Roma 9:33 - Porjanjian Boharu Torjomahan Baso Dilakng Soari-ari

³³ Samo sama'an pomandiran Allah inyo ditulis di Buku Suci: “Porotiancam! Aku molota'an Batu di Sion. Batu nantai bulah urakng topanjur. Apo urakng inyo pocayo ko Sio, tajahannyo kinyo kalo monjadi malu obai io pocayo.”

Roma 9:33 ပူးပေါင်းရင်းမြစ်များ

Roma 10:11

Samo sama'an pomandiran ni'in inyo totulis di Buku Suci: “Somuo urakng inyo pocayo ko Sio, kinyo kalo monjadi malu obai sia' pocayo.”

Roma 5:5

Aman kito boharap ko Sio sama'an nantai, jadi kito kinyo paca'an kocewa. Obai, hati kito udah dibisi'i Allah agatn kasih-Nyo. Allah molabuhan nantai agatn porontaroan Roh-Nyo inyo udah dionju' ko kito.

1 Yohanes 2:28

Jadi, poana'anku! Kaitn gola' hidup bosatu agatn Kristus, oca' Sio datakng nononyo agi', kito co gola' huatan co malu mohadap Sio.

Filipi 1:20

Aku kotakng honda' ongko moharap'an obai aku co bulah boko-lapo inyo bulah ku monjadi malu di hadapan Tuhatn. Apo aku boharap aku tajahan monjadi borani watu ni'in samo sama'an aku hala borani sobolupmnyo. Agatn ubo nantai, aman aku mati damo hidup, Kristus tajahan dimuliaan agatn lapo ja' inyo tojadi ko bukakng-tubuhku.

2 Timotius 1:12

Niannam obainyo aku moalapi somuo ajab sonsaro ni'in. Apo aku co malu obai aku udah tohu sopo Yesus sobondarnyo. Aku pocayo ko Sio. Aku udah monyorahan polayatan ni'in ko Sio. Aku yakitn Sio paca'an monjago oca' polayatanku kinyo balakng. Sio paca'an monjago polayatanku sampai ari Sio bobali' agi' ko dunia ni'in.

Matius 21:44

Batu nantai paca'an mohancuran sotiap urakng inyo jatu' di pucu'nyo, huatan moropu'an sotiap urakng inyo ditinggakngnyo.”]

Matius 21:42

Kato Yesus ko sia', “Pasti kaitn kalo mombaco di Buku Suci mongona'i ni'in: ‘Batu inyo dibuakan boko tukakng bangunan udah monjadi batu kotakng pontikng pakai' bangunannyo. Tuhatn inyo molabuhan nantai! Hebat bondar pogota'an-Nyo nantai.’ ”

Roma 10:1

Boko somadikan, hatiku morinduan oca' bansoku urakng Yahudi disolamant'an. Nianam doaku ko Allah.

Galatia 5:11

Aku ija' didorako'i ulih sia' inyo pocayo obai boko urakng gola' disunant oca' ditorima' Allah. Jadi, pasti aku kinyo momboritoan mongona'i sunant. Aku momboritoan mongona'i caro Yesus mati di kayu salib pakai' mombuka' jalatn kosolamant'an. Soandainyo aku momboritoan mongona'i sunant daripado mongona'i komatian Yesus nantai, ongko aku kinyo paca'an bulah sia' godi sama'an aku agi'.