Titus 3:14 - Porjanjian Boharu Torjomahan Baso Dilakng Soari-ari

¹⁴ Bukainyo bayo nantai, apo somuo urakng inyo pocayo di pulau Kreta nantai gola' bolajar bulah koboi'an. Sia' gola' bousaha pakai' molabuhan nantai oca' sia' ulih monulukng urakng bukai inyo ado kopontikannyo. Aman sia' molabuhan nantai, hidup sia' paca'an boguno.

Titus 3:14 ပူးပေါင်းရင်းမြစ်များ

Kolose 1:10

Agatn sama'an nantai kaitn ulih hidup agatn caro inyo hala monyonangan Tuhatn. Jadi, somuo porbuatan boi' inyo kaitn labuhan paca'an ado pongulihan inyo boi'. Kaitn pan paca'an mongkitn mongotohu'i mongona'i Allah huatan mongkitn mongonal Sio.

Titus 3:8

Somuo inyo udah ku pandiran nantai bondar ongko ulih dipocayo. Aku honda' oca' kolai moajaran somuo nantai agatn togas. Ajaricam somuo nantai ko boko urakng inyo pocayo ko Allah oca' sia' moutamoan pakai' bulah koboi'an. Somuo nantai boi' huatan boguno pakai' boko urakng banya'.

Filipi 1:11

Hidup kaitn tajahan molimpah agatn porbuatan inyo bondar-bondar boi' inyo ongkah ulih dihasilan Yesus Kristus. Jadi Allah tajahan dipuji ongko dimuliaan.

Matius 7:19

Sotiap tontanaman inyo kinyo mohasilan buah inyo boi', pasti ditobakng ongko dibuakan ko api.

2 Petrus 1:8

Aman kaitn mongkitn hala molabuhan somuo nantai, jadi kaitn kinyo sia-sia mongonal Kristus, ia'an Yesus, Tuhatn kito.

Filipi 4:17

Aku momandiran nantai bukainyo pakai' bogoyap bantu'an agi' doi' kaitn. Apo aku honda' oca' Tuhatn somongkitn momborokati kaitn obai kaitn udah monulukngku.

Efesus 4:28

Urakng inyo komainyo pongolit jangan mongolit agi'. Apo io gola' bokorojo koras agatn jarinyo siku', mombulah boko hal inyo boi', oca' io ulih monulukng urakng bukai inyo ado kopontikannyo.

Yohanes 15:16

Bukainyo kaitn inyo momilih Aku, apo Akunam inyo momilih kaitn. Aku moutus kaitn oca' kaitn botula' ongko bobuah lobat, ia'an buah inyo tahatn somanah-manahnyo. Aman kaitn molabuhan nantai lalu, Bopai paca'an moonji'i kaitn lapo inyo kaitn minto doi' Sio dalapm damo-Ku.

Yohanes 15:8

Aman kaitn bobuah lobat, lalu kaitn monunju'an obai Bopai-Ku mulia. Agatn ubo nian, kaitn maho bondaram monjadi boko murid-Ku.

2 Tesalonika 3:8

Koi co kalo makatn co bobayar. Koi uyuh jorih bokorojo siakng malapm pakai' momonuhi kopontikan koi siku'. Jadi, koi co kalo mouyuhi kaitn.

Kisah Boko Rasul 20:35

Dalapm somuo inyo aku labuhan nantai, aku monjadi contoh pakai' kaitn. Kaitn pan gola' bokorojo koras ongko monulukng boko urakng inyo jaro. Jangan tongkolupatn pomandiran Tuhatn Yesus, ‘Allah lobih momborokati urakng inyo moonji'i bantu'an daripado urakng inyo monorima' bantu'an.’ ”

Matius 21:19

Di pinggir jalatn, Sio moniant sokayu' kayu ara. Jadi, Sio mohampiki kayu nantai, apo co nyiant sobigi' pan buah kayu nantai. Ongkah ado doutnnyo am. Kato-Nyo ko kayu nantai, “Kolai paca'an co kalo bobuah agi'.” Lansukng kayu nantai mungguram.

Kisah Boko Rasul 18:3

Pokoroja'an sia' samo sama'an Paulus. Sia' bulah tenda pakai' dijual. Jadi, Paulus tinggal huatan bokorojo bosamo sia'.

1 Tesalonika 2:9

Boko somadikan, pasti kaitn ingant kotakng kuat koi bokorojo watu koi ado bosamo agatn kaitn di Tesalonika. Koi uyuh-jorih bokorojo siakng malapm pakai' momonuhi kopontikan koi siku'. Jadi, watu koi momboritoan Kabar Boi' doi' Allah, kaitn kinyo gola' momonuhi kopontikan koi.

Roma 15:28

Jadi, aku tajahan monjadi'i pogota'an nantai. Aku tajahan moonju' ko sia' di Yerusalem sumbakan nantai inyo udah dikumpulan boko urakng pocayo bukai. Lopas nantai, aku tajahan botula' ko Spanyol ongko singgah ko kota kaitn.

Roma 12:13

Tulukngcam kopontikan boko urakng inyo pocayo ko Kristus. Kaitn gola' hala sonang hati monorima' urakng pocayo dalapm rumah kaitn.

Filipi 4:16

Malahan, timpu aku di kota Tesalonika, kaitn mongiripan bantu'an ko aku sokali duo kali.

Titus 2:8

Ajaricam ajaran inyo bondar oca' urakng inyo molawatn kolai co ulih monyalahan ajaran nantai. Aman sia' co ulih mongatoan boko hal inyo jahat mongona'i kito, sia' paca'an monjadi malu.