Wahyu 10:5 - Porjanjian Boharu Torjomahan Baso Dilakng Soari-ari

⁵ Lopas nantai, molekat nantai inyo aku tiat bodiritn di pucu' lout huatan di pucu' bumi nantai, io moangkat longan kanannyo ko langit,

Wahyu 10:5 ပူးပေါင်းရင်းမြစ်များ

Wahyu 16:17

Molekat kotujuh monumpahan mangku'nyo ko awakng-awakng. Lalu ado saro borakng doi' dalapm Rumah Allah, doi' tahta nantai. Kato-Nyo, “Somuonyo udah jadiam!”

Wahyu 14:7

Molekat nantai bopandir agatn saro borakng. Katonyo, “Hormaticam Allah. Pujicam Sio! Obai, sampaiam watunyo pakai' Allah mohakipi somuo urakng. Sombahcam Sio inyo mombulah langit, bumi, lout huatan somuo mato ara'i.”

Wahyu 10:2

Sio monjujut sobuah gulukan buku kocit di jarinyo. Gulukan buku nantai udah tobuka'. Watu molekat nantai turutn, io mononja'an kaki kanannyo di pucu' lout, kaki kiba'nyo di pucu' bumi.

Wahyu 4:11

“Oi Tuhatn Allah koi. Duatn cucu' monorima' pujian, hormat, ongko kuaso. Obai, Duatn inyo mombulah la'apo pan. La'apo pan inyo ado, boko dipulah, ongkah obai kohonda' Duatam.”

Kisah Boko Rasul 14:15

“Boko pokawalan, jangan kaitn molabuhan nantai. Koi bayo urakng biaso, samo ubo kaitn. Koi datakng ko si'itn pakai' momboritoan Kabar Boi' mongona'i Yesus ko kaitn. Koi honda' oca' kaitn ongkah monyombah Allah inyo hidup ja'am, bukainyo boko duato inyo kinyo boguno. Allah inyo bulah langit, bumi, lout ongko agatn somuo isinyo.

Wahyu 4:9

Sia' momuji, mohormati, moucap sukur ko Sio inyo dudu' di tahta nantai, Sio inyo hidup somanah-manahnyo. Sotiap kali sia' molabuhan nantai,

Wahyu 1:18

Aku ninam inyo Hidup. Aku udah mati, apo porotiancam, Aku hidup pakai' somanah-manahnyo. Aku monjujut kunci huatan bokuaso tohadap komatian ongko dunia urakng mati

Ibrani 6:13

Porotian toladatn Abrahapm. Obai io sabar, jadi io monorima' borokat inyo dijanjian Allah ko io. Allah bopandir, “Aku bojanji Aku tajahan momborokati kolai. Aku tajahan moonji'i banya' koturutan ko kolai.” Watu Allah monjanjian hal nantai ko Abrahapm, Allah monguat'an janji-Nyo agatn bosumpah demi diri-Nyo siku'. Allah bosumpah demi diri-Nyo siku' obai conyiant urakng inyo lobih bokuaso doi' Sio.

Roma 1:20

Ia'an obai Sio Allah huatan Sio bokuaso pakai' somanah-manahnyo. Boko sipat-Nyo nantai kinyo ulih ditiat agatn mato, apo tangga'i dunia ni'in dipulah, monsio ulih momahami nantai molalu'i la'apo pan inyo Sio pulah. Jadi, monsio conyiant alasan pakai' co mongonal boko sipat Allah nantai.

Kisah Boko Rasul 17:23

Aku udah bojojalatn di kota ni'in. Aku moniant banya' tompat monyombah boko duato kaitn. Ado sobuti' mesbah tompat molota'an posombahan jam agatn tulisan ni'in: ‘Pakai' monyombah duato inyo bolupm dikonal.’ Kaitn bolupm mongonal Sio, apo totap monyombah Sio. Aku moajaran mongona'i Sio nantai.