Titus 3:7 - Porjanjian Boharu Torjomahan Baso Dilakng Soari-ari

⁷ Agatn ubo nian, kito inyo dipulah bondar obai koboi'an Allah, bohak monorima' hidup somanah-manahnyo inyo kito harapan.

Titus 3:7 ပူးပေါင်းရင်းမြစ်များ

Roma 8:17

Nah, aman kito ni'in poana'an-Nyo, jadi kito pan tajahan monorima' somuo borokat inyo Sio sodia'an pakai' poana'an-Nyo. Samo sama'an Kristus mondapat'an borokat doi' Allah, kito pan tajahan mondapat'an borokat. Masudnyo, aman kito mondorita' samo sama'an Kristus, kito tajahan monorima' kohidupan inyo mulia samo sama'an Sio jam.

Roma 3:24

Apo Allah udah monunju'an koboi'an-Nyo ko monsio. Sio mombulah caronyo oca' urakng ulih monjadi bondar di hadapan-Nyo, nyiant usaha doi' sia'. Kristus Yesus inyo mombayar pakai' mombebasan sia' doi' hukupan dosa.

Titus 2:11

Allah udah monunju'an koboi'an-Nyo inyo monyolamant'an somuo urakng. Biar pan kito kinyo cucu', Sio udah moonji'i jalatn oca' somuo urakng ulih disolamant'an.

1 Korintus 6:11

Ija' komainyo ado boko urakng di antaro kaitn inyo hidup sama'an nian. Apo kaitn udah diborosihi doi' boko dosa. Kaitn udah monjadi umant husus umputn Allah. Kaitn udah dianggap bondar di hadapan Allah. Somuo nian tojadi obai kuaso Tuhatn Yesus Kristus huatan kuaso Roh Allah kito.

Yakobus 2:5

Boko somadikan inyo ku kasihi! Dinga'anbo ni'in! Allah momilih boko urakng jaro di dunia pakai' monjadi urakng inyo bondar-bondar konal agatn Sio. Obai sia' pocayo ko Yesus, jadi sia' monjadi ahli waris Koraja'an Allah. Nantaiam kodampuan inyo Allah janjian ko somuo urakng inyo mongasihi Sio.

Galatia 2:16

Sokomai koi bopikir sama'an nantai jam. Apo ni'in koi udah mongotohu'i obai co nyiant urakng dipohitukan bondar di hadapan Allah obai sia' monaati Hukupm Torat. Urakng dipohitukan bondar di hadapan Allah bayo obai sia' pocayo agatn Yesus. Nanam alasan koi udah pocayo agatn Kristus Yesus. Koi dipohitukan bondar di hadapan Allah obai koi pocayo agatn Kristus, bukainyo obai koi monaati Hukupm Torat. Hal nantai udah totulis dalapm Buku Suci, “Jadi co nyiant siku' urakng pan inyo dipohitukan bondar dihadapan Allah” agatn caro monaati Hukupm Torat.

Roma 11:6

bukainyo obai sia' bulah koboi'an. Soandainyo, Allah momilih monsio obai sia' bulah koboi'an, jadi nantai boroti Allah kinyo bondar-bondar monunju'an koboi'an-Nyo.

Galatia 3:29

Obai kaitn nantai umputn Kristus, ongko kaitn monjadi sama'an koturutan Abrahapm. Kaitn monjadi waris inyo paca'an monorima' borokat doi' Allah inyo Allah janjian ko Abrahapm.

Roma 4:16

Obai nantai am kobondaran bodasaran kopocaya'an oca' morupoan poonju' inyo cuma-cuma doi' Allah, sampai janji nantai bolaku pakai' somuo koturutan Abrahapm, bukainyo bayo pakai' sia' inyo hidup doi' hukupm Torat, apo jam pakai' sia' inyo hidup doi' iman Abrahapm. Obai Abrahapm ia'an bopai kito somuo,

Roma 3:28

Koi yakitn obai monsio monjadi bondar di hadapan Allah bukainyo obai io monaati Hukupm Torat, apo obai io pocayo ko Yesus Kristus.

1 Petrus 3:7

Ubo nian jam, kaitn boko laki: Caro hidup kaitn gola' pongorotian bosamo agatn bini. Obai, kaitn tohu bini lobih lomah doi' laki. Kaitn gola' mohormati bini obai Allah monunju'an koboi'an-Nyo ko sia' jam, ia'an sia' pan ulih mondapat hidup kokaldi sorugo. Kaitn gola' molabuhan nantai oca' conyiant ado la'apo pan inyo mohalaki doa kaitn.

Ibrani 11:9

Obai io pocayo jadi io tinggal sobagai urakng asikng di nogori inyo dijanjian Allah nantai. Io tinggal dalapm potungguan. Sama'an nian jam, ana'nyo Ishak ongko cucunyo Yakub tinggal di santai. Sia' tajahan monorima' nogori nantai jam sosuai agatn janji Allah.

Ibrani 11:7

Obai Nuh pocayo, jadi io monaati Allah. Timpu nantai, Allah monohu'i io mongona'i malopotako inyo tajahan tojadi nononyo inyo bolupm ulih ditiatnyo. Nuh monaati Allah sampai io mombulah porohu bosar inyo monyolamant'an io ongko koluarganyo. Agatn sama'an nantai, dunia dihukupm apo Nuh monjadi bondar di hadapan Allah obai io pocayo.

Ibrani 6:17

Sama'an nian jam, Allah honda' monunju'an ko boko urakng inyo tajahan monorima' borokat inyo dijanjian-Nyo. Sio honda' oca' sia' lobih yakitn agatn hajat Sio kinyo tajahan borubah. Obai nantai am Allah monguat'an janji-Nyo agatn sumpah.

Galatia 4:7

Obai somuo inyo Allah labuhan nantai, kaitn bukainyo boko hulutnnyo agi' inyo gola' monaati Hukupm Torat. Apo kaitn udah monjadi poana'an Allah huatan monjadi waris inyo monorima' somuo hal inyo dijanjian-Nyo.

Roma 4:4

Aman ado urakng inyo bokorojo, io monorima' upah. Upah nantai bukainyo hadiah. Io bohak monorima' upah obai porbuatannyo.

Titus 2:13

kapikng kito monantian ari kodatakan Allah inyo Maho Kuaso ongko Ponyolamant kito, Yesus Kristus, ia'an ari inyo kito harapan agatn rindakng-rigah,

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

Markus 10:17

Timpu Yesus molajuan pojalatan-Nyo agi', ado urakng bonggidi'an monuju ko Sio. Urakng nantai tundu' monyungkapan di pohadapan Yesus ongko botakutn, “Guru inyo boi', la'apo inyo gola' ku labuhan oca' bodapat hidup kokal?”

2 Tesalonika 2:16

Allah Bopai huatan Yesus Kristus, Tuhatn kito, mongasihi kito. Sio monguat'an hati kito somanah-manahnyo. Sio jam bulah kito kotakng yakitn obai Sio paca'an momonuhi somuo janji inyo boi' pakai' kito. Koi bodoa oca' Allah Bopai huatan Yesus Kristus, Tuhatn kito

Ibrani 1:14

Apo boko molekat ia'an boko roh inyo molayati Allah. Sia' diutus pakai' monulukng boko urakng inyo tajahan monorima' kosolamant'an.