Wahyu 1:4 - Porjanjian Boharu Torjomahan Baso Dilakng Soari-ari

⁴ Ko kotujuh jomaat di doerah Asia. Doi' aku, Yohanes. Aku bodoa oca' kaitn monorima' koboi'an ongko sonang-asau doi' Allah, inyo ado watu ni'in, inyo udah ado doi' joman komai, huatan inyo ado sotorusnyo. Ongko doi' kotujuh roh inyo ado di hadapan tahta-Nyo.

Wahyu 1:4 ပူးပေါင်းရင်းမြစ်များ

Yohanes 1:1

Mulonyo, sobolupm la'apo pan dipulah, ado Sio inyo disobut ‘Pandir Allah’. Pandir nantai bosamo agatn Allah. Pandir nantai jam samo agatn Allah.

Kisah Boko Rasul 19:10

Io mongajar boko urakng Yahudi huatan boko urakng Yunani somanah duo tohutn. Jadi, somuo urakng inyo bodiapm di propinsi Asia mondinga' mongona'i Tuhatn Yesus.

Kisah Boko Rasul 2:9

tomansu' Partia, Media, Elam, huatan pondudu' Mesopotamia, Yudea, Kapadokia, Pontus, ongko Asia.

1 Korintus 1:3

Kasih karunia ongko sonang-asau doi' Allah, Bopai kito, huatan doi' Tuhatn Yesus Kristus monyoroto'i kolai.

2 Korintus 1:2

Aku bodoa oca' Allah Bopai kito ongko Tuhatn Yesus Kristus hala monunju'an koboi'an ongko moonji'i sonang-asau ko kaitn.

Ibrani 13:8

Yesus Kristus kinyo borubah. Sio totap samo sokomai, ni'inan sampai somanah-manahnyo.

Yakobus 1:17

Allah inyo moonji'i somuo inyo boi' huatan sompurna. Sio inyo mombulah matoari, bulatn, huatan somuo bintakng di langit. Sio co kalo borubah sama'an kombayakng inyo bopindah-pindah. Sio hala boi'.

Wahyu 1:1

Yesus Kristus monyatoan mongona'i boko kojadian inyo paca'an tojadi. Allah momboritoan ko Yesus pakai' monyatoannyo ko boko urakng inyo molayati Sio. Yesus Kristus moutus molekat-Nyo pakai' monyatoan ko Yohanes, hulutn-Nyo.

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”

Wahyu 1:17

Pas aku moniant-Nyo, aku lansukng tokosungkapm di hadapan kaki-Nyo sama'an urakng mati. Apo Sio molota'an longan kanan-Nyo ko aku. Kato-Nyo, “Jangan gola'! Aku ninam inyo Potamo ongko inyo toahir,

Wahyu 1:20

Dalapm poniant'an tontai kolai moniant tujuh tihakng tompat molota'an pompolitoan inyo dipulah doi' omas. Kolai pan moniant jam tujuh bintakng di longan kanan-Ku. Nianam rotinyo: Kotujuh tihakng tompat molota'an pompolitoan nantai monggambaran kotujuh jomaat. Kotujuh bintakng nantai monggambaran kotujuh molekat inyo monjago boko jomaat nantai.”

Wahyu 1:8

“Akunam inyo Potamo ongko inyo Toahir,” kato Tuhatn Allah, inyo Maho Kuaso, inyo ado watu ni'in, inyo udah ado doi' joman komai, huatan inyo ado sotorusnyo.

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

Wahyu 16:5

Aku mondinga' molekat inyo bokuaso dipucu' ara'i bopandir, “Oi Duatn inyo ado watu ni'in huatan inyo udah ado doi' komai. Duatn inyo kudus. Duatn mohukupm boko urakng ni'in agatn kotakng adil.

Wahyu 2:12

“Tuliscam pomandiran ni'in ko molekat inyo monjago jomaat di Pergamus: Pomandiran ni'in doi' Sio, inyo monjujut podakng tajapm inyo bomato duo.

Wahyu 2:18

“Tuliscam pomandiran ni'in ko molekat inyo monjago jomaat di Tiatira: Pomandiran ni'in doi' ana' Allah, inyo mato-Nyo sama'an api huatan kaki-Nyo sama'an tombago

Wahyu 2:8

“Tuliscam pomandiran ni'in ko molekat inyo monjago jomaat di Smirna: Pomandiran ni'in doi' Sio, inyo Potamo ongko inyo Toahir, Sio udah mati apo hidup agi'.

Wahyu 22:16

Yesus bopandir, “Aku udah moutus molekat-Ku pakai' momadahannyo ko kaitn mongona'i somuonyo ni'in. Nantai pakai' kopontikan boko jomaat. Aku ninam Koturutan doi' Rajo Daud. Aku ia'an Bintakng Timur inyo torakng nantai.”

Wahyu 22:8

Aku, Yohanes, udah mondinga' huatan moniant somuonyo nantai. Lopas jadi aku mondinga' huatan moniantnyo, aku lansukng tokosungkapm di pohadapan kaki molekat inyo udah monunju'an somuonyo nantai ko aku. Aku bomasud pakai' monyombah io.

Wahyu 3:1

“Tuliscam pomandiran ni'in ko molekat inyo monjago jomaat di Sardis: Pomandiran ni'in doi' Sio, inyo umputn kotujuh roh ongko kotujuh bintakng nantai. Aku tohu caro hidup kaitn. Uji urakng tai hidup kaitnbohubukan dampikng agatn Allah. Padohal, sobondarnyo kaitn topisah doi' Allah, kaitn samo sama'an udah mati.

Wahyu 3:14

“Tuliscam pomandiran ni'in ko molekat inyo monjago jomaat di Laodikia: Pomandiran ni'in doi' Aku, inyo disobut Amin inyo momadahan mongona'i Allah agatn sotia ongko agatn bondar. Aku nam sumber somuo la'apo pan dipulah Allah.

Wahyu 3:7

“Tuliscam pandir ni'in ko molekat inyo monjago jomaat di Filadelfia: Pomandiran ni'in doi' Sio, Inyo Kudus, Inyo Bondar, inyo monjujut kunci Rajo Daud, ia'an kunci pakai' mansu' Koraja'an Allah. Aman Sio mombuka' lawakngnyo, conyiant ado siku' urakng pan inyo ulih monutupnyo. Aman Sio monutup lawakngnyo, conyiant ado siku' urakng pan inyo ulih mombuka'nyo.

Wahyu 4:5

Ado kilat ongko bunyi guntur solitar inyo koluar doi' tahta di tongah nantai. Di pohadapan tahta nantai ado tujuh obor inyo bonyalo. Nianam kotujuh Roh Allah.

Wahyu 4:8

Koompat mahluk nantai siku'-monyiku' ado onam sayapnyo. Somuo sayap nantai banya' matonyo jam, sokolilikngnyo ongko di dalapmnyo. Siakng-malapm, koompat mahluk nantai bonyanyi kinyo botongga'-boronti. Kato sia', “Kudus, kudus, kudusam Tuhatn Allah, Inyo Maho Kuaso, inyo udah ado doi' komai, ongko inyo ado watu ni'in, ongko inyo paca'an datakng.”

Wahyu 5:6

Lalu, aku moniant siku' Ana' Domba inyo kotiat'annyo samo sama'an udah disombolih. Sio bodiritn di tongah-tongah tahta, koompat mahluk, ongko koduo puluh ompat pomimpitn nantai. Sio ado tujuh tandu' ongko tujuh mato. Nantai ia'an tujuh Roh Allah inyo diutus ko soluruh dunia.

Wahyu 8:2

Lopas nian, aku moniant kotujuh molekat inyo bodiritn di hadapan Allah. Sia' dionji'i tujuh trompet.