Roma 9:20 - Porjanjian Boharu Torjomahan Baso Dilakng Soari-ari

²⁰ Apo, porhatiancam! Kolai bayo monsio. Kolai culih monyalahan koputusan Allah inyo moncipta'an kolai. Roga' pasti culihnyo bopandir ko tukakng inyo mombulahnyo, “Mapo kolai bulah ku sama'an ni'in?!”

Roma 9:20 ပူးပေါင်းရင်းမြစ်များ

Matius 20:15

Pasti aku bebas momakai somuo umputnku monurut kohonda' hatiku. Kata'an kulo tungi obai aku boi' hati ko urakng bukai ai?’ ”

1 Timotius 6:5

Sia' hala botikakng co nyiant kotuntukannyo. Pikiran sia' udah rusa' sampai sia' co ulih agi' monyongkayoan inyo salah huatan inyo bondar. Sia' bopikir, aman sia' molabuhan ajaran agama mondatakan kodampuan.

1 Korintus 1:20

Jadi, boko urakng inyo pandai sobondarnyo sia' kinyo ado kopintar-corodi'annyo. Boko guru inyo mongajar Hukupm Torat, sobondarnyo pan sia' kinyo ado kopintar-corodi'annyo. Huatan jam, boko urakng inyo monjadi boko guru pongotohuan, sobondarnyo sia' kinyo ado kopintar-corodi'annyo. Obai Allah udah mombulah kopintar-corodi'an monsio monjadi budu.

Yakobus 2:20

Jangan budu! Aman ado urakng inyo mongatoan io pocayo ko Yesus, apo io co molabuhan porbuatan inyo monyonangan hati Allah, kopocaya'an urakng nantai conyiant gunonyo. Ado buti

Titus 2:9

Ajaricam boko hulutn inyo pocayo oca' sia' tundu' agatn habakng sia' dalapm somuo hal. Sia' gola' bokorojo pakai' monyonangan habakng sia'. Sia' co ulih monikaki habakng sia'.

Roma 2:1

Jadi, kaitn inyo mohakipi urakng bukai pan bosalah. Kaitn kinyo ulih bopandir kaitn bondar. Obai, kaitn molabuhan boko hal inyo jahat samo sama'an urakng inyo kaitn hakipi. Jadi, agatn mohakipi urakng bukai, sobondarnyo kaitn pan mohakipi diri kaitn siku'.

1 Korintus 7:16

Obai co nyiant inyo tohu la'apo inyo paca'an tojadi. Hai boko bini, kaitn mungkitn ja'am bulah laki kaitn disolamant'an. Hai boko laki, kaitn mungkitn ja'am bulah bini kaitn disolamant'an.

Lukas 12:14

Apo Yesus bopandir ko io, “Somadikan, co nyiant urakng inyo moangkat Aku monjadi hakipm damo porontaro pakai' momutusan pokaro sama'an nian!”

Roma 2:3

Jadi, aman kaitn mohakipi urakng bukai nantai apo kaitn jam molabuhan boko hal inyo samo, jangan bopikir Allah kinyo paca'an mohukupm kaitn!

Roma 9:21

Pasti tukakng nantai bohak mombulah ubo lapo ja' kohonda'nyo. Doi' gumpalan tanah liat inyo samo, tukakng nantai bohak mombulahnyo sobuah roga' inyo boi' huatan sobuah roga' inyo bukainyo inyo biaso.

Roma 9:22

Ubo nian jam Allah bokuaso doi' somuo urakng inyo Sio pulah. Ado boko urakng inyo mombulah Allah godi. Sio udah siap mombonasoan sia'. Sio honda' monunju'an obai Sio godi ongko monunju'an kuaso-Nyo. Sio sabar agatn sia', jadi Sio kinyo lansukng mohukupm sia'

Roma 14:4

Urakng nantai ia'an polayatn umputn Tuhatn, bukainyo umputn kolai. Jadi, kolai conyiant ado hak pakai' mohakipi io. Aman io jatu' damo bodiritn, nantai urusan Tuhatn inyo bokuaso doi' io. Apo pasti io tajahan totap bodiritn togap obai Tuhatn bokuaso mombulah io bodiritn togap.

2 Timotius 2:20

Di dalapm rumah inyo bosar ado bomacapm pokakas. Ado inyo dipulah doi' omas ongko pira'. Ado jam boko inyo dipulah doi' kayu ongko tanah liat. Boko pokakas nantai ado inyo digunoan pakai' pogota'an inyo pontikng, ado jam inyo digunoan pakai' pogota'an inyo kinyo gaho pontikng.