah-tongah kaitn. Soumpamonyo, Aku bulah boko mujisat nantai di kota Tirus ongko Sidon, pasti boko urakng di su'utn udah botongga' bulah dosa. Pasti sia' udah momakai pakai'an bulikng-undu' ongko mongguguran habu di pucu' kopala' sia' pakai' monunju'an sia' bulikng obai dosanyo.

Matius 18:16

Aman io kinyo honda' mondinga'an nosihat kaitn, botula'cam agi' ko io agatn mombaba' siku' damo duo urakng. Obai sotiap pokaro pontikng duo tigo sasi pakai' momastian pokaro nantai bondar-bondar tojadi.

Lukas 10:13

Lalu Yesus moancapm boboropo kota di doerah Galilea. Kato-Nyo, “Allah tajahan mohukupm kaitn di kota Khorazim ongko Betsaida. Aku udah moniant'an kuaso-Ku doi' Allah agatn banyaꞌ mujisat di tongah-tongah kaitn, apo kaitn co pocayo agatn Aku. Kaitn co botongga' bulah dosa ongko co monuruti Allah. Soandainyo, Aku molabuhan boko mujisat nantai di kota Tirus ongko Sidon, pasti boko urakng di su'utn udah manah botongga' bulah dosa. Momakai banggi-pakaian bulikng undu' ongko mongguguran habu di pucu' kopala' sia', monunju'an sia' botongga' bulah dosa nantai.

Lukas 24:48

Kaitn udah moniant somuonyo nantai. Jadi kaitn gola' momboritoan kabar nantai ko boko urakng bukai.

Yohanes 15:27

Kaitn pan gola' bosasi mongona'i Aku obai kaitn udah bosamo agatn Aku doi' mulo polayatan-Ku.

Yohanes 3:27

Timbas Yohanes, “Conyiant siku' urakng pan inyo ulih monguti' la'apo pan aman Allah kinyo moonju'nyo.

Kisah Boko Rasul 1:8

Apo Roh Allah paca'an tinggal di dalapm kaitn. Watu nantai, kaitn paca'an monorima' kuaso. Kaitn paca'an momboritoan mongona'i Aku ko boko urakng bukai di kota Yerusalem huatan di sotiap doerah Yudea. Kaitn paca'an momboritoan mongona'i Aku jam di sotiap doerah Samaria. Kaitn paca'an momboritoan mongona'i Aku sampai ko boko tompat inyo palikng jouh di soluruh dunia.”

Kisah Boko Rasul 13:31

Somanah boboropo ari, Yesus moniant'an diri boulakng-ulakng kali. Sio moniant'an diri ko boko murid inyo udah mongikuti Sio doi' doerah Galilea ko kota Yerusalem. Boko urakng nantaiam watu ni'in momboritoan mongona'i Sio ko banso kito Israel.

Kisah Boko Rasul 2:32

Boko somadikan, Yesus nanam Rajo nantai! Lopas Yesus mati, Allah bulah Sio hidup agi' doi' komatian. Koi somuo udah moniant Sio. Koi moniant agatn mato kopala' koi siku'.

1 Korintus 12:28

Allah momilih boko urakng dalapm kolompok urakng pocayo. Inyo potamo, boko rasul, ia'an boko urakng inyo dipilih pakai' momboritoan Kabar Boi'. Inyo koduo, boko nabi, ia'an boko urakng inyo monyampaian posatn doi' Allah. Inyo kotigo, boko urakng inyo dionji'i komampuan pakai' mongajar. Ongko, ado boko urakng inyo dionji'i komampuan pakai' bulah mujisat. Ado jam boko urakng inyo dionji'i komampuan pakai' monyamani, boko urakng inyo dionji'i komampuan pakai' monulukng urakng bukai, boko urakng inyo dionji'i komampuan pakai' momimpitn, ongko boko urakng inyo dionji'i komampuan pakai' bopandir dalapm boko baso roh.

2 Korintus 13:1

Aku paca'an datakng agi' ko kaitn kotigo kalinyo. Ado di Buku Suci, “Sotiap pokaro pontikng duo damo tigo sasi pakai' momastian pokaro nantai bondar-bondar tojadi.”

Efesus 4:11

Sio nam inyo moonji'i komampuan husus ko boko urakng. Ado inyo dionji'i komampuan husus pakai' monjadi boko rasul. Ado inyo bukai dionji'i komampuan husus pakai' monjadi nabi. Ado inyo bukainyo agi' di onji'i komampuan husus pakai' momboritoan Kabar Boi'. Ado jam inyo dionji'i komampuan husus pakai' mombimbikng jomaat samo samaꞌan gombala. Ado jam inyo dionji'i komampuan husus pakai' mongajar.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

Wahyu 11:2

Apo jangan moukur tongahlamanan Rumah Allah inyo di sopia' luar. Obai, tongahlamanan nantai udah dionju' ko boko banso bukai. Sia' paca'an monguaso'i Kota Inyo Suci nantai somanah ompat puluh duo bulatn.

Wahyu 11:6

Sia' duo ado kuaso pakai' monutup langit oca' hujatn co turutn somanah sia' monyampaian posatn doi' Allah. Sia' pan ado kuaso pakai' bulah somuo ara'i monjadi darah. Sia' pan ado kuaso pakai' bulah somuo macapm boncana moninggakng bumi, sombilopan sia' honda' molabuhannyo.

Wahyu 12:6

Botina' nantai rari ko padakng pasir, ko sobuah tompat inyo udah Allah siap'an pakai'nyo. Io rari ko tompat nantai oca' io ulih dikobolo di su'utn somanah soribu duo ratus onam puluh ari.

Wahyu 13:5

Bonatakng nantai dibiaran pakai' monyombokan dirinyo huatan mohanyam Allah. Bonatakng nantai pan dionji'i kuaso pakai' momorintah somanah ompat puluh duo bulatn.

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”

Wahyu 20:4

Lalu, aku moniant boko tahta. Boko urakng inyo dudu' di pucu'nyo dionji'i kuaso pakai' mohakipi. Aku pan moniant boko jiwa sia' inyo diponggal kopala'nyo obai sia' bosasi mongona'i Yesus ongko momboritoan Pomandiran doi' Allah. Ia'an sia' inyo co monyombah bonatakng ongko lompatukng nantai, sia' inyo kinyo monorima' tando bonatakng nantai di koning huatan jarinyo. Sia' hidup agi' lalu momorintah sobagai rajo bosamo Kristus somanah soribu tohutn nantai.