Titus 3:12 - Porjanjian Boharu Torjomahan Baso Dilakng Soari-ari

¹² Aku paca'an moutus Artemas damo Tikhikus ko kolai pakai' molayati di pulau Kreta di su'utn. Pas salah siku' doi' sia' datakng, kohonda'ku kolai copat datakng ko aku di kota Nikopolis. Aku udah momutusan pakai' bodiapm di su'utn somanah musipm dingin ni'in.

Titus 3:12 ပူးပေါင်းရင်းမြစ်များ

2 Timotius 4:9

Bousahacam datakng ko aku, aman ulih socopatnyo

Kisah Boko Rasul 20:4

Ado boko urakng inyo monyoroto'i io dalapm pojalatan nantai, ia'an: Timotius, Sopater (ana' Pirus doi' kota Berea), Aristarkhus ongko Sekundus (koduo urakng nantai doi' kota Tesalonika), Gayus (doi' kota Derbe), huatan Tikhikus ongko Trofimus (koduonyo doi' propinsi Asia).

2 Timotius 4:21

Bousahacam datakng sobolupm musipm bonakau. Ebulus, Pudes, Linus, Klaudia, huatan somuo urakng pocayo bukai mongiripm salapm ko kolai.

2 Timotius 4:12

Tikhikus pan udah aku utusam ko kota Efesus.

1 Korintus 16:6

Aku bulah hajat nantai, obai aku co honda' bayo sobontar aja' monjongu' kaitn dalapm pojalatanku. Aman Tuhatn moijitan, aku honda' tinggal cukup manah agatn kaitn. Malah aman ulih sampai musipm dingin botongga'. Lopas nantai kaitn ulih monulukngku dalapm molajuan pojalatanku.

Efesus 6:21

Aku moutus Tikhikus ko kaitn. Io ia'an somadikan kito inyo tokasih. Io sotia molayati Tuhatn. Aku moutus io oca' kaitn mongotohu'i borito mongona'i aku ongko boko somadikan inyo ado bosamoku. Io paca'an momadahan somuonyo ko kaitn. Agatn sama'an nantai, io paca'an monguat'an hati kaitn.

Kolose 4:7

Aku moutus somadikan inyo ku kasihi, Tikhikus, ko kaitn. Io paca'an momadahan ko kaitn somuo kabar mongona'i aku. Io nantai kawal boi' dalapm pokoroja'an molayati Tuhatn. Io molayati agatn sotia.