Wahyu 1:7 - Porjanjian Boharu Torjomahan Baso Dilakng Soari-ari

⁷ Porotiancam! Sio datakng di antaro boko awatn! Somuo urakng paca'an moniant Sio, tomansu' sia' inyo udah monuhu' Sio. Somuo banso di bumi paca'an monangis obai Sio. Au, pasti ni'in tajahan tojadi! Amin!

Wahyu 1:7 ပူးပေါင်းရင်းမြစ်များ

Matius 16:27

Obai Ana' Monsio paca'an datakng agi' agatn kuaso Allah Bopai-Nyo huatan diiriki boko molekat-Nyo. Timpu nantai, Sio paca'an mombalas sotiap urakng sosuai agatn porbuatannyo.

Matius 16:28

Dinga'anbo, ado urakng di antaro kaitn somuo di si'itn inyo kinyo paca'an mati sobolupm moniant Ana' Monsio datakng agatn Korajaan-Nyo.”

Matius 24:30

Watu nantai, boko urakng paca'an moniant tando Ana' Monsio di langit. Somuo banso paca'an kotakng bulikng. Pas Ana' Monsio datakng di pucu' awatn, sia' paca'an moniant kuaso huatan komulia'an-Nyo.

Matius 25:31

“Ana' Monsio, paca'an datakng agi' sobagai Rajo. Somuo molekat paca'an datakng bosamo-samo agatn Sio. Sio paca'an dudu' di pucu' tahta-Nyo inyo hebat.

Matius 26:64

Timbas Yesus, “Ubo kato kaitn nam. Apo porotian ja' ni'in! Mula'i doi' watu ni'in, kaitn paca'an moniant Ana' Monsio, dudu' di tompat inyo tohormat disopia' kanan Allah Inyo Kotakan Bokuaso. Kaitn paca'an moniant-Nyo datakng doi' sorugo di pucu' boko awatn.”

Markus 13:26

Timpu nantai, boko urakng tajahan moniant Ana' Monsio datakng di pucu' awatn. Io tajahan monunju'an kuaso huatan komulia'an-Nyo.

Markus 14:62

Timbas Yesus, “Aku nam io nantai. Kaitn paca'an moniant ana' Monsio dudu' di tompat inyo tohormat di sopia' kanan Allah Inyo kotakan bokuaso. Nononyo, kaitn pan paca'an moniant Io datakng di pucu' boko awatn di langit.”

Lukas 21:27

Timpu nantai, urakng paca'an moniant Ana' Monsio paca'an datakng bobali' ko dunia ni'in, turutn doi' sorugo di pucu' awatn. Io paca'an bocohayo torakng. Io paca'an kotakan bokuaso.

Yohanes 19:34

Apo ado projurit inyo monumba' porut Yesus. Darah agatn ara'i lansukng mongalir koluar.

Yohanes 19:37

Ado jam ditulis di Buku Suci: “Sia' paca'an moniant Sio inyo udah sia' tumba'.”

1 Tesalonika 1:10

Sia' pan mongisahan obai kaitn monanti watu Ana' Allah paca'an datakng agi' ko dunia ni'in doi' sorugo. Ia'an, Yesus inyo udah Allah hidupan agi' doi' komatian. Yesus nantaiam inyo monyolamant'an kito doi' hukupan Allah inyo paca'an datakng.

1 Tesalonika 4:17

Lopas nantai, kito inyo ija' hidup paca'an diangkat ko pucu' awatn sosamo agatn sia'. Kito paca'an botomu Tuhatn di langit. Doi' watu nantai sampai somanah-manahnyo, kito paca'an bodiapm sosamo agatn Sio.

Ibrani 10:29

Jadi, urakng inyo kinyo morogo'i Ana' Allah cucu' dihukupm lobih borat agi'. Urakng nantai moremehan darah Yesus inyo mombulah io monjadi borosih doi' dosanyo, ia'an darah Yesus inyo monsahan pojanjian boharu doi' Allah. Urakng nantai mohayam Roh Allah inyo monunju'an kasih karunia.

Ibrani 6:6

lopas somuonyo nantai, aman sia' moninggalan Kristus, jadi co mungkitn sia' ulih dibimbikng oca' sia' moninggalan dosa sia' lalu bobali' agi' ko Sio. Obai, umpamonyo sia' siku' mohukupm mati Ana' Allah di kayu salib agi'. Sia' mombulah Sio dihanyam di hadapan urakng banya'.

1 Yohanes 3:2

Boko somadikanku inyo ku kasihi, watu ni'in kito nam poana'an Allah. Kito co tohu pasti ubo apo Allah morubah kito nononyo. Apo kito tohu ni'inan: timpu Kristus datakng agi', kito paca'an monjadi samo sama'an Sio obai kito moniant Sio dalapm koadaan-Nyo inyo sobondarnyo

Yudas 1:14

Henokh, koturutan kotujuh doi' Adapm, udah momadahan doi' komai obai sia' paca'an dihukupm. Kato io, “Tiatcam! Tuhatn paca'an datakng agatn boribu-ribu molekat-Nyo.

Wahyu 22:20

Yesus inyo momadahan somuo borito ni'in. Sio bopandir, “Au! Aku paca'an oca'mo datakng!” Amin! Datakngcam Yesus, Tuhatn.

Wahyu 22:4

paca'an moniant mato-muho-Nyo. Damo-Nyo paca'an totulis di koning sia'.