Wahyu 1:16 - Porjanjian Boharu Torjomahan Baso Dilakng Soari-ari

¹⁶ Longan kanan-Nyo monjujut tujuh bintakng. Sobilah podakng tajapm inyo bomato duo koluar doi' nyao-Nyo. Mato-muho-Nyo bosinar samo sama'an matoari watu tongahari.

Wahyu 1:16 ပူးပေါင်းရင်းမြစ်များ

Ibrani 4:12

Obai, Pomandiran Allah ia'an pomandiran inyo hidup huatan bokuaso, lobih tajapm doi' podakng bomato duo. Samo sama'an podakng inyo ulih monuhu' monyongkayoan boko posigalan huatan sunsutn, sama'an nian jam pomandiran Allah ulih monuhu' kotakng dalapm huatan monyongkayoan jiwa ongko roh. Pomandiran Allah ulih momoriso pikiran ongko hajat hati kito.

Wahyu 2:16

Jadi, tinggalan cam boko dosa nian. Aman cado, Aku paca'an copat datakng ko kaitn lalu monyorakng sia' nantai agatn podakng inyo ado di nyao-Ku.

Wahyu 19:15

Sio ado podakng tajapm inyo koluar doi' nyao-Nyo. Agatn podakng nantai, Sio paca'an mongalahan boko banso. Sio paca'an momorintah sia' agatn tungkah bosi. Sio inyo paca'an momoyah anggurnyo di dalapm tompat pomoyahan anggur nantai, ia'an tompat inyo molambakan ponggodi Allah Inyo Maho Kuaso.

Wahyu 2:12

“Tuliscam pomandiran ni'in ko molekat inyo monjago jomaat di Pergamus: Pomandiran ni'in doi' Sio, inyo monjujut podakng tajapm inyo bomato duo.

Efesus 6:17

Torima' cam kosolamant'an sobagai tokulu' baja inyo molinduki kopala' kaitn. Ongko pakaicam Pomandiran Allah sobagai podakng inyo dionju' Roh Allah.

Wahyu 19:21

Urakng inyo monunggakng kuda nantai mombunuh somuo musuh-Nyo inyo bukai agatn podakng, ia'an podakng inyo koluar doi' nyao-Nyo. Somuo burukng konyang momua'i dagikng doi' boko bangkai nantai.

Matius 17:2

Lalu sia' tigo moniant bukakng-tubuh huatan pakai'an Yesus borubah. Mato-muhonyo bocohayo sama'an matoari. Pakai'an-Nyo monjadi putih momanjah.

Wahyu 1:20

Dalapm poniant'an tontai kolai moniant tujuh tihakng tompat molota'an pompolitoan inyo dipulah doi' omas. Kolai pan moniant jam tujuh bintakng di longan kanan-Ku. Nianam rotinyo: Kotujuh tihakng tompat molota'an pompolitoan nantai monggambaran kotujuh jomaat. Kotujuh bintakng nantai monggambaran kotujuh molekat inyo monjago boko jomaat nantai.”

Wahyu 3:1

“Tuliscam pomandiran ni'in ko molekat inyo monjago jomaat di Sardis: Pomandiran ni'in doi' Sio, inyo umputn kotujuh roh ongko kotujuh bintakng nantai. Aku tohu caro hidup kaitn. Uji urakng tai hidup kaitnbohubukan dampikng agatn Allah. Padohal, sobondarnyo kaitn topisah doi' Allah, kaitn samo sama'an udah mati.

Kisah Boko Rasul 26:13

Apo, dinga' ni'in bo rajoku, pas tongah ari dalapm pojalatan ko kota Damsyik nantai, sopongirap ado cohayo doi' langit. Cohayo nantai lobih torakng doi' matoari. Cohayo nantai momanjah sokolilikngku huatan boko pokawalan inyo bojalatn bosamo agatn aku.

Wahyu 12:1

Lopas nian, tando luar biaso ni'in kotiat'an di langit: Ado siku' urakng botina' inyo mongona'an matoari sobagai pakai'annyo. Io bodiritn dipucu' bulatn. Dikopala'nyo ado mahkota inyo todiri doi' duo bolas bintakng.

Wahyu 10:1

Lopas nian, aku moniant sikuꞌ molekat bukai inyo kuat. Io turutn doi' sorugo di tutupi awatn. Ado siandakng di pucu' kopala'nyo. Mato-muhonyo bosinar sama'an matoari. Kakinyo sama'an tihakng api.

Wahyu 2:1

“Tuliscam pomandiran ni'in ko molekat inyo monjago jomaat di Efesus: Pomandiran ni'in doi' Sio, inyo monjujut kotujuh bintakng nantai di jari kanan-Nyo; doi' Sio inyo bojalatn di sapat kotujuh tihakng tompat molota'an pompolitoan nantai inyo dipulah doi' omas.