Titus 1:11 - Porjanjian Boharu Torjomahan Baso Dilakng Soari-ari

¹¹ Kolai gola' monongga'an sia'. Jangan molongahan sia' moajaran boko hal inyo sobondarnyo co ulih diajaran. Obai ajaran sia' udah bulah banya' koluarga disosatan. Sia' ngontumbuki urakng agatn ajaran sia', oca' sia' mondapat'an untukng.

Titus 1:11 ပူးပေါင်းရင်းမြစ်များ

Matius 23:13

“Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' apo hati kaitn jahat. Kaitn mohalaki urakng pakai' mansu' monjadi anggota koluarga Koraja'an Sorugo. Kaitn siku' co honda' mansu'. Apo, kaitn mohalaki boko urakng inyo bousaha mansu'. [

Lukas 20:40

Lopas nantai, somuo boko pomimpitn urakng Yahudi kinyo borani bulah gogadatn ko Yesus agatn boko potakutan agi'.

Yohanes 10:12

Urakng upahan, io nian bukainyo urakng pongombolo. Io bukainyo umputn boko domba nantai. Aman io moniant payau datakng, io rari moninggalan boko dombanyo. Lalu payau nantai monorokam huatan boko domba nantai botomboburan.

Roma 3:19

Kito tohu obai la'apo pan inyo totulis dalapm Hukupm Torat, tomansu' pomandiran nantai, pakai' urakng inyo mondapat'an Hukupm Torat nantai jam. Jadi, sopo pan conyiant alasan pakai' mombondaran diri. Somuo urakng di soluruh dunia gola' dihukupm Allah.

2 Korintus 11:10

Aku bangga obai aku co gola' minto la'apo pan doi' kaitn. Conyiant siku' urakng pan di soluruh doerah Akhaya inyo paca'an mohalaki ku momadahan mongona'i kobanggaanku nantai. Hal nantai kotakng bondar am samo sama'an ajaranku mongona'i Kristus bondar.

1 Timotius 5:13

Solaitn nantai, boko botina' balu inyo ija' muda' biasonyo monjadi losa' bogota'-bokorojo. Sia' mombuakng-buakng watu koluar mansu' rumah boko urakng. Apotolagi', sia' gala' bocacai tumbukng. Sia' gala' sonjumpat'an urusan urakng bukai. Sia' bopandir boko hal sama'an nantai soharusnyo inyo kinyo boi' pakai' di kisahan.

1 Timotius 5:4

Apo boko botina' balu inyo ado ana' cucunyo, gola' ditulukng boko ana' cucunyo siku'. Boko ana' cucunyo gola' bolajar caro hidup inyo monyonangan hati Allah agatn caro monulukng koluarga sia' siku', samo sama'an sia' dikobolo timpu sia' ija' kocit.

1 Timotius 6:5

Sia' hala botikakng co nyiant kotuntukannyo. Pikiran sia' udah rusa' sampai sia' co ulih agi' monyongkayoan inyo salah huatan inyo bondar. Sia' bopikir, aman sia' molabuhan ajaran agama mondatakan kodampuan.

2 Timotius 2:18

Sia' duo nantai kinyo pocayo agi' agatn ajaran inyo bondar. Sia' duo mongajar obai Allah udah bulah boko urakng hidup agi' doi' komatian watu ni'in. Obai ajaran nantai, ongko sia' bulah boboropo urakng inyo pocayo co pocayo agi' ko Yesus huatan ajaran inyo bondar.

2 Timotius 3:6

Ado di antaro sia', inyo bokokolit mansu' ko dalapm boko rumah. Lalu sia' mongkongkanti'i boko botina' inyo mudah digolaga'i huatan banya' dosa ongko dikuaso'i bomacapm kohonda'.

Titus 1:7

Siku' urakng pongawas jomaat bokorojo moatur Rumah Allah. Obai niannam, io gola' hidup bujur bondar. Io culih buhau. Io culih copat godi damo urakng inyo pomabu'. Io culih gala' bokolohi damo gala' ngontumbuki urakng oca' mondapat'an untukng.

Titus 1:9

Io pan gola' bobondar pocayo Kabar Boi' inyo kito ajaran ko io, ia'an ajaran inyo bondar huatan ulih dipocayo. Io gola' bobondar pocayo tohadap ajaran nantai oca' io mampu momadahi ongko moonji'i somangant ko urakng bukai pakai' monaati ajaran inyo bondar nantai. Io gola' bobondar pocayo oca' io pan ulih monunju'an ko urakng inyo molawatn ajaran nantai, obai sia' salah.

Titus 3:10

Aman ado urakng inyo bulah poporapan di antaro boko urakng pocayo, kolai gola' moolikan io. Aman io kinyo botongga', olikan io sokali agi'. Aman io kinyo botongga' jam lopas jadi diolikan duo kali, kolai tohu io kinyo honda' tuyut ajaran inyo bondar agi'. Boko dosanyo mombutian obai inyo salah di hadapan Allah. Jangan bohubukan agi' agatn urakng sama'an nian.