Wahyu 11:17 - Porjanjian Boharu Torjomahan Baso Dilakng Soari-ari

¹⁷ Kato sia', “Tuhatn Allah inyo Maho Kuaso, inyo ado ni'in huatan inyo udah ado doi' komainyo. Koi botorima' kasih ko Duatn. Obai Duatn momakai kuaso Duatn inyo bosar huatan udah mula'i momorintah.

Wahyu 11:17 ပူးပေါင်းရင်းမြစ်များ

Wahyu 1:8

“Akunam inyo Potamo ongko inyo Toahir,” kato Tuhatn Allah, inyo Maho Kuaso, inyo ado watu ni'in, inyo udah ado doi' joman komai, huatan inyo ado sotorusnyo.

Wahyu 16:5

Aku mondinga' molekat inyo bokuaso dipucu' ara'i bopandir, “Oi Duatn inyo ado watu ni'in huatan inyo udah ado doi' komai. Duatn inyo kudus. Duatn mohukupm boko urakng ni'in agatn kotakng adil.

Wahyu 19:6

Lopas jadi aku mondinga' bunyi sama'an saro borakng doi' banya' urakng. Saro nantai borakng sama'an bunyi guruh golumbakng lout, sama'an bunyi guntur solitar. Sia' bopandir, “Haleluya! Pujicam Tuhatn Allah kito inyo Maho Kuaso obai Sio udah momorintah.

Wahyu 1:4

Ko kotujuh jomaat di doerah Asia. Doi' aku, Yohanes. Aku bodoa oca' kaitn monorima' koboi'an ongko sonang-asau doi' Allah, inyo ado watu ni'in, inyo udah ado doi' joman komai, huatan inyo ado sotorusnyo. Ongko doi' kotujuh roh inyo ado di hadapan tahta-Nyo.

Wahyu 19:11

Lopas nian, aku moniant sorugo tobuka', wah, ado siku' kuda putih. Urakng inyo monunggaki kuda nantai bodamoan “Inyo Sotia” huatan “Inyo Bondar”. Sio mohakipi huatan boparakng agatn adil.

Wahyu 16:7

Lalu aku mondinga' saro doi' mesbah bopandir, “Oi, Tuhatn Allah inyo Maho Kuaso. Duatn mohakipi urakng agatn bondar huatan adil.”

Wahyu 16:14

Sia' ia'an kotigo roh jahat nantai inyo mombulah boko bomacapm tando ajaib. Sia' botula' mongumpulan somuo rajo di somuo dunia pakai' boparakng watu Ari Bosar, ia'an Ari Allah Inyo Maho Kuaso mongalahan somuo la'apo pan inyo molawatn Sio.

Wahyu 15:3

Sia' monyanyian nyanyian Musa, hulutn Allah, huatan nyanyian Ana' Domba, ubo ni'in bunyinyo: “Tuhatn Allah Inyo Maho Kuaso! Boko porbuatan Duatn kotakan hebat huatan mohiratan. Duatam Rajo di pucu' boko banso. Boko porbuatan Duatn adil huatan bondar.

Wahyu 11:15

Lopas nian, molekat inyo kotujuh moniup trompetnyo. Watu nantai, ado boko saro borakng di sorugo bopandir, “Koraja'an di dunia ni'in udah dikuaso'i Tuhatn Allah huatan Rajo Inyo Dijanjian-Nyo, ia'an Kristus. Sio paca'an momorintah somanah-manahnyo!”

1 Timotius 1:12

Aku bosukur ko Kristus Yesus, Tuhatn inyo bokuaso. Sio hala moonji'i kokuatan ko aku pakai' molayati Sio. Aku bosukur obai Sio moanggap aku sotia. Jadi Sio momilih aku pakai' momboritoan Kabar Boi' mongona'i Sio.

Lukas 10:21

Timpu nantai jam, Roh Allah bulah Yesus rindakng. Kato Yesus, “Bopai, Duatn Ponguaso langit ongko bumi. Ado urakng inyo pintar-corodi' ongko bopondidikan. Apo Aku bosukur obai Duatn kinyo monyatoan kobondaran ni'in ko sia'. Duatn monyatoan kobondaran ni'in ko urakng inyo kinyo pontikng ubo bobia' kocit. Oi, Bopai, caro nantai monyonangan hati Duatn!”

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

2 Korintus 9:15

Bosukurcam ko Allah obai poonju'-Nyo inyo kotakan borogo nantai!

2 Korintus 2:14

Apo bosukur ko Allah! Sio moirikan koi dalapm pawai boko urakng inyo monang obai koi hidup di dalapm Kristus. Allah momakai koi pakai' monyampaian borito mongona'i Kristus di mono-mono, samo sama'an bou harupm.

Yohanes 11:41

Jadi, boko urakng momindahan batu nantai. Lopas jadi nantai Yesus monongadah ko langit. Kato-Nyo, “Torima' kasih, Bopai, obai Duatn udah mondinga'an Aku.

Wahyu 18:8

Obai nantaiam, Tuhatn Allah mohakipi io. Somuo malopotako paca'an moninggakng io dalapm soari mo, ia'an io paca'an kona' poranggapan ongko bulikng huatan kolaparan. Io jam paca'an dibonasoan agatn api. Somuo nantai paca'an tojadi obai Tuhatn Allah inyo mohakipi io kotakng bokuaso.”