Titus 1:14 - Porjanjian Boharu Torjomahan Baso Dilakng Soari-ari

¹⁴ Olikanbo sia' nan oca' sia' monula' boko kisah modas doi' boko urakng Yahudi. Olikancam sia' nian oca' sia' kinyo sonjumpat'an urakng inyo molawatn ajaran inyo bondar. Boko urakng nantai mongajar obai kito gola' monaati soluruh Hukupm Torat.

Titus 1:14 ပူးပေါင်းရင်းမြစ်များ

2 Timotius 4:4

Sia' kinyo honda' mondinga'an ajaran inyo bondar. Apo, sia' honda' pocayo boko sangan inyo dipulah-pulah.

Kolose 2:22

Somuo poraturan sama'an nantai mongona'i boko hal inyo somontaro mo di dunia ni'in, boko hal nantai kinyo boguno agi'. Somuo poraturan sama'an nantai bayo boko porintah huatan boko ajaran monsio mo.

2 Petrus 2:22

Porbuatan sia' nantai monunju'an obai poumpamoan ni'in bondar: “Kudu' paca'an makatn agi' apo inyo udah dimutahannyo.” Huatan “Babi inyo udah dimandi'i paca'an bobali' agi' mongudakng di dalapm luta'.”

Galatia 4:9

Apo ni'in kaitn udah ado hubukan agatn Allah. Kata'an lobih topat aman aku mongatoan obai Allah inyo bulah hubukan agatn kaitn. Obai nantai, jangan bobali' agi' monaati boko roh dunia inyo co bokuaso huatan co nyiant gunonyo. Jangan monjadi boko hulutn sia'.

Matius 15:9

Pocumo ja' sia' monyombah Aku. Obai sia' bayo moajaran boko poraturan monsio.’ ”

Markus 7:7

Pocumo ja' sia' monyombah Aku. Obai sia' bayo moajaran poraturan monsio mo.’

Ibrani 12:25

Porotian cam oca' kaitn jangan monula' Allah inyo bopandir. Timpu joman komai Sio momporingant'i sia' di bumi ni'in. Ongko sia' inyo monula' Sio nantai, sia' dihukupm. Tolobih agi' kito! Aman kito monula' Sio inyo bopandir doi' sorugo, pasti kito tajahan dihukupm!