Titus 2:10 - Porjanjian Boharu Torjomahan Baso Dilakng Soari-ari

¹⁰ Sia' co ulih mongolit'i boko kodampuan habakng sia'. Apo sia' gola' sotia huatan bujur bondar. Aman sia' hidup agatn caro nantai, urakng bukai paca'an moniantnyo huatan sonang agatn ajaran mongona'i Allah, Ponyolamant kito.

Titus 2:10 ပူးပေါင်းရင်းမြစ်များ

Matius 24:45

“Sopo kironyo urakng inyo pintar-corodi' huatan sotia ko Aku? Sio samo sama'an siku' hulutn inyo sotia huatan pintar-corodi'. Habakngnyo moangkat io monjadi kopala' boko hulutn inyo bukai. Habakngnyo moonji'i tanggukng-jawab ko io pakai' bobagian pomakatn ko boko hulutn inyo bukai pado watunyo.

Matius 5:16

Porbuatan boi' kaitn samo sama'an torakng. Jadi, kaitn gola' bulah koboi'an di hadapan urakng oca' sia' ulih moniant nantai. Lalu sia' paca'an momuji Allah Bopai kaitn di sorugo.”

Lukas 1:47

Ongko hatiku kotakan rindakng obai Allah, Ponyolamantku.

Lukas 1:80

Ana' Zakharia nantai mongkitn bosaram rohnyo pan mongkitn kuat. Io bodiapm di padakng pasir inyo langunt sampai io mula'i monyampaian borito ko banso Israel.

Lukas 16:10

Aman urakng ulih dipocayo agatn urusan inyo kotakng kocit, io ulih dipocayo agatn urusan inyo kotakng bosar. Apo aman urakng culih dipocayo agatn urusan inyo kotakng kocit, io pan culih dipocayo agatn urusan inyo kotakng bosar.

Yohanes 12:6

(Sobondarnyo, io bopandir ubo nantai bilonyo obai io honda' monulukng urakng jaro, apo obai io pongolit. Io inyo monjujut kantong pakai' duit inyo urakng bukai onju' pakai' polayatan Yesus. Huatan io hala mongolit doi' nantai.)

1 Korintus 4:2

Tugas utamo doi' polayatn Tuhatn ia'an sio gola' ulih dipocayo

Efesus 4:1

Obai nantai, sama'an ni'inan nosihat doi' ku, ia'an aku inyo ditamoan ko dalapm ponjara obai aku molayati Tuhatn Yesus. Kaitn udah ditingkau monjadi umant Allah. Jadi, aku muhun oca' kaitn hidup agatn caro inyo cucu' pakai' boko urakng inyo ditingkau sama'an nantai.

Filipi 1:27

Lapo ja' inyo tojadi ko aku, inyo pontikng ia'an kaitn hidup sosuai agatn Kabar Boi' mongona'i Kristus. Agatn ubo nian, aman aku ulih datakng botomu agatn kaitn damo cuku datakng ongko bayo mondinga' mongona'i kaitn, jadi aku tajahan tohu obai kaitn totap kuat pocayo. Aku tajahan tohu kaitn bosatu hati ongko bojuakng bosamo pakai' kopocaya'an inyo sosuai agatn Kabar Boi' nantai.

Filipi 4:8

Ahirnyo, boko somadikan ku, kaitn gola' hala momikiran mongona'i boko hal inyo bondar, inyo patut dirogo'i, inyo adil, inyo borosih doi' kojahatan, inyo manis, inyo loma' didinga'. Pokoknyo, pikiran cam mongona'i la'apo pan inyo boi' ongko patut dipuji.

1 Timotius 1:1

Ko Timotius: inyo bondar-bondar sama'an ana'ku dalapm Yesus. Salapm doi' aku, Paulus. Kristus Yesus ongko Allah moutus aku monjadi rasul-Nyo pakai' momboritoan mongona'i Sio. Allah nanam Ponyolamant kito huatan Kristus Yesus tompat kito boharap. Aku bodoa oca' kasih karunia ongko sonang-asau doi' Allah, Bopai kito, huatan Tuhatn Yesus Kristus monyoroto'i kolai.

1 Timotius 5:17

Jomaat gola' bondar-bondar mohormati huatan monulukng kohidupan boko ponotua' inyo momimpitn agatn boi', hususnyo boko ponotua' inyo bohotbah ongko mongajar mongona'i Pomandiran Allah.

1 Timotius 6:1

Somuo hulutn inyo pocayo ko Yesus gola' mohormati habakng sia'. Sia' gola' sama'an nian oca' urakng bukai co mohayam Allah kito huatan ajaran kito.

1 Timotius 6:3

Sopo pan urakng inyo mongajar ajaran inyo kinyo bondar, ajaran sia' songkayo doi' ajaran Yesus Kristus, Tuhatn inyo bokuaso. Ajaran sia' nantai kinyo monulukng urakng pakai' hidup sosuai agatn kohonda' Allah.

Titus 3:4

Apo timpu Allah monunju'an koboi'an huatan kasih-Nyo, Sio monyolamant'an kito.

1 Petrus 2:12

Kaitn gola' hidup agatn caro inyo boi' di antaro boko urakng inyo bolupm mongonal Allah. Agatn ubo nantai, biar pan sia' mongatoan kaitn jahat, sia' tajahan moniant porbuatan kaitn inyo boi'. Akibatnyo, sia' pan tajahan momuliaan Allah watu Sio datakng nononyo.

1 Petrus 3:16

Apo, timbas cam sia' agatn hormat, lomah-lombut, tulus hati di hadapan Allah. Kaitn gola' molabuhan nantai oca' watu boko urakng monjahai'an mongona'i porbuatan boi' kaitn dalapm Kristus, jadi sia' tajahan komaluan.

2 Yohanes 1:9

Urakng inyo monuruti ajaran inyo salah doi' ajaran Kristus nantai, boroti Allah conyiant di dalapm hatinyo. Apo urakng inyo hidupnyo monuruti ajaran Kristus, boroti Allah Bopai ongko Ana'-Nyo ado dalapm hatinyo