Titus 2:5 - Porjanjian Boharu Torjomahan Baso Dilakng Soari-ari

⁵ oca' sia' mongondalian diri sia', oca' sia' kinyo bulah dosa, oca' sia' rajitn moatur rumah tanggo sia', oca' sia' boi' hati, ongko oca' sia' monuruti pimpitan lakinyo. Aman sia' molabuhan inyo ubo nian urakng bukai kinyo bopandir monjahai'an Pomandiran Allah.

Titus 2:5 ပူးပေါင်းရင်းမြစ်များ

Kolose 3:18

Ko somuo botina' inyo udah bolaki aku bopandir: kaitn gola' tundu' ko laki kaitn, obai nantaiam inyo cucu' di dalapm Tuhatn.

1 Timotius 5:10

Botina' balu nantai gola' dikonal sobagai urakng inyo hala bulah koboi'an. Contohnyo: io mombosaran poana'annyo agatn caro boi', io gola' agatn coraca'an bosodia moonji'i koluntukan, io gola' rondah hati molayati boko urakng pocayo huatan mombasu'i kaki sia', io gala' monulukng urakng inyo moalapi kosusahan. Io gola' moutamoan boko porbuatan boi' sama'an nantai dalapm kohidupannyo.

Efesus 5:33

Biar pan sama'an nantai, ado jam rotinyo pakai' kaitn siku'-monyiku': Sotiap laki gola' mongasihi bininyo sama'an io mongasihi dirinyo siku'. Sotiap bini gola' mohormati lakinyo.

Kisah Boko Rasul 9:36

Kinyo jouh doi' santai di kota Yope ado siku' urakng botina'. Damonyo Tabita. (Dalapm baso Yunani damo nantai disobut Dorkas.) Dorkas nantai urakng inyo pocayo agatn Yesus. Io hala bulah koboi'an agatn urakng bukai. Io pan opat monulukng urakng jaro.

1 Timotius 6:1

Somuo hulutn inyo pocayo ko Yesus gola' mohormati habakng sia'. Sia' gola' sama'an nian oca' urakng bukai co mohayam Allah kito huatan ajaran kito.

1 Korintus 14:34

Samo sama'an boko poraturan inyo dituruti somuo kolompok urakng pocayo. Watu kaitn bokumpul pakai' sombayakng, boko botina' gola' lolangunt. Sia' co ulih bopandir. Apo sia' gola' tundu'. Ni'in sosuai agatn pomandiran inyo ditulis di buku Hukupm Torat.

1 Korintus 11:3

Apo aku honda' oca' kaitn mongotohu'i ni'in: Kristus bokuaso di pucu' somuo lolaki. Lolaki bokuaso di pucu' botina'. Allah bokuaso di pucu' Kristus.

Roma 2:24

Sama'an inyo totulis dalapm Buku Suci, “Obai kaitn, jadi boko banso bukai mongutu' damo Allah.”

Kisah Boko Rasul 9:39

Jadi, Petrus lansukng tuyut sia'. Sampai di su'utn, Petrus dionju'an ko ruakan pucu' nantai. Somuo botina' balu bodiritn mongoliliki Petrus di santai. Kapikng monangis sia' moniant'an ko io boko baju huatan pakai'an bukai inyo dipulah Dorkas. Timpu Dorkas ija' hidup, io bulah somuo pakai'an nantai pakai' monulukng sia'.

Roma 14:16

Jangan mombulah lou' inyo boi' bagi kaitn monjadi lou' inyo dihanyam urakng bukai.

Titus 2:4

Agatn caro nantai boko botina' inyo udah tuho nantai ulih mondidik boko botina' inyo ija' muda' oca' sia' mongasihi laki sia' ongko boko poana'an sia',