Titus 1:10 - Porjanjian Boharu Torjomahan Baso Dilakng Soari-ari

¹⁰ Aku momadahan nantai obai ado banya' urakng Kreta inyo kinyo honda' monaati boko ponotua', hususnyo sia' inyo tontainyo sobolupmnyo boagama Yahudi. Sia' bopandir mongona'i boko hal inyo kinyo boguno. Sia' moncubo monipu urakng bukai.

Titus 1:10 ပူးပေါင်းရင်းမြစ်များ

1 Timotius 1:6

Apo boko urakng totontu kinyo hidup sama'an nantai agi'. Sia' sosat obai mula'i bopandir mongona'i boko hal inyo kinyo boguno.

1 Yohanes 4:1

Boko somadikanku inyo tokasih, udah ado banya' nabi palsu di dunia ni'in. Obai nantaiam, jangannam pocayo agatn somuo urakng inyo mongatoan obai Roh Allah ado di inyo. Apo poriso'icam lobih holu ajaran sia' nantai pakai' mongotohu'i aman roh inyo ado di inyo boasal doi' Allah kata'an cado.

Galatia 2:4

Memang ado boko urakng inyo monyosahan oca' urakng inyo pocayo agatn Yesus gola' disunant. Apo sia' inyo monyosahan nantai kinyo bondar-bondar pocayo agatn Yesus. Sia' mansu' dalapm kolompok kito socaro bokokolit. Sia' honda' mohalaki caro hidup kito inyo bebas doi' koharusan pakai' monaati Hukupm Torat. Kito bebas doi' nantai obai kito disolamant'an ulih mo Yesus Kristus. Apo sobondarnyo, sia' honda' oca' kito jam gola' monaati Hukupm Torat samo sama'an siku' urakng hulutn gola' monaati habakngnyo.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

Yakobus 1:26

Aman ado urakng inyo bopikir io rajitn sombayakng apo io co mongondalian lidahnyo, io bayo monipu dirinyo siku'. Sobondarnyo, io molayati Allah kinyo bobondar.

2 Timotius 3:13

Sodakan boko urakng jahat huatan boko urakng inyo hala tumbukan, sia' paca'an mongkitn jahat. Sia' monyosat'an urakng bukai. Urakng bukai pan monyosat'an sia'.

Kisah Boko Rasul 11:2

Jadi, watu Petrus botula' ko Yerusalem, boko urakng pocayo inyo monaati poraturan agama Yahudi monyalahan io.

Wahyu 2:14

Apo, Aku moolikan kaitn obai boboropo hal ni'in: Ado boboropo urakng di antaro kaitn inyo tuyut ajaran salah samo sama'an ajaran Bileam joman komai. Bileam mongajar Balak pakai' bulah urakng Israel jatu' ko dalapm dosa, ia'an oca' sia' bopua' dagikng doi' bonatakng inyo diposombahan ko songiang-duato, ongko oca' sia' bulah dosa bomporajoan.

Wahyu 2:6

Apo ado hal boi' inyo kaitn labuhan, ia'an nantai: Kaitn bonci'an boko porbuatan boko urakng inyo monuruti ajaran Nikolaus. Aku pan mombonci' jam boko kolaku'an inyo jahat nian.

1 Yohanes 2:18

Poana'anku! Joman ni'in am ari-ari toahir. Kaitn udah mondinga' obai Si Musuh Kristus paca'an datakng. Ongko watu ni'in banya' musuh Kristus udah ado. Ni'inam tandonyo, joman ninam ari-ari toahir.

2 Timotius 4:4

Sia' kinyo honda' mondinga'an ajaran inyo bondar. Apo, sia' honda' pocayo boko sangan inyo dipulah-pulah.

1 Timotius 1:4

Huatan oca' sia' jangan tolalu borotian boko kisah sangan damo boko daptar koturutan inyo co nyiant kotuntukannyo. Boko ajaran sama'an nantai bayo bulah boko urakng bomparakan mulut huatan co nyiant gunonyo pakai' hajat Allah, inyo kito kotohu'i agatn pocayo ko Sio.

Galatia 3:1

Boko somadikan di Galatia. Kaitn urakng budu! Kaitn udah dikotumbuki ulih ajaran urakng bukai! Sobondarnyo aku udah kalo monorakan agatn kotakan jolas mongona'i komatian Yesus Kristus di kayu salib.

Kisah Boko Rasul 20:29

Aku tohu obai lopas jadi aku botula', paca'an ado boko urakng inyo datakng ko kaitn agatn ajaran inyo salah. Sia' paca'an moncubo monyosat'an urakng. Sia' samo sama'an boko payau ganas inyo honda' monyorakng boko domba kaitn.

Kisah Boko Rasul 15:1

Timpu Paulus ongko Barnabas ija' ado di kota Antiokhia nantai, ado boboropo urakng doi' doerah Yudea datakng. Boboropo urakng nantai mula'i mongajar boko urakng inyo pocayo agatn Yesus. Kato sia', “Pado joman komai, Musa moajaran poraturan Allah. Sotiap urakng dalapm umant Allah gola' disunant. Jadi, kaitn urakng inyo bukainyo Yahudi gola' monuruti poraturan nantai, samo sama'an urakng Yahudi. Aman cado, kaitn co paca'an disolamant'an.”

Kisah Boko Rasul 15:24

udah mondinga' borito doi' Paulus, Barnabas huatan urakng bukai inyo kaitn utus ko koi. Koi mondinga' ado boko urakng doi' antaro koi inyo datakng ko kaitn. Apo, koi kinyo moutus sia' nantai. Sia' mongajar kaitn gola' disunant aman honda' disolamant'an. Ajaran sia' nantai mombingungan kaitn, bulah hati kaitn gangga'-gua'an.

1 Timotius 1:9

Kito tohu obai Allah moonji'i Hukupm Torat bukainyo pakai' mongomboi'i caro hidup boko urakng inyo bondar. Apo Sio moonji'i Hukupm Torat pakai' mongomboi'i caro hidup boko urakng inyo hidup sokohonda'nyo siku' huatan tikakng-bongkakan, boko urakng inyo kinyo boagama huatan boko urakng hala gala' bulah dosa, boko urakng inyo kinyo honda' hidup suci huatan boko urakng inyo kinyo mongonal Sio, boko urakng inyo mombunuh urakng bukai, tomansu' boko urakng inyo mombunuh indai Bopai sia'.

Titus 1:6

Siku' urakng ponotua' gola' hidup kinyo rusa'. Io culih bobini lobih doi' siku'. Poana'annyo pan gola' pocayo ko Yesus ongko gola' hidup agatn caro inyo boi'. Jangan sampai urakng bukai ulih monyalahan sia' obai sia' hidup kinyo toatur damo obai sia' hidup kinyo taat.

1 Yohanes 2:4

Urakng inyo bopandir, “Aku mongonal Allah,” apo io co monuruti boko porintah-Nyo, urakng nantai bulah kotumbukan. Kobondaran conyiant di dalapm io.

Matius 23:14

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' ja'. Kaitn monipu boko botina'-balu pakai' mondapat'an kodampuan sia'. Sampai rumah sia' pan kaitn kuti'. Kaitn moucap'an doa inyo panjakng-panjakng, apo nantai bayo pompadah ja'am. Obai nantaiam, Allah pasti paca'an mohukupm kaitn lobih borat doi' urakng bukai.]