Titus 3:2 - Porjanjian Boharu Torjomahan Baso Dilakng Soari-ari

² Ingant'ancam ko sia' oca' jangan monjahai'an damo urakng bukai huatan jangan botikakng. Apo sia' gola' bondar-bondar coraca'an ongko lomah-lombut agatn somuo urakng, tomansu' agatn boko urakng inyo bolupm pocayo ko Yesus.

Titus 3:2 ပူးပေါင်းရင်းမြစ်များ

Efesus 4:31

Jangan agi' sakit hati, somu, godi. Jangan boporap damo mohayam urakng bukai. Jangan bulah somuo macapm kojahatan sama'an nantai.

Efesus 4:2

Ia'an, kaitn gola' hala rondah hati, lomah-lombut huatan sabar. Tunju'an kasih kolai agatn caro hala tulukng-monulukng.

1 Timotius 3:3

Io co ulih jadi urakng pomabu'. Io co ulih jadi urakng inyo hala boporap apo gola' lomah-lombut. Io co ulih jadi urakng ponggodian. Io co ulih kaha' agatn duit.

1 Petrus 3:10

Nantai sosuai agatn pomandiran ni'in dalapm Buku Suci: “Urakng inyo honda' monikmati hidup inyo boi' ongko mooso sonang, io gola' monjago tutu'-mulutnyo oca' io kinyo momandiran inyo jahat ongko co bulah kotumbukan.

1 Petrus 3:8

Kosimpulannyo, kaitn somuo gola' bosatu dalapm hati huatan pikiran, hala mohibur inyo bukai, hala mongasihi agatn boi' hati ko boko somadikan kaitn inyo bukai, huatan jangan buhau.

Yakobus 4:11

Boko somadikan, jangan mongatoan boko hal inyo jahat mongona'i sosamo kaitn urakng pocayo. Jangan hala mohakipi. Aman kaitn molabuhan nantai, rotinyo kaitn co monaati porintah pakai' hala mongasihi inyo ado dalapm Hukupm Torat. Nantai samo sama'an kaitn mongatoan porintah nantai salah huatan kinyo boi'. Jadi, bukainyo monaati porintah, kaitn botindak samo sama'an kaitn monjadi boko hakipm inyo bohak monilai porintah nantai.

Galatia 5:22

Apo aman kaitn hidup sosuai agatn kohonda' Roh Allah, ia'an: hala mongasihi, rindakng-rigah, hidup sonang dalapm hati, sabar, gala' monulukng, gala' bulah koboi'an, sotia,

Matius 11:29

Tuyut'i cam porintah-Ku. Bolajarcam doi' Aku, obai Aku lomah-lombut huatan rondah hati. Aman kaitn molabuhan nantai, ongko jiwa kaitn paca'an mooso sonang.

1 Petrus 2:1

Obai nantai, kaitn gola' botongga'cam molabuhan boko kojahatan. Jangan bulah kotumbukan monipu urakng bukai. Jangan pompadah boi' hati. Jangan tungi. Jangan mongonjaha'i urakng bukai.

Yakobus 3:17

Apo boko urakng inyo ado hikmat doi' Allah, caro hidup sia' sama'an ni'in: Inyo palikng pontikng sia' hidup agatn caro inyo borosih. Sia' gala' agatn podamaian. Sia' lomah-lombut huatan hatinyo tobuka' pakai' monuruti kohonda' urakng bukai. Sia' monunju'an kasih sayangnyo ko urakng bukai huatan hala bulah koboi'an. Sia' co momihak ko boko urakng totontu, apo hala botorus torakng.

Galatia 6:10

Obai nantai, huncapm kito bulah koboi'an sotiap kali ado kosompatan. Huncapm kito bulah koboi'an ko somuo urakng, hususnyo ko sosamo urakng inyo pocayo agatn Yesus.

Galatia 6:1

Boko somadikan, aman siku' urakng di antaro kaitn ditomuan bulah dosa. Jadi, kaitn inyo hidupnyo dipimpitn Roh Allah gola' monulukng urakng nantai. Kaitn gola' monulukng io oca' io tongga' bulah dosa nantai. Apo, kaitn gola' molabuhan nantai agatn hati inyo tulus. Boboi'cam! Ingant, jangan sampai kaitn pan bulah dosa jam.

1 Timotius 3:11

Ubo nian jam, bini boko diakon gola' hidup agatn caro inyo boi'. Sia' gola' tohormat. Sia' co ulih hala bojahat urakng. Sia' gola' mongondalian diri. Sia' pan gola' dapat dipocayo'i dalapm somuo hal.

1 Tesalonika 2:7

Apo koi kinyo molabuhan nantai. Koi bosipat lomah-lombut di antaro kaitn. Samo sama'an siku' urakng indai morawat boko poana'annyo.

Filipi 4:5

Honda'nyo somuo urakng ulih moniant sikap kaitn inyo boi' hati. Ingant! Tuhatn Yesus kinyo manah agi' datakng am.

1 Korintus 9:19

Sobondarnyo aku kinyo hulutn sopo pan. Apo aku bulah diriku monjadi hulutn somuo urakng. Aku molabuhan nantai oca' monulukng lobih banya' urakng sampai sia' pocayo ko Yesus.

2 Korintus 12:20

Obai aku bogonang watu ku datakng nononyo, kolaku'an kaitn kinyo boi' sama'an inyo ku kohonda'i. Ubo nian jam, aku gola' monogur kaitn, tindakanku kinyo samo agatn kohonda' kaitn. Aku kuatir kaitn hala botikakng-bokolohi, tungi, ponggodian, molajuan kohonda' diri siku', monjahai'an urakng bukai, mohahadu, buhau, bulah kokacauan.

2 Korintus 10:1

Aku ninam, Paulus, udah tohu obai ado boboropo urakng di antaro kaitn inyo bopandir bunyi ni'in: “Timpu Paulus ado bosamo agatn kito, io sabar. Io borani monogur kito bayo agatn surat timpu io jouh doi' kito.” Jadi, ni'in, aku muhun ko kaitn agatn sabar samo sama'an Kristus jam sabar ongko boi' hati.

Kisah Boko Rasul 23:5

Timbas Paulus, “Boko somadikan, aku co tohu io nantai Imam Agukng. Memang ado porintah di dalapm Buku Suci: Jangan kolai mohayam pomimpitn banso kolai.”

Yudas 1:10

Apo boko urakng totontu nantai mohayam boko hal inyo kinyo sia' kotohu'i. Sia' bayo monjumpati boko kohonda' bukakng samo sama'an bonatakng liar inyo kinyo boakal. Boko hal nantai inyo mombulah sia' bonaso.

Yudas 1:8

Biar pan sama'an nian, boko urakng totontu nantai inyo mansu' dalapm kolompok kaitn, sia' co botongga' bulah kojahatan. Sia' mongatoan obai sia' ado mimpi. Bodasaran mimpi nantai, sia' totap bulah kojahatan agatn bukakng-tubuh sia'. Sia' mohayam kuaso Allah huatan mohayam somuo inyo bokuaso di sorugo.

2 Petrus 2:10

hususnyo boko urakng inyo moikuti hawa napsu inyo mombulah diri sia' kotor, huatan boko urakng inyo co mohormati kuaso Allah atas sia'. Boko guru palsu nantai kotakng borani huatan buhau sampai sia' kinyo gola' mohanyam boko mahluk inyo bokuaso.

1 Petrus 4:4

Apo ni'in kaitn co hidup ubo nantai agi'. Boko urakng hiratn mapo kaitn co moikuti caro hidup sia' inyo bodosa. Obai nantaiam, sia' monjahai'-jahai'an kaitn.

1 Korintus 6:10

boko urakng inyo mongolit, boko urakng inyo kaha', boko urakng inyo gala' mabu', boko urakng inyo gala' monjahai'an urakng bukai, boko urakng inyo morampas umputn urakng bukai. Somuo urakng sama'an nian pasti kinyo paca'an mondapat bagian dalapm Koraja'an Allah.