Titus 3:5 - Porjanjian Boharu Torjomahan Baso Dilakng Soari-ari

^5-6 Nantai tojadi bukainyo obai boko porbuatan boi' kito, apo obai kasih sayang-Nyo ko kito. Allah molabuhan nantai molalu'i Yesus Kristus, Ponyolamant kito. Yesus moonji'i Roh Allah inyo monulukng kito oca' kito hidup agatn caro inyo boharu.

Titus 3:5 ပူးပေါင်းရင်းမြစ်များ

Matius 3:11

Ado Urakng inyo paca'an datakng lopas aku. Sio lobih bokuaso daripadoku. Malahan monjadi hulutn-Nyo inyo palikng babah pan, aku kinyo cucu'. Aku mombaptis urakng agatn ara'i pakai' monunju'an obai sia' udah botongga' bulah dosa huatan monyonangan hati Allah. Apo Sio paca'an mombaptis urakng agatn Roh Allah ongko api.

Lukas 1:50

Sio kotakng poduli agatn boko urakng inyo mohormati Sio turutn-tomurutn.

Lukas 1:54

Allah bojanji agatn Abrahapm ongko koturutannyo. Janji nantai totap topakai somanah-manahnyo. Allah kinyo tongkolupatn agatn janji Sio ko angki-bayatn kito. Sio totap monopat'i janji Sio ko kito. Allah moingant pakai' monulukng koturutan Abrahapm inyo molayati Sio, huatan Allah tajahan molabuhan nantai somanah-manahnyo.”

Lukas 1:72

Allah molabuhan nantai oca' monunju'an kasih sotia-Nyo ko angki-bayatn kito. Allah monopat'i janji-Nyo kotakan suci nantai.­­

Lukas 1:78

Somuonyo nian tajahan tojadi obai Allah kito onsi' ongko kotakng kasih. Urakng inyo bolupm mongonal Allah, samo sama'an urakng inyo tongahan di dalapm potakng, inyo mooso gola' agatn pomati Apo samo samaꞌan matoari hoyu' moncara' ongko monoraki potakng nantai, Rajo Inyo Dijanjian Allah datakng doi' sorugo monjolasan caro hidup inyo monyonangan hati Allah. Moarahan kito oca' hidup agatn damai.”

Roma 11:14

Agatn ubo nian, aku mungkitn ulih bulah banso ku siku' monjadi tungi. Aku boharap agatn boboropo urakng doi' sia' honda' pocayo ko Yesus jam sampai sia' monjadi solamant.

Roma 11:6

bukainyo obai sia' bulah koboi'an. Soandainyo, Allah momilih monsio obai sia' bulah koboi'an, jadi nantai boroti Allah kinyo bondar-bondar monunju'an koboi'an-Nyo.

Roma 12:2

Jangannam kaitn tontuyutan kolaku'an boko urakng bukai di dunia ni'in. Apo biar Allah morubah pomikiran kaitn monjadi boharu. Agatn ubo nantai, kaitn ulih mongotohu'i la'apo inyo Allah kohonda'i, ia'an lapo inyo boi', la'apo inyo monyonangan Sio, huatan la'apo inyo sompurna.

Roma 3:20

Kinyo ado urakng inyo ulih monjadi bondar di hadapan Allah agatn caro monaati Hukupm Torat. Justru Hukupm Torat inyo mombulah urakng sadar obai sia' bodosa obai sia' kinyo ulih monaati soluruh Hukupm Torat nantai.

Roma 3:28

Koi yakitn obai monsio monjadi bondar di hadapan Allah bukainyo obai io monaati Hukupm Torat, apo obai io pocayo ko Yesus Kristus.

Roma 4:5

Apo nantai bukai caronyo Allah mombulah urakng inyo bodosa monjadi bondar di hadapan-Nyo. Monjadi bondar bukainyo sama'an upah apo sama'an hadiah. Sobab, Allah mombulah urakng monjadi bondar bukai obai porbuatannyo apo obai io pocayo.

Roma 9:11

Allah bopandir ko Ribka, “Ana' inyo kojula'an tajahan monjadi hulutn ana' inyo kobunsuan.” Allah momilih Yakub sobolupm koduo bobia' nantai dilahiran, sobolupm sia' molabuhan lapopan inyo boi' damo inyo jahat. Allah molabuhan nantai oca' jolas obai Sio momilih urakng bukai sosuai agatn porbuatan sia', apo sosuai agatn kohonda' Sio siku'.

Roma 9:16

Jadi, Allah momilih urakng bukainyo obai urakng nantai honda', ongko bukainyo obai urakng nantai bousaha bulah koboi'an, apo Allah momilih urakng obai Sio honda' monunju'an bolas-kasihan ko urakng nantai.

Roma 9:30

Aman ubo nian, la'apo inyo ulih kito padahan? Kito ulih monyimpulan ni'in: Boko urakng bukainyo urakng Yahudi kinyo bousaha monjadi bondar di hadapan Allah. Apo, sia' monjadi bondar obai sia' pocayoagatn Kristus.

1 Korintus 6:11

Ija' komainyo ado boko urakng di antaro kaitn inyo hidup sama'an nian. Apo kaitn udah diborosihi doi' boko dosa. Kaitn udah monjadi umant husus umputn Allah. Kaitn udah dianggap bondar di hadapan Allah. Somuo nian tojadi obai kuaso Tuhatn Yesus Kristus huatan kuaso Roh Allah kito.

Galatia 2:16

Sokomai koi bopikir sama'an nantai jam. Apo ni'in koi udah mongotohu'i obai co nyiant urakng dipohitukan bondar di hadapan Allah obai sia' monaati Hukupm Torat. Urakng dipohitukan bondar di hadapan Allah bayo obai sia' pocayo agatn Yesus. Nanam alasan koi udah pocayo agatn Kristus Yesus. Koi dipohitukan bondar di hadapan Allah obai koi pocayo agatn Kristus, bukainyo obai koi monaati Hukupm Torat. Hal nantai udah totulis dalapm Buku Suci, “Jadi co nyiant siku' urakng pan inyo dipohitukan bondar dihadapan Allah” agatn caro monaati Hukupm Torat.

Efesus 2:4

Apo Allah kotakng bobolas kasihan Sio kotakng mongasihi kito.

Efesus 4:23

Kaitn dipadahi pakai' borubah hati huatan pikiran kaitn

Efesus 5:26

oca' sia' monjadi borosih doi' dosa sia'. Sio momakai ara'i huatan Pomandiran Allah pakai' mombulah sia' borosih.

Kolose 3:10

Kaitn udah hidup agatn caro boharu. Allah inyo bulah hidup kaitn inyo boharu nantai. Sio hala bulah sipat kaitn samo sama'an Sio. Sio molabuhan nantai oca' kaitn bondar-bondar konal agatn Sio.

2 Timotius 1:9

Allah udah monyolamant'an huatan momilih kito, oca' kito hidup husus pakai' Sio. Sio molabuhan nantai bukainyo obai kito udah bulah koboi'an. Apo obai nantai udah hajat huatan koboi'an-Nyo. Koboi'an nantai Sio onju' molalu'i Kristus Yesus sobolupm dunia ni'in dipulah.

Titus 3:4

Apo timpu Allah monunju'an koboi'an huatan kasih-Nyo, Sio monyolamant'an kito.

Ibrani 10:22

Obai nantai, mara kito datakng dampikng ko Allah agatn hati inyo boi' ongko bondar-bondar kuat pocayo. Obai, hati kito udah diborosihi doi' pikiran jahat, ongko bukakng-tubuh kito udah diborosihi agatn ara'i inyo murni.

Ibrani 4:16

Obai sama'an nian am Imam Agukng kito, mara cam kito borani bodoa ko Allah inyo monunju'an kasih karunia-Nyo. Agatn sama'an nantai, Allah paca'an monunju'an bolas kasih ongko kasih karunia-Nyo ko kito. Sio paca'an monulukng kito topat watunyo.

Ibrani 6:6

lopas somuonyo nantai, aman sia' moninggalan Kristus, jadi co mungkitn sia' ulih dibimbikng oca' sia' moninggalan dosa sia' lalu bobali' agi' ko Sio. Obai, umpamonyo sia' siku' mohukupm mati Ana' Allah di kayu salib agi'. Sia' mombulah Sio dihanyam di hadapan urakng banya'.

1 Petrus 1:3

Topujicam Allah, ia'an Bopai doi' Yesus Kristus, Tuhatn kito. Allah udah monunju'an koboi'an-Nyo inyo luar biaso ko kito agatn caro ni'in: Sio bulah Yesus Kristus hidup agi' doi' antaro urakng mati. Molalu'i nantai, Sio moonju' kohidupan boharu ko kito samo sama'an kito hoyu' lahir. Obai nantai, hal ni'in moonji'i kito pongharapan inyo kuat.

1 Petrus 2:10

Komai, kaitn bukainyo boko urakng umputn Allah. Apo ni'in kaitn udah monjadi boko urakng umputn-Nyo. Komai, Allah co monunju'an koboi'an-Nyo ko kaitn. Apo ni'in Allah udah monunju'an koboi'an-Nyo ko kaitn.

1 Petrus 3:21

Hal nantai monggambaran baptisan inyo watu ni'in monyolamant'an kaitn. Baptisan ni'in bukainyo upacara pakai' mombulah bukakng kaitn borosih doi' kotoran. Baptisan ia'an upacara pakai' momuhun ko Allah oca' Sio mombulah hati kaitn borosih. Baptisan nantai monyolamant'an kaitn obai Yesus Kristus udah hidup agi' doi' komatian,