Roma 9:19 - Porjanjian Boharu Torjomahan Baso Dilakng Soari-ari

¹⁹ Aman ubo nian, tajahan ado di antaro kaitn inyo bopandir ko aku, “Aman conyiant ado urakng inyo ulih molawatn kohonda' Allah, mapo Allah ija' moanggap urakng bosalah?”

Roma 9:19 ပူးပေါင်းရင်းမြစ်များ

1 Korintus 15:35

Apo mungkitn ja' ado boboropo urakng di antaro kaitn inyo botakutn, “Ubo apo caronyo urakng mati dihidupan agi'? Watu siku' urakng dihidupan agi', bukakng-tubuh urakng nantai sama'an la'apo?”

1 Korintus 15:12

Jadi, koi momboritoan obai Yesus udah dihidupan agi' doi' komatian. Aman kaitn udah pocayo nantai, co mungkitn kaitn mongatoan obai urakng mati kinyo paca'an dihidupan agi' doi' komatian.

Markus 14:21

Udah totulis dalapm buku Suci obai Ana' Monsio paca'an disorahan ko boko urakng inyo molawatn-Nyo. Sosuai agatn tulisan nantai, hal nantai paca'an tojadi ko Io. Apo Allah paca'an mohukupm urakng inyo molabuhan nantai. Lobih boi' pakai' urakng nantai aman io kinyo kalo dilahiran samo sokali!”

Yakobus 1:13

Aman ado urakng inyo dicubo'i pakai' bulah dosa, jangannam urakng nantai mongatoan, “Allah inyo moncubo'i aku!” Obai, Allah kinyo mombulah sopo pan bulah dosa. Huatan, conyiant inyo ulih moncubo'i Allah.

Roma 11:19

Apo mungkitn kaitn urakng bukainyo urakng Yahudi tajahan bopandir, “Boko dahatn nantai dipatahan oca' koi ulih monggonti'i sia'!”

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Yakobus 2:18

Apo mungkitn ado urakng inyo co sotuju huatan bopandir, “Ado urakng inyo moandalan kopocaya'annyo, huatan ado inyo bukai moandalan porbuatannyo.” Apo aku paca'an monimbas, “Aman kolai co molabuhan porbuatan inyo boi', co mungkitn kolai monunju'an ko aku obai kolai bondar-bondar pocayo! Apo porbuatanku monunju'an ko kolai obai aku bondar-bondar pocayo!”