Roma 9:3 - Porjanjian Boharu Torjomahan Baso Dilakng Soari-ari

³ obai banya' urakng Yahudi co honda' pocayo ko Kristus. Malahan aku rela tokutu', topisah doi' Kristus soandainyo hal nantai mombulah sia' monjadi solamant. Obai sia' nam boko somadikanku siku', sosamo banso Israel.

Roma 9:3 ပူးပေါင်းရင်းမြစ်များ

Kisah Boko Rasul 13:26

Boko somadikan koturutan Abrahapm, huatan boko urakng bukainyo urakng Yahudi udah pocayo agatn Allah: Yesus mombuka' jalatn oca' urakng ulih disolamant'an doi' hukupan dosa. Borito nantai udah disampaian ko kito somuo!

Kisah Boko Rasul 22:5

Imam Agukng huatan somuo kolompok pomimpitn agama inyo kotakan bokuaso ulih momadahan obai hal nantai bondar. Obai aku mondapat'an boko surat doi' sia' inyo ditujuan ko boko pomimpitn boko rumah sombayakng agama Yahudi di kota Damsyik. Di kota nantai ado jam boko urakng inyo jumpat boko ajaran Tuhatn Yesus. Boko surat nantai moonji'i hak oca' aku ulih monangkap sia'. Hajatku honda' mombaba' sia' bobali' ko kota Yerusalem ni'in, oca' sia' dihukupm.

Kisah Boko Rasul 28:21

Sia' bopandir, “Koi bolupm monorima' surat doi' propinsi Yudea mongona'i kolai. Bolupm ado boko somadikan urakng Yahudi doi' su'utn inyo datakng mombaba' borito mongona'i kolai. Bolupm ado inyo mongisahan obai kolai udah bulah kojahatan.

Roma 1:3

Kabar Boi' nantai mongona'i Ana'-Nyo, ia'an Yesus Kristus, Tuhatn inyo bokuaso dipucu' kito. Yesus dilahiran socaro monsio sobagai koturutan Rajo Daud. Apo, Yesus jam ia'an Urakng Inyo Kudus doi' Allah. Obai, timpu watu Sio bobali' hidup doi' komatian, Allah monunju'an obai Yesus ia'an Ana'-Nyo inyo bokuaso.

Roma 11:1

Aku botakutn: Kata'an Allah udah monula' umant-Nyo urakng Israel bai? Samo sokali cado! Obai aku urakng Israel huatan Allah kinyo monula' ku. Aku doi' koturutan Abrahapm, doi' suku Benyamin.

Roma 11:14

Agatn ubo nian, aku mungkitn ulih bulah banso ku siku' monjadi tungi. Aku boharap agatn boboropo urakng doi' sia' honda' pocayo ko Yesus jam sampai sia' monjadi solamant.

Roma 16:11

Salapm ko Herodion, somadikan doi' banso Yahudi samo sama'an aku. Salapm ko koluarga Narkisus ongko somuo urakng inyo pocayo ko Tuhatn inyo diapm di rumahnyo.

Roma 16:21

Salapm ko kaitn doi' Timotius inyo bokorojo molayati bosamoku. Salapm jam doi' Lukius, Yason, ongko Sosipater, boko somadikan doi' banso Yahudi samo sama'an aku.

Roma 16:7

Salapm ko Andronikus ongko Yunias, boko somadikan doi' banso Yahudi samo sama'an aku. Sia' kalo ditamoan ko dalapm ponjara bosamo agatn aku. Sia' pocayo ko Kristus sobolupm aku, ongko sia' tokonal di antaro boko rasul.

Roma 9:2

Ia'an obai aku kotakan salu'. Hatiku susah

1 Korintus 12:3

Obai nantai, aku gola' mongajar kaitn mongona'i ubo apo caro Roh Allah bokorojo dalapm hidup urakng inyo pocayo. Aman ado urakng inyo bondar-bondar dikuaso'i Roh Allah, pasti urakng nantai kinyo paca'an bopandir, “Yesus cucu'mo dihukupm!” Sobali'nyo, aman ado urakng inyo bopandir, “Yesus nantai Tuhatn inyo bokuaso!” pasti urakng nantai bondar-bondar dikuaso'i Roh Allah.

1 Korintus 16:22

Biaram somuo urakng inyo kinyo mongasihi Tuhatn Yesus monorima' hukupan! Datakngcam, Tuhatn!

2 Korintus 12:15

Jadi, aku sonang mongurbatan umputnku. Malahan, aku siap monyorahan diriku siku' pakai' monulukng kaitn. Jadi, aman aku mongkitn mongasihi kaitn, pasti kinyo boi' aman kaitn mongkitn kurakng mongasihi ku!

Galatia 1:8

Apo koi udah momboritoan ko kaitn Kabar Boi' inyo bondar. Sopo ja' inyo momboritoan ko kaitn suatu kabar boi' inyo bukai doi' nantai, mudahan Allah mohukupm sia'. Soandainyo ado di antaro koi boko rasul Yesus damo molekat doi' sorugo pan inyo momboritoan kabar boi' inyo bobeda, mudahan Allah inyo paca'an mohukupm io.

Galatia 1:9

Sokomainyo koi udah momandiran mongona'i hal nantai. Ni'inan, aku momandiran pomandiran nantai agi'. Aman ado urakng inyo momboritoan ko kaitn suatu kabar boi' inyo bobeda doi' inyo udah kaitn dinga' doi' koi, mudahan Allah mohukupm urakng nantai.

Galatia 3:10

Apo sotiap urakng inyo bayo bousaha monaati Hukupm Torat, komungkitan paca'an kona' tulah, obai mungkitn sia' co ulih hala monaati somuo porintah huatan poraturan Allah nantai. Obai ado totulis dalapm Buku Suci: “Allah paca'an mohukupm boko urakng inyo kinyo hala sotia monaati somuo Hukupm Torat.”

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

Efesus 6:5

Ko boko hulutn aku momadahan: kaitn gola' monurut agatn habakng kaitn inyo ado di dunia ni'in. Tundu' ko sia' agatn hormat huatan hati inyo jujur, samo sama'an caro kaitn monaati Kristus.