Wahyu 1:18 - Porjanjian Boharu Torjomahan Baso Dilakng Soari-ari

¹⁸ Aku ninam inyo Hidup. Aku udah mati, apo porotiancam, Aku hidup pakai' somanah-manahnyo. Aku monjujut kunci huatan bokuaso tohadap komatian ongko dunia urakng mati

Wahyu 1:18 ပူးပေါင်းရင်းမြစ်များ

Matius 11:23

Huatan kaitn inyo di laman Kapernaum. Jangan bopikir kaitn paca'an dihormati huatan paca'an mansu' sorugo! Kaitn paca'an dibuakan ko noraka! Obai Aku udah bulah boko mujisat di tongah-tongah kaitn. Soumpamonyo, Aku molabuhan boko mujisat di kota Sodom, pasti boko urakng di su'utn botongga' bulah dosa. Ongko, kota nantai kinyo gola' dihancuran sama'an inyo udah tojadi timpu joman komai. Soumpamonyo ubo nian, kota nantai tontu ija' bodiritn sampai ari ni'in.

Matius 16:19

Aku paca'an moonju' ko kolai kunci Koraja'an Sorugo. Aman kolai mongobat sosuatu di dunia ni'in, hal nantai paca'an dikobat di sorugo jam. Aman kolai molopasan sosuatu di dunia ni'in, hal nantai paca'an dilopasan di sorugo jam.”

Lukas 24:5

Sia' kotakng gola', lalu monyungkapan sampai ko tanah obai hormat. Apo koduo urakng nantai bopandir ko sia', “Padohan monggoyapi urakng inyo udah bobali' hidup di antaro urakng mati.

Yohanes 11:25

Kato Yesus ko io, “Aku ninam inyo mombulah urakng bobali' hidup doi' komatian. Aku jam moonji'i urakng hidup inyo sobondarnyo. Sotiap urakng inyo pocayo ko aku, biar pan io mati, io totap paca'an hidup.

Yohanes 14:19

Co manah agi', boko urakng di dunia kinyo paca'an moniant Aku agi'. Apo kaitn paca'an moniant Aku. Obai Aku hidup, rotinyo kaitn paca'an hidup jam.

Roma 6:9

Obai, kito tohu Kristus udah bobali' hidup huatan Sio kinyo paca'an mati agi'. Komatian kinyo bokuaso agi' dipucu' Sio.

2 Korintus 13:4

Memang Kristus ulih dihukupm mati di kayu salib obai Sio ado bukakng-tubuh inyo lomah samo sama'an monsio. Apo Sio hidup obai kuaso Allah. Ubo nian jam agatn koi. Koi lomah obai koi mondorita' samo sama'an Kristus. Apo, dalapm caro koi mohadapi kaitn, koi paca'an hidup bosamo Kristus dalapm kuaso Allah.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

Kolose 3:3

Obai, caro hidup kaitn inyo manah nantai udah mati. Kaitn dionji'i hidup inyo boharu. Kristus ia'an puku' hidup kaitn nantai. Ni'in, hidup kaitn nantai tobumbutn bosamo Kristus di dalapm Allah. Apo, watu Kristus bobali' agi' ko dunia ni'in, urakng bukai paca'an moniant hidup kaitn bosamo Sio dalapm komulia'an.

Ibrani 1:3

Sio momancaran komulia'an Allah. Sio nam gambar inyo nyata doi' diri Allah siku'. Somuo hal totap botahatn doi' pomandiran-Nyo inyo bokuaso. Lopas Sio mati oca' monsio ulih diborosihi doi' boko dosa, lalu Sio noi' ko sorugo ongko dudu' di tompat inyo tohormat di sopia' kanan Allah inyo kotakng bokuaso.

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

Ibrani 7:16

Sio monjadi Imam bukainyo obai poraturan monsio, apo Sio monjadi Imam obai hidup-Nyo inyo bokuaso ongko kinyo ulih dibonasoan.

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

Wahyu 10:6

bosumpah atas damo Sio inyo hidup somanah-manahnyo, Sio inyo mombulah langit huatan somuo isinyo, bumi huatan somuo isinyo, lout huatan somuo isinyo. Kato molekat nantai, “Watunyo co paca'an ditunda' agi'!

Wahyu 15:7

Siku' doi' koompat mahluk moonju' sotota' mangku' omas ko kotujuh molekat nantai siku'-monyiku'. Kotujuh mangku' nantai boisi agatn ponggodi Allah, Allah inyo hidup somanah-manahnyo.

Wahyu 2:8

“Tuliscam pomandiran ni'in ko molekat inyo monjago jomaat di Smirna: Pomandiran ni'in doi' Sio, inyo Potamo ongko inyo Toahir, Sio udah mati apo hidup agi'.

Wahyu 20:13

Lalu lout monyorahan boko urakng mati inyo ado di dalapmnyo pakai' dihakipi. Ubo nian jam Maut ongko Koraja'an Maut monyorahan boko urakng mati inyo ado di dalapmnyo. Somuo sia' dihakipi sosuai agatn porbuatan sia' siku'-monyiku'.

Wahyu 20:14

Sotiap urakng inyo damonyo kinyo totulis dalapm Buku Kohidupan nantai, io dibuakan ko dalapm loutan api nantai. Nantai inyo dimasud agatn komatian koduo, ia'an mati somanah-manahnyo. Maut ongko Koraja'an Maut dibuakan ko dalapm loutan api nantai jam.

Wahyu 3:7

“Tuliscam pandir ni'in ko molekat inyo monjago jomaat di Filadelfia: Pomandiran ni'in doi' Sio, Inyo Kudus, Inyo Bondar, inyo monjujut kunci Rajo Daud, ia'an kunci pakai' mansu' Koraja'an Allah. Aman Sio mombuka' lawakngnyo, conyiant ado siku' urakng pan inyo ulih monutupnyo. Aman Sio monutup lawakngnyo, conyiant ado siku' urakng pan inyo ulih mombuka'nyo.

Wahyu 4:9

Sia' momuji, mohormati, moucap sukur ko Sio inyo dudu' di tahta nantai, Sio inyo hidup somanah-manahnyo. Sotiap kali sia' molabuhan nantai,

Wahyu 5:14

Koompat mahluk nantai bopandir, “Amin!” Boko pomimpitn nantai pan tundu' monyungkapan ongko monyombah.

Wahyu 6:8

Lalu aku moniant, ih, ado siku' kuda hijau kuning. Urakng inyo monunggaki kuda nantai bodamoan Maut huatan koraja'an maut tontuyutannyo. Sia' duo dionji'i kuaso pakai' mombunuh soporompat monsio di bumi. Ado inyo dibunuh agatn podakng, agatn kolaparan, doi' poranggapan, ongko molalu'i boko bonatakng ganas di bumi.

Wahyu 9:1

Lopas nantai, molekat inyo kolima' moniup trompetnyo. Pas nian, aku moniant sobuah bintakng jatu' doi' langit ko bumi. Bintakng nantai dionji'i kunci Jurakng Maut.