Wahyu 11:2 - Porjanjian Boharu Torjomahan Baso Dilakng Soari-ari

² Apo jangan moukur tongahlamanan Rumah Allah inyo di sopia' luar. Obai, tongahlamanan nantai udah dionju' ko boko banso bukai. Sia' paca'an monguaso'i Kota Inyo Suci nantai somanah ompat puluh duo bulatn.

Wahyu 11:2 ပူးပေါင်းရင်းမြစ်များ

Matius 27:53

(Lopas Yesus hidup agi', sia' koluar doi' boko pasaran lalu mansu' ko kota Yerusalem. Di santai banya' urakng moniant sia'.)

Matius 4:5

Lopas nantai Rajo Sitatn moirikan Yesus ko kota Yerusalem inyo suci nantai. Io monyiuh Yesus bodiritn di tompat inyo kotakan tinggi di pucu' hatap Rumah Allah.

Matius 5:13

“Kaitn ni'in garapm dunia. Apo aman garapm monjadi taba'i, co mungkitn dipulah mancitn agi'. Garapm nantai kinyo boguno agi'. Ongko, garapm nantai dibuakanmo ongko ditonja' urakng.

Lukas 21:24

Ado inyo paca'an dibunuh agatn podakng. Ado jam inyo tajahan ditangkap ongko dibaba' ko boko nogori bukai, monjadi tahatan di su'utn. Boko banso inyo bukainyo Yahudi tajahan monguaso'i tanah kota Yerusalem sampai watunyo inyo udah ditontuan Allah.”

Ibrani 10:29

Jadi, urakng inyo kinyo morogo'i Ana' Allah cucu' dihukupm lobih borat agi'. Urakng nantai moremehan darah Yesus inyo mombulah io monjadi borosih doi' dosanyo, ia'an darah Yesus inyo monsahan pojanjian boharu doi' Allah. Urakng nantai mohayam Roh Allah inyo monunju'an kasih karunia.

Wahyu 11:11

Apo lopas tigo ari sotongah, Allah bulah koduo nabi nantai bobali' hidup agatn kosih-Nyo. Sia' huas bodiritn. Somuo urakng inyo moniant sia' monjadi kotakng gola'.

Wahyu 11:3

Apo, paca'an ado duo urakng inyo bosasi mongona'i Aku. Sia' duo paca'an momakai pakai'an bulikng. Aku paca'an moonji'i kuaso ko sia' pakai' monyampaian posatn doi' Aku somanah soribu duo ratus onam puluh ari.”

Wahyu 12:6

Botina' nantai rari ko padakng pasir, ko sobuah tompat inyo udah Allah siap'an pakai'nyo. Io rari ko tompat nantai oca' io ulih dikobolo di su'utn somanah soribu duo ratus onam puluh ari.

Wahyu 21:10

Jadi, Roh Allah monguaso'iku lalu molekat nantai mombaba' aku ko pucu' gunung inyo bosar huatan kotakan tinggi. Sio monunju'an ko aku kota inyo kudus nantai, ia'an Yerusalem inyo boharu. Kota nantai turutn doi' sorugo, doi' Allah.

Wahyu 21:2

Aku pan moniant kota inyo kudus, ia'an Yerusalem inyo boharu. Kota nantai turutn doi' sorugo, doi' Allah. Kota nantai boi' bondar samo sama'an pongantitn botina' inyo borias siap bosandikng agatn pongantitn lolaki.

Wahyu 22:19

Ubo nian jam aman ado urakng inyo monguraki suti' pan boko posatn doi' Allah dalapm buku ni'in. Jadi, Allah paca'an monguti' doi' io somuo borokat inyo totulis dalapm buku ni'in. Ia'an nantai Allah paca'an monguti' haknyo pakai' bopua' doi' kayu inyo moonji'i kohidupan. Io culih diapm di dalapm kota kudus nantai.”