Wahyu 11:10 - Porjanjian Boharu Torjomahan Baso Dilakng Soari-ari

¹⁰ Somanah koduo nabi nantai ija' hidup, sia' duo bulah boko urakng di bumi kotakng ajab sonsaro. Obai nantai, boko urakng di bumi kotakng rindakng obai komatian sia'. Boko urakng bopogai, huatan sosamo bokiripm hadiah pakai' morayaan poristiwa nantai.

Wahyu 11:10 ပူးပေါင်းရင်းမြစ်များ

Matius 10:22

Somuo urakng paca'an mombonci' kaitn obai kaitn tuyut Aku. Apo sotiap urakng inyo totap pocayo ko Aku sampai koponsuahannyo, sia' paca'an disolamant'an.

Yohanes 16:20

Pondinga'an boboi' cam inyo Ku padahan ni'in! Sobontar agi' kaitn paca'an gugu'-gogal monangis obai la'apo inyo paca'an tojadi ko Aku. Apo boko urakng di dunia ni'in inyo co pocayo, sia' paca'an rindakng-totawo. Memang kaitn paca'an salu', apo nononyo kaitn monjadi sonang-nyamanam.

Yohanes 7:7

Boko urakng di dunia conyiant alasan pakai' bonci'an kaitn. Apo dunia bonci'an Aku obai Aku hala momadahannyo ko sia' obai porbuatannyo jahat.

Kisah Boko Rasul 5:33

Timpu boko pomimpitn Yahudi mondinga' nantai, oso ditujah hati sia' sampai honda' mombunuh boko rasul nantai.

1 Korintus 13:6

Urakng inyo mongasihi nantai ia'an urakng inyo kinyo rindakng obai urakng bulah kojahatan. Apo io rindakng obai kobondaran.

Wahyu 12:13

Pas nago nantai sadar obai io udah ditikapan ko bumi, ongko io monyasah pakai' monyakiti botina' inyo molahiran Ana' lolaki nantai.

Wahyu 13:14

Io mombulah boko tando nantai di pohadapan mato bonatakng inyo potamo. Agatn boko tando nantai, io monyosat'an boko urakng inyo bodiapm di bumi. Io monyiuh sia' pakai' moninjakan lompatukng dalapm rupo bonatakng inyo potamo, bonatakng inyo udah diluko'i podakng apo hidup.

Wahyu 13:8

Io paca'an disombah ulih somuo urakng inyo bodiapm di bumi, ia'an somuo urakng inyo doi' mulo dunia dipulah damonyo co totulis dalapm Buku Kohidupan. Buku nantai umputn Ana' Domba inyo udah disombolih.

Wahyu 16:10

Molekat kolima' monumpahan mangku'nyo ko pucu' tahta bonatakng nantai. Jadi, koraja'an bonatakng nantai monjadi potakng. Boko urakng mongotap lidah sia' obai mooso kompodihan.

Wahyu 3:10

Kaitn udah monaati porintah-Ku pakai' botahatn dalapm mohadapi ajab sonsaro. Obai niannam, Aku paca'an molinduki kaitn doi' masa kosusahan inyo paca'an monimpa soluruh dunia. Hal nantai tojadi pakai' mouji somuo monsio inyo bodiapm di bumi.