Roma 9:17 - Porjanjian Boharu Torjomahan Baso Dilakng Soari-ari

¹⁷ Apo ingant cam pomandiran Allah ni'in ko rajo Mesir inyo totulis dalapm Buku Suci, “Ubo ninam alasan Ku moangkat kolai monjadi rajo, ia'an oca', ‘Aku ulih monunju'an kuaso-Ku dalapmla'apo pan inyo tajahan tojadi ko kolai, ongko oca' somuo urakng di soluruh bumi mongotohu'i damo-Ku.’ ”

Roma 9:17 ပူးပေါင်းရင်းမြစ်များ

Yohanes 17:26

Aku udah mongonalan Damo Duatn ko sia'. Aku paca'an hala momadahan ko sia' mongona'i Duatn oca' kasih Duatn ko Aku totap di dalapm hati sia' huatan oca' Aku totap bosatu agatn sia'.”

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Galatia 4:30

Apo, dinga'ancam pomandiran ni'in doi' Buku Suci “Tundukng ja'am botina' hulutn nantai agatn ana'nyo. Obai, ana' doi' hulutn nantai kinyo paca'an bodapat kodampuan doi' bopainyo. Ongkah ana' doi' botina' inyo bebas paca'an dionji'i ulih bopainyo.”

Galatia 3:8

Doi' komai, Allah ado hajat pakai' urakng bukainyo Yahudi. Aman sia' pocayo, jadi sia' dianggap bondar di hadapan Allah. Allah momboritoan Kabar Boi' nantai ko Abrahapm jouh-jouh ari sobolupmnyo. Kabar Boi' nantai totulis dalapm Buku Suci:, “Somuo banso paca'an diborokati molalu'i kolai.”

Roma 11:4

Apo la'apo timbas Allah ko Elia? Allah bopandir, “Ija' ado tujuh ribu iku' urakng inyo Ku pilih monjadi husus umputn-Ku. Sia' kinyo kalo tundu' monyombah duato Baal.”