Wahyu 1:2 - Porjanjian Boharu Torjomahan Baso Dilakng Soari-ari

² Dalapm buku ni'in Yohanes monulis mongona'i Pomandiran Allah huatan mongona'i boko hal inyo Yesus Kristus nyatoan ko io, ia'an boko la'apo inyo Yohanes tiat dalapm poniant'an nantai.

Wahyu 1:2 ပူးပေါင်းရင်းမြစ်များ

Yohanes 1:32

Yohanes pan mongisahan, katonyo, “Aku udah moniant Roh Allah turutn doi' langit samo sama'an burukng daro. Roh Allah nantai mohinggap di pucu' Yesus.

Yohanes 12:17

Ado banya' urakng inyo bosamo Yesus timpu Sio mombulah Lazarus bobali' hidup doi' komatian huatan moningkau io koluar doi' dalapm pasaran. Boko urakng inyo moniant nantai torus momboritoan hal nantai ko boko urakng bukai.

Yohanes 19:35

(Urakng inyo momboritoan mongona'i nantai udah moniantnyo agatn mato kopala'nyo siku'. Sio tohu kojadian nantai bondar-bondar tojadi. Io momboritoannyo agatn bondar oca' kaitn pan pocayo).

Yohanes 21:24

Murid nantaiam murid inyo momadahan mongona'i somuonyo ni'in. Ionam inyo udah monulisnyo. Kito tohu obai pomandirannyo bondar.

Yohanes 3:11

Porotian cam! Koi bopandir mongona'i boko hal inyo koi kotohu'i. Koi momadahan mongona'i boko hal inyo udah koi tiat. Apo kaitn co honda' monorima' kosasian koi nantai.

Kisah Boko Rasul 22:15

Hal nantai tojadi ko kolai oca' kolai monjadi sasi-Nyo. Kolai gola' momboritoan ko somuo urakng mongona'i somuo inyo udah kolai tiat ongko dinga'.

Kisah Boko Rasul 26:16

Ni'in bodiritn cam. Aku moniant'an diri ko kolai pakai' moutus kolai monjadi polayatn-Ku. Kolai gola' momboritoan mongona'i la'apo inyo udah kolai tiat ni'in. Kolai pan gola' momboritoan mongona'i la'apo inyo paca'an Aku tiat'an ko kolai nononyo.

Kisah Boko Rasul 4:20

Koi duo co paca'an langunt. Koi gola' momboritoan la'apo inyo udah koi tiat huatan dinga' doi' Yesus.”

1 Korintus 1:6

Somuo nantai tojadi obai pomandiran inyo diboritoan ko kaitn mongona'i Kristus bondar-bondar mansu' ko dalapm hati kaitn.

1 Korintus 2:1

Boko somadikan, aku bulah sama'an nantai jam timpu aku datakng ko kaitn. Aku kinyo momakai boko kato-pandir inyo hebat pakai' momboritoan mongona'i hajat Allah inyo komai kinyo dikotohu'i monsio. Aku pan kinyo momakai kopintar-corodi'an monsio timpu nantai.

1 Yohanes 1:1

Dalapm surat ni'in, koi monyampaian ko kaitn mongona'i Sio inyo disobut Pomandiran Allah inyo moonji'i hidup. Sio ado doi' mulonyo. Koi udah mondinga' Sio. Koi udah moniant Sio agatn mato koi siku'. Koi moniant Sio ongko koi udah moncanggapm Sio agatn jari koi siku'.

1 Yohanes 4:14

Huatan obai koi udah moniant obai Allah Bopai kito udah moutus Ana'-Nyo monjadi Ponyolamant boko urakng di dunia. Koi momboritoan nantai.

3 Yohanes 1:12

Mongona'i Demetrius boko urakng mongatoan io nantai urakng boi'. Kohidupan io sikuꞌ inyo monunju'an nantai obai io hidup sosuai agatn ajaran inyo bondar. Koi pan mongatoan io urakng inyo boi'. Ongko kolai tohu obai koi hala momandiran inyo bondar.

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”

Wahyu 1:19

Obai nantaiam, tuliscam somuo hal inyo ditiatan ko kolai, ia'an boko hal inyo tojadi watu ni'in ongko boko hal inyo tajahan tojadi nononyo.

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

Wahyu 12:11

Boko somadikan kito udah mongalahannyo agatn darah Ana' Domba nantai, huatan agatn borito inyo bondar doi' Allah inyo sia' boritoan. Sia' sanggup mongurbatan diri sia' sampai mati.

Wahyu 12:17

Ongko, nago nantai monjadi kotakng godi ko botina' nantai. Io botula' boparakng molawatn koturutannyo inyo bukai, ia'an sia' inyo monaati boko porintah Allah huatan pocayo agatn kuat ko somuo inyo Yesus pandiran.

Wahyu 20:4

Lalu, aku moniant boko tahta. Boko urakng inyo dudu' di pucu'nyo dionji'i kuaso pakai' mohakipi. Aku pan moniant boko jiwa sia' inyo diponggal kopala'nyo obai sia' bosasi mongona'i Yesus ongko momboritoan Pomandiran doi' Allah. Ia'an sia' inyo co monyombah bonatakng ongko lompatukng nantai, sia' inyo kinyo monorima' tando bonatakng nantai di koning huatan jarinyo. Sia' hidup agi' lalu momorintah sobagai rajo bosamo Kristus somanah soribu tohutn nantai.

Wahyu 22:21

Aku bodoa oca' Tuhatn Yesus monunju'an koboi'an-Nyo ko kaitn somuo. Amin!

Wahyu 6:9

Lopas nian, Ana' Domba nantai mombuka' segel kolima'. Watu nantai, aku moniant banya' jiwa di babah mesbahAllah. Boko jiwa nantai ia'an boko urakng inyo udah dibunuh obai sia' momboritoan Pomandiran doi' Allah huatan obai sia' bosasi mongona'i Yesus.