Titus 1:5 - Porjanjian Boharu Torjomahan Baso Dilakng Soari-ari

⁵ Aku udah moninggalan kolai di pulau Kreta oca' kolai ulih monjadi'i pokoroja'an inyo ija' pontikng dikorojoan. Kolai gola' momilih boko ponotua' pakai' momimpitn sotiap jomaat di boko kota di pulau Kreta. Kolai gola' momilih ponotua' sosuai agatn boko potunju' ni'in inyo udah ku onju' ko kolai:

Titus 1:5 ပူးပေါင်းရင်းမြစ်များ

Kisah Boko Rasul 11:30

Sia' moonji'i sumbakan nantai ko Barnabas ongko Saulus oca' sia' duo ulih moonju'annyo ko boko pomimpitn urakng pocayo agatn Yesusdi Yerusalem.

Kisah Boko Rasul 14:23

Paulus ongko Barnabas pan momilih boko pomimpitn pakai' sotiap kolompok urakng pocayo. Boko pomimpitn nantai dipilih doi' boko urakng inyo udah pocayo agatn Yesus, Tuhatninyo bokuaso dipucu' somuonyo. Paulus ongko Barnabas bodoa kapikng bopuaso oca' Tuhatn totap monjago somuo pomimpitn nantai.

Kisah Boko Rasul 2:11

doi' pulau Kreta, huatan boko urakng Arab. Kito inyo bokumpul kinyo bayo urakng Yahudi asli, apo urakng doi' banso bukai jam inyo udah mansu' agama Yahudi. Jadi aneh bondar, boko murid Yesus ulih bopandir pakai baso kito ni'in! Sia' bopandir mongona'i boko hal luar biaso inyo dilabuhan Allah.”

Kisah Boko Rasul 27:12

Memang polabuhan tompat koi ado bukai tompat inyo boi' pakai' bodiapm somanahan musipm bonakau. Jadi kobanya'an doi' sia' di kapal nantai lobih sotuju pakai' molajuan polayaran. Sia' boharap ulih tuntukng ko polabuhan Feniks ongko bodiapm di su'utn somanahan musipm bonakau. Polabuhan nantai lobih jouh ko arah barat apo ija' di pulau Kreta. Polabuhan nantai mohadap ko duo arah, ko barat daya huatan ko barat lout.

Kisah Boko Rasul 27:13

Watu nantai, angin mula'i muput agatn gamant doi' arah solatatn. Sia' monyangko obai sia' ulih bolayar torus sampai ko polabuhan Feniks nantai sosuai agatn hajat sia'. Jadi, sia' moangkat sauh ongko bolayar agi' monyusuri pantai solatatn pulau Kreta.

Kisah Boko Rasul 27:21

Boari-ari co nyiant inyo honda' makatn. Jadi, Paulus bodiritn di tongah-tongah koi somuo. Katonyo, “Boko somadikan, komai aku udah moonji'i nosihat oca' kito jangan bolayar doi' pulau Kreta. Apo kaitn kinyo monuruti nosihat nantai. Jadi, sokarakng kito moalapi boncana sama'an ni'in. Kito udah rugi banya'.

Kisah Boko Rasul 27:7

Bonakau pagutn hala muput kuat doi' koholuan kapal. Jadi, somanah boboropo ari koi bolayar kotakan landai. Agatn uyuh jorih koponsuahannyo koi tuntukng di dampikng kota Knidus. Apo bonakau kuat nantai mohalaki kapal bolayar ko arah barat agi'. Ongko, koi ko arah solatatn oca' tolindukng ulih pantai solatatn pulau Kreta, dampikng tanjukng Salmone.

1 Korintus 11:34

Aman ado urakng inyo kolaparan, soboi'nyo io makatn doholu di rumahnyo. Labuhan cam somuo nantai oca' aman kaitn bokumpul, kaitn co monyobab'an Allah mohukupm kaitn. Watu aku datakng ko Korintus, aku paca'an mongajar kaitn mongona'i boko hal inyo bukai agi'.

1 Korintus 14:40

Apo somuonyo gola' dilabuhan agatn caro inyo boi' huatan toatur.

1 Korintus 4:17

Aku moutus Timotius ko kaitn oca' monulukng kaitn monuruti toladatnku. Io sama'an ana' inyo kokidahku. Io jam sotia monulukngku molayati Tuhatn. Io paca'an moingant'an kaitn mongona'i caroku hidup dibabah kuaso Kristus Yesus. Caro hidup nantai samo sama'an la'apo inyo udah kuajaran disotiap jomaat di mono-mono.

Kolose 2:5

Biar pan aku co nyiant bosamo agatn kaitn, apo hatiku ado di antaro kaitn. Aku sonang mondinga' obai kaitn hidup agatn toatur huatan kuat pocayo ko Kristus.

1 Timotius 1:3

Watu aku botula' ko propinsi Makedonia, aku totap minto oca' kolai totap bodiapm di kota Efesus. Aku mongohonda'i sama'an nantai pakai' kolai monosihat'i boko urakng totontu oca' sia' tongga' mongajaran boko ajaran inyo monyosat'an.

2 Timotius 2:2

Kolai udah mondinga' aku mongajar di hadapan urakng banya'. Jadi, ajarancam ajaran nantai ko boko urakng inyo ulih dipocayo huatan pandai mongajar urakng bukai.

Titus 1:12

Sipat boko urakng Kreta nantai kalo dikatoan ulih nabi urakng Kreta siku'. Kato nabi nantai, “Somuo pondudu' pulau Kreta hala bulah kotumbukan. Sia' sama'an bonatakng ganas. Sia' pocalan, ongkah honda' makatn am.”