Wahyu 1:5 - Porjanjian Boharu Torjomahan Baso Dilakng Soari-ari

⁵ Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

Wahyu 1:5 ပူးပေါင်းရင်းမြစ်များ

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Matius 28:18

Yesus mohampiki sia' huatan bopandir, “Allah udah moonji'i kuaso ko Aku di sorugo ongko di bumi.

Yohanes 13:1

Sobolupm Ari Rayo Paskah, Yesus udah tohu obai udah datakng watu-Nyo pakai' Sio moninggalan dunia ni'in lalu bobali' ko Allah Bopai. Yesus mongasihi kolompok urakng di dunia inyo monjadi umputn-Nyo. Sio hala mongasihi sia' sampai ari toahir Sio ado di dunia.

Yohanes 13:34

Aku moonji'i porintah boharu ko kaitn: Kaitn gola' hala mongasihi siku'-monyiku'. Samo sama'an Aku udah mongasihi kaitn, sama'an nian jam kaitn gola' hala mongasihi siku'-monyiku'.

Yohanes 15:9

Samo sama'an Bopai mongasihi Aku, ubo nian jam Aku mongasihi kaitn. Kohonda'nyo kaitn totap hidup samo sama'an urakng inyo Ku kasihi.

Yohanes 18:37

Lalu Pilatus botakutn ko Yesus, “Aman ubo nian kolai memang rajo ai?” Timbas Yesus, “Kolai mo inyo monyobut obai Aku ninam rajo. Ninam alasan Aku lahir, Aku datakng ko dalapm dunia ni'in. Ia'an, oca' Aku momadahan mongona'i lapo inyo bondar. Somuo urakng inyo honda' hidup dalapm kobondaran, sia' monuruti pomandiran-Ku.”

Yohanes 3:11

Porotian cam! Koi bopandir mongona'i boko hal inyo koi kotohu'i. Koi momadahan mongona'i boko hal inyo udah koi tiat. Apo kaitn co honda' monorima' kosasian koi nantai.

Yohanes 3:16

Obai, Allah kotakng mongasihi boko urakng di dunia ni'in. Sampai, Sio udah monyorahan Ana'-Nyo inyo tunggal. Allah molabuhan nantai, oca' somuo urakng inyo pocayo ko Ana'-Nyo, sia' co bonaso di noraka, apo sia' dapat hidup somanah-manahnyo di sorugo.

Yohanes 3:32

Sio momadahan mongona'i somuo inyo Sio tiat huatan Sio dinga'. Apo, conyiant ado urakng inyo pocayo agatn pomandiran-Nyo.

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

Kisah Boko Rasul 26:23

Rajo Inyo Dijanjian Allah gola' ajab sonsaro sampai mati. Apo sia' pan monulis jam obai Sio paca'an monjadi urakng potamo inyo bobali' hidup doi' komatian. Agatn caro nantai Sio ulih monjadi ubo torakng inyo monjolasan kohonda' Allah ko banso Yahudi huatan ko boko banso inyo bukainyo banso Yahudi.”

Roma 3:25

Sio mombayar agatn darah-Nyo siku' timpu Sio mati di kayu salib. Sio monjadi kurbatn oca' dosa urakng ulih diamputi, ia'an aman sia' pocayo ko Sio. Allah monyorahan Yesus sama'an nantai pakai' monunju'an obai Sio adil huatan mohukupm dosa. Komai, Allah sabar agatn monsio. Sio bolupm mohukupm somuo dosa sia'.

Roma 8:37

Apo, somuonyo nantai culih mongalahan kito obai Kristus inyo mongasihi kito bulah kito bondar-bondar monang.

1 Korintus 6:11

Ija' komainyo ado boko urakng di antaro kaitn inyo hidup sama'an nian. Apo kaitn udah diborosihi doi' boko dosa. Kaitn udah monjadi umant husus umputn Allah. Kaitn udah dianggap bondar di hadapan Allah. Somuo nian tojadi obai kuaso Tuhatn Yesus Kristus huatan kuaso Roh Allah kito.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

Efesus 2:4

Apo Allah kotakng bobolas kasihan Sio kotakng mongasihi kito.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

Kolose 1:18

Sio nantai kopala' bukakng-tubuh-Nyo, ia'an somuo urakng inyo pocayo ko Sio. Sio nantai puku' kohidupan boharu inyo dionji'i ko sia' nantai. Sio monjadi urakng potamo inyo bobali' hidup doi' komatian. Ongko, Sio siku' monjadi inyo palikng pontikng doi' somuo hal.

1 Timotius 6:13

Allah moonji'i hidup ko somuo hal. Kristus Yesus momandiran la'apo inyo bondar mongona'i diri-Nyo siku' timpu Sio diadili di hadapan Pontius Pilatus. Jadi, di hadapan Allah huatan Kristus Yesus aku monyiuh ko kolai:

1 Timotius 6:15

Yesus paca'an bobali' datakng agi' pas watu inyo ditontuan Allah. Ongkah Allah inyo monguaso'i somuo hal huatan inyo cucu' dipuji. Sio nantai Rajo inyo monguaso'i somuo rajo bukai. Sio nantai Tuhatn di pucu' somuo habakng bukai.

Ibrani 10:29

Jadi, urakng inyo kinyo morogo'i Ana' Allah cucu' dihukupm lobih borat agi'. Urakng nantai moremehan darah Yesus inyo mombulah io monjadi borosih doi' dosanyo, ia'an darah Yesus inyo monsahan pojanjian boharu doi' Allah. Urakng nantai mohayam Roh Allah inyo monunju'an kasih karunia.

Ibrani 9:14

boroti darah Kristus lobih boi' agi'. Molalu'i Roh Allah inyo hala ada'an, Kristus udah momposombahan diri-Nyo siku' ko Allah. Sio nam kurbatn posombahan inyo sompurna. Darah-Nyo mombulah hati kito monjadi borosih doi' boko porbuatan inyo kinyo bondar oca' kito ulih monyombah Allah inyo hidup.

1 Petrus 1:19

Apo tobusan nantai dibayar agatn sosuatu inyo kotakan mahal, ia'an darah Kristus. Sio monjadi kurbatn inyo boi' pakai' mombayar hukupan dosa kito, samo sama'an ana' domba inyo kinyo bonoda huatan kinyo cacat.

1 Yohanes 1:7

Apo, aman kito hidup di dalapm torakng, samo agatn Allah hidup dalapm torakng, jadi kito pan mondapat kosatuan agatn inyo bukainyo. Kito pan diborosihi doi' boko dosa kito obai darah Yesus, Ana'-Nyo.

1 Yohanes 4:10

Ninam kasih nantai, bukainyo kito inyo udah mongasihi Allah, apo Allah inyo udah mongasihi kito: Sio moutus Ana'-Nyo pakai' mati oca' kito dapat dibebasan doi' hukupan dosa.

Wahyu 11:15

Lopas nian, molekat inyo kotujuh moniup trompetnyo. Watu nantai, ado boko saro borakng di sorugo bopandir, “Koraja'an di dunia ni'in udah dikuaso'i Tuhatn Allah huatan Rajo Inyo Dijanjian-Nyo, ia'an Kristus. Sio paca'an momorintah somanah-manahnyo!”

Wahyu 11:3

Apo, paca'an ado duo urakng inyo bosasi mongona'i Aku. Sia' duo paca'an momakai pakai'an bulikng. Aku paca'an moonji'i kuaso ko sia' pakai' monyampaian posatn doi' Aku somanah soribu duo ratus onam puluh ari.”

Wahyu 17:14

Sia' paca'an boparakng molawatn Ana' Domba. Apo Ana' Domba paca'an mongalahan sia', obai Sionam Tuhatn inyo bokuaso dipucu' boko tuhatn, Rajo di pucu' somuo rajo bukai. Boko urakng inyo bosamo agatn Ana' Domba paca'an monang, ia'an sia' inyo ditingkau, inyo dipilih, inyo sotia ko Sio.”

Wahyu 19:11

Lopas nian, aku moniant sorugo tobuka', wah, ado siku' kuda putih. Urakng inyo monunggaki kuda nantai bodamoan “Inyo Sotia” huatan “Inyo Bondar”. Sio mohakipi huatan boparakng agatn adil.

Wahyu 19:16

Dijubah-Nyo huatan paho-Nyo totulis damo ni'in, “Rajo inyo bokuaso di pucu' boko rajo, Tuhatn di pucu' boko habakng.”

Wahyu 2:13

Aku tohu obai kota kaitn ia'an tompat tahta Rajo Sitatn. Apo kaitn totap sotia ko aku. Somadikan Antipas momboritoan mongona'i Aku agatn sotia. Sio dibunuh di kota kaitn, ia'an nantai kota tompat kodiapan Rajo Sitatn. Biar pan ubo nantai, watu nantai kaitn totap moaku'i obai kaitn pocayo ko Aku.

Wahyu 3:14

“Tuliscam pomandiran ni'in ko molekat inyo monjago jomaat di Laodikia: Pomandiran ni'in doi' Aku, inyo disobut Amin inyo momadahan mongona'i Allah agatn sotia ongko agatn bondar. Aku nam sumber somuo la'apo pan dipulah Allah.

Wahyu 7:14

Aku bopandir ko io, “Aku cuku tohu, habakng. Duatn mongotohu'inyo.” Jadi io bopandir ko aku, “Sia' ni'inam boko urakng inyo koluar doi' masa ajab sonsaro inyo bosar. Sia' udah bulah jubah sia' monjadi putih, monopasinyo agatn darah Ana' Domba.