Wahyu 10:11 - Porjanjian Boharu Torjomahan Baso Dilakng Soari-ari

¹¹ Sio bopandir ko aku, “Kolai gola' monyampaian posatn doi' Allah agi' ko banya' banso, negara, baso huatan rajo.”

Wahyu 10:11 ပူးပေါင်းရင်းမြစ်များ

Wahyu 10:10

Jadi, aku monguti' buku nantai doi' jari molekat nantai. Aku momua'inyo. Nantai tooso manis sama'an madu di nyaoku. Apo nantai mombulah porutku monjadi pohit.

Wahyu 11:1

Lopas nian, aku dionji'i sotota' kayu sama'an tungkah inyo digunoan pakai' moukur. Aku disiuh, “Botula'cam moukur Rumah Allah ongko mesbah. Ongko hitukngcam boropo banya' urakng inyo sombayakng di su'utn.

Wahyu 11:9

Somanah tigo sotongah ari, boko urakng doi' somuo negara, suku, baso, huatan banso paca'an moniant bangkai sia' duo nantai. Boko urakng nantai kinyo moijitan bangkai sia' nantai dipasar.

Wahyu 14:6

Lopas nian aku moniant siku' urakng molekat bukai inyo trobakng tinggi di langit. Molekat nantai mombaba' Kabar Boi' inyo bolaku pakai' somanah-manahnyo. Io momboritoan Kabar Boi' nantai ko somuo urakng inyo bodiapm di bumi, ia'an boko urakng doi' sotiap banso, sotiap suku, sotiap baso, sotiap negara.

Wahyu 17:10

Kotujuh kopala' nantai pan monggambaran tujuh rajo: Lima' rajo udah jatu'. Siku' ija' momorintah sampai watu ni'in. Lalu, siku' agi' bolupm datakng. Watu rajo inyo kotujuh nantai datakng, io bayo paca'an momorintah sobontar mo.

Wahyu 17:12

Kosopuluh tandu' bonatakng nantai inyo kolai tiat monggambaran sopuluh rajo inyo bolupm mula'i momorintah. Nononyo sia' paca'an dionji'i kuaso pakai' momorintah bosamo-samo agatn bonatakng nantai. Apo, sia' bayo paca'an momorintah somanah so japm mo.

Wahyu 17:15

Lalu, molekat nantai bopandir ko aku, “Somuo ara'i, tompat lahukng nantai dudu', inyo kolai tiat, nantai monggambaran somuo banso, rayat, negara, ongko baso.

Wahyu 5:9

Sia' monyanyian nyanyian boharu pakai' momuji Ana' Domba nantai. Kato sia', “Duatn inyo cucu' monorima' gulukan buku nian lalu molopasan boko segelnyo. Obai, Duatn udah disombolih; Agatn darah Duatn siku', Duatn udah mombayar hukupan dosa boko urakng doi' sotiap suku, sotiap baso, sotiap banso, sotiap negara. Duatn molabuhan nantai pakai' bulah sia' monjadi umant umputn Allah.