Titus 2:11 - Porjanjian Boharu Torjomahan Baso Dilakng Soari-ari

¹¹ Allah udah monunju'an koboi'an-Nyo inyo monyolamant'an somuo urakng. Biar pan kito kinyo cucu', Sio udah moonji'i jalatn oca' somuo urakng ulih disolamant'an.

Titus 2:11 ပူးပေါင်းရင်းမြစ်များ

1 Timotius 2:4

Obai Allah mongohonda'i oca' somuo urakng disolamant'an. Allah honda' somuo urakng mongotohu'i ajaran inyo bondar.

Efesus 2:8

Obai kaitn disolamant'an obai Allah monunju'an kasih karunia-Nyo ko kaitn huatan obai kaitn pocayo ko Kristus Yesus. Nantai bukainyo boko hal inyo kaitn usahaan, apo boko hal inyo Allah onju' ko kaitn.

Ibrani 2:9

Apo kito tiat Yesus bokuaso. Kinyo manah Allah mombulah Sio monjadi monsio inyo ‘lobih babah doi' boko molekat’. Ongko watu ni'in Sio udah ‘monjadi mulia ongko tohormat’ obai Sio mondorita' sampai mati pakai' somuo monsio. Nantai tojadi obai kasih karunia Allah.

Efesus 2:5

Biar pan komai kito udah mati socaro rohani obai dosa kito, Allah udah moonji'i kito kohidupan boharu bosamo-samo agatn Kristus. Kaitn disolamant'an ongkah obai Allah monunju'an kasih karunia-Nyo ko kaitn.

2 Tesalonika 2:16

Allah Bopai huatan Yesus Kristus, Tuhatn kito, mongasihi kito. Sio monguat'an hati kito somanah-manahnyo. Sio jam bulah kito kotakng yakitn obai Sio paca'an momonuhi somuo janji inyo boi' pakai' kito. Koi bodoa oca' Allah Bopai huatan Yesus Kristus, Tuhatn kito

Roma 5:15

Apo ado pobedaan jam. Adapm ia'an siku' urakng. Obai io bodosa, jadi somuo urakng paca'an mati. Sama'an Yesus Kristus ia'an siku' urakng. Obai porbuatan-Nyo, jadi somuo urakng ulih monorima' koboi'an inyo Allah onju' ko sia'. Koboi'an Allah nantai ado akibat inyo jouh lobih bosar doi' dosa Adapm.

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Kisah Boko Rasul 11:23

Pas Barnabas tuntukng ko su'utn, io moniant caro kohidupan sia' borubah obai Allah bulah koboi'an ko sia'. Obai nantai Barnabas mooso kotakan rindakng. Io monguat'an hati sia' oca' sia' somuo totap pocayo huatan monaati ko Tuhatn Yesus agatn soponuh hati.

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

Lukas 3:6

Ongko boko urakng tajahan moniant kosolamant'an inyo datakng doi' Allah.’ ”

1 Timotius 1:14

Apo Tuhatn kito kotakan momborokati aku agatn caro bulah aku monjadi pocayo agatn Sio huatan ulih mongasihi.

Roma 5:2

Obai kito pocayo ko Yesus, jadi kito jam ulih moalapi koboi'an inyo Allah torus-monorus ditunju'an ko kito. Nantaiam koadaan hubukan kito agatn Allah watu ni'in. Apo kito jam sonang-nyamanam obai kito yakitn moharapan obai nono kito paca'an mondapat'an hidup inyo mulia bosamo Allah di sorugo.

Kolose 1:6

inyo udah disampaian ko kaitn. Kabar Boi' nantai tongahan diboritoan di mono-mono sampai bokombakng huatan bobuah. Sama'an nantaiam jam inyo tojadi di antaro kaitn, doi' watu kaitn mondinga' Kabar Boi' nantai lalu mongoroti koboi'an Allah inyo sobondarnyo.

Galatia 2:21

Aku co paca'an kalo monula' koboi'an doi' Allah nantai inyo sobondarnyo kito kinyo cucu' monorima'nyo! Kito kinyo ulih dipohitukan bondar dihadapan Allah aman kito bousaha monaati somuo porintah huatan poraturan Allah dalapm Hukupm Torat. Ongkonyo kito ulih dipohitukan bondar agatn caro nantai, boroti Kristus mati kinyo ado rotinyo.

2 Korintus 6:1

Sobagai urakng inyo bokorojo samo agatn Allah, jadi koi muhun ko kaitn: Jangannam bulah koboi'an Allah nantai monjadi sia-sia.

Kisah Boko Rasul 13:47

Obai Allah udah monyiuh koi. Kato-Nyo, ‘Aku udah moutus kaitn pakai' monjadi torakng inyo monyampaian Kabar Boi' ko boko banso inyo bukainyo banso Yahudi. Oca' somuo kaitn momboritoan kosolamant'an ko boko urakng di soluruh bumi.’ ”

Kisah Boko Rasul 13:43

Lopas jadi sombayakng, banya' urakng tuyut Paulus agatn Barnabas. Ado boko urakng Yahudi huatan boko urakng inyo bukainyo urakng Yahudi inyo udah pocayo ko Allah jam. Paulus ongko Barnabas mongajar somuo sia', obai Allah nantai boi'. Allah moamputi dosa somuo urakng inyo pocayo agatn Yesus. Koduo rasul nantai moanjuran oca' sia' totap pocayo ko koboi'an hati Allah nantai.

Yohanes 1:9

Torakng inyo bondar, Torakng inyo tongahan datakng ko dunia huatan monoraki somuo urakng.

Lukas 24:47

Lalu agatn kuaso-Nyo tajahan diboritoan kabar obai urakng gola' tongga' bulah dosa lalu monyonangan hati Allah, ongko dosa sia' tajahan diamputi. Borito ni'in gola' disampaian, mula'i doi' kota Yerusalem lalu ko somuo banso bukai di dunia.

Markus 16:15

Lalu Sio bopandir ko sia', “Botula'cam ko soluruh dunia. Boritoancam Kabar Boi' kosomuo urakng.

Matius 28:19

Obai nantai, botula'cam ko somuo banso. Ajaricam boko urakng oca' sia' monjadi murid-Ku. Baptiscam sia' dalapm damo Bopai, Ana', huatan Roh Allah pakai' monunju'an obai sia' pocayo ko Allah Bopai, pocayo ko Yesus, huatan Roh Allah.

Ibrani 12:15

Bojojagocam oca' jangan ado siku' urakng pan di antaro kaitn inyo moninggalan kasih karunia Allah. Aman ado urakng inyo molabuhan nantai, io monjadi samo sama'an tontanaman agatn buah inyo pohit huatan boracutn. Io morusa' kosatuan kaitn ongko mombulah urakng banya' mombulah dosa.

2 Timotius 4:17

Apo, watu nantai, Tuhatn monyoroto'iku. Sio moonji'i kokuatan ko aku. Obai nantai, aku ulih momboritoan Kabar Boi' ko urakng inyo bukainyo urakng Yahudi. Watu nantai, aku co dihukupm mati samo sama'an lopas doi' tontorokapan bonatakng buas.

Kolose 1:23

Nantai paca'an tojadi aman kaitn totap pocayo ko Yesus agatn kuat. Jangan sampai kaitn tongga' pocayo. Kaitn gola' sotia huatan yakitn moharap'an obai Allah momonuhi somuo inyo Sio janjian dalapm Kabar Boi'. Memang kaitn udah mondinga' Kabar Boi' nantai. Kabar Boi' nantai udah diboritoan ko boko urakng di mono-mono. Aku ni'in, Paulus, udah monjadi polayatn inyo momboritoan Kabar Boi' nantai.

Roma 10:18

Apo ubo apo agatn urakng Yahudi? Kata'an sia' bolupm kalo mondinga' Kabar Boi' nantai ai? Pasti sia' udah mondinga'am nantai! Samo sama'an pomandiran ni'in inyo totulis di Buku Suci: “Boko monsio udah momboritoan ko soluruh dunia. Pomandiran sia' udah tosebar ko soluruh dunia.”

Kisah Boko Rasul 17:30

Timpu joman komai, ado boko banso inyo kinyo mongotohu'i caro pakai' monyombah Allah. Jadi, Allah kinyo lansukng mohukupm sia' obai boko kosalahannyo. Apo ni'in Sio porintahan somuo urakng di mono-mono gola' moninggalan dosa huatan monyonangan hati Sio.

2 Timotius 1:10

Watu ni'in, Allah monunju'an koboi'an-Nyo ko kito agatn kodatakan Kristus Yesus, Ponyolamant kito. Molalu'i Kabar Boi' nantai, Sio udah mongalahan kuaso komatian huatan moonji'i kito hidup inyo somanah-manahnyo di sorugo.