Wahyu 11:19 - Porjanjian Boharu Torjomahan Baso Dilakng Soari-ari

¹⁹ Lalu, tobuka'am Rumah Allah di sorugo. Poti Pojanjian Allah ulih ditiat di dalapm Rumah Allah nantai. Lalu, ado solitar, saro guntur inyo borakng, gompa bumi huatan hujatn es inyo lobat.

Wahyu 11:19 ပူးပေါင်းရင်းမြစ်များ

Wahyu 16:21

Hujatn es bosar jatu' doi' langit moninggakng monsio. Sotiap batu es nantai hampir lima' puluh kilu. Jadi, monsio mongutu' Allah obai malopotako hujatn es nantai kotakan nontu.

Wahyu 4:5

Ado kilat ongko bunyi guntur solitar inyo koluar doi' tahta di tongah nantai. Di pohadapan tahta nantai ado tujuh obor inyo bonyalo. Nianam kotujuh Roh Allah.

Wahyu 8:5

Lalu, molekat nantai monguti' ongko moisi'i mangku' nantai agatn baro api doi' mesbah nantai. Io monikapannyo ko bumi. Ongko ado saro guntur solitar, huatan gompa bumi.

Wahyu 19:11

Lopas nian, aku moniant sorugo tobuka', wah, ado siku' kuda putih. Urakng inyo monunggaki kuda nantai bodamoan “Inyo Sotia” huatan “Inyo Bondar”. Sio mohakipi huatan boparakng agatn adil.

Wahyu 11:15

Lopas nian, molekat inyo kotujuh moniup trompetnyo. Watu nantai, ado boko saro borakng di sorugo bopandir, “Koraja'an di dunia ni'in udah dikuaso'i Tuhatn Allah huatan Rajo Inyo Dijanjian-Nyo, ia'an Kristus. Sio paca'an momorintah somanah-manahnyo!”

Wahyu 16:18

Lalu ado kilat momanjah, bunyi guntur inyo borakng, huatan gompa bumi inyo luar biaso. Doi' mulo monsio ado di bumi, co kalo ado gompa bumi inyo sama'an nantai. Gompa bumi nantai kotakng luar biaso.

Wahyu 11:13

Watu nantai pan ado gompa bumi inyo bosar. Soporsopuluh doi' kota nantai robah. Tujuh ribu urakng mati. Somuo urakng bukai monjadi kotakng gola' lalu momuji Allah di sorugo.

Wahyu 8:7

Molekat inyo potamo moniup trompetnyo. Watu nantai, hujatn es agatn hujatn api, bocampur darah jatu' ko bumi. Ongko, soportigo bumi habis kocuculan, soportigo doi' boko tontanaman huatan somuo rumput hijau habis kocuculan jam.

Wahyu 4:1

Lopas nantai, aku ado poniant'an agi'. Wah, ado sobuah lawakng tobuka' di sorugo. Aku mondinga' saro nantai inyo samo sobolupmnyo, saro sama'an bunyi trompet. Kato-Nyo ko aku, “Noi' cam kosi'itn. Aku paca'an monunju'an ko kolai boko hal inyo paca'an tojadi lopas ni'in.”

Wahyu 7:15

Nantai sobabnyo sia' bodiritn di pohadapan tahta Allah, hala molayati Sio siakng-malapm di Rumah Allah. Sio inyo dudu' di tahta nantai paca'an monyoroto'i ongko molinduki sia'.

Wahyu 12:1

Lopas nian, tando luar biaso ni'in kotiat'an di langit: Ado siku' urakng botina' inyo mongona'an matoari sobagai pakai'annyo. Io bodiritn dipucu' bulatn. Dikopala'nyo ado mahkota inyo todiri doi' duo bolas bintakng.

Wahyu 16:1

Lopas nian, aku mondinga' saro borakng doi' Rumah Allah inyo bopandir ko kotujuh molekat nantai. Katonyo, “Botula'cam, tumpahancam kotujuh mangku' ponggodi Allah nantai ko pucu' bumi!”