Roma 8:7 - Porjanjian Boharu Torjomahan Baso Dilakng Soari-ari

⁷ obai sia' bomusuhan agatn Allah. Sia' co monuruti boko porintah Allah. Malahan, sia' culihnyo monuruti boko porintah Allah.

Roma 8:7 ပူးပေါင်းရင်းမြစ်များ

1 Korintus 2:14

Apo boko urakng inyo bayo bopikir socaro dunia, sia' co honda' pocayo boko hal doi' Roh Allah. Sia' moanggap boko hal nantai kinyo boroti. Sia' co ulih mongoroti boko hal nantai obai boko hal nantai bayo ulih diporiso'i socaro rohani.

Yakobus 4:4

Kaitn co sotia ko Allah samo sama'an siku' urakng inyo bomporajoan rotinyo co sotia ko pasakannyo. Kaitn gola' mongotohu'i ni'in: Boko urakng inyo moncintai kosonangan di dunia ni'in, sia' monjadi musuh Allah. Jadi, aman kaitn moncintai kosonangan di dunia ni'in, rotinyo kaitn monjadi musuh Allah.

Roma 7:22

Dalapm diriku, aku honda' somuo porintah huatan poraturan Allah dalapm Hukupm Torat.

Ibrani 8:10

Apo lopas watu nantai, sama'an ni'inan pojanjian inyo paca'an Aku pulah agatn umant Israel: Aku paca'an molota'an boko porintah-Ku dalapm pikiran sia'. Aku paca'an monulisnyo dalapm hati sia'. Aku paca'an monjadi Allah sia'. Sia' paca'an monjadi umant-Ku.

2 Timotius 3:4

Ari-ari toahir ni'in, boko urakng paca'an hala monyorahan kawal sia' ko musuh. Sia' co paca'an bopikir panjakng. Sia' paca'an hala buhau. Sia' paca'an hala monyonangan diri sia' daripado monyonangan Allah.

Kolose 1:21

Memang komai kaitn hidup jouh doi' Allah. Kaitn nantai musuhAllah dalapm hati huatan pikiran kaitn. Obai, porbuatan kaitn jahat jam.

Roma 8:4

Allah molabuhan somuo nantai oca' kito ulih hidup agatn caro inyo dimasud dalapm Hukupm Torat, ia'an nantai kito inyo hidup agatn caro inyo bondar, co monuruti kohonda' monsio apo monuruti Roh Allah.

Roma 5:10

Komai, kito molawatn Allah. Apo kito bobali' bohubukan boi' agatn Sio obai Ana'-Nyo mati pakai' kito. Obai Yesus udah molabuhan nantai, pasti Sio jam paca'an monyolamant'an kito inyo udah bobali' bohubukan boi' agatn Allah. Obai Yesus hidup, jadi kito paca'an mondapat'an hidup kokal jam.

Roma 1:28

Obai sia' co mooso pontikng mongonal Allah, jadi Allah mombiaran pikiran sia' monjadi rusa'. Jadi, sia' molabuhan boko hal inyo soharusnyo kinyo pantas sia' labuhan.

Yohanes 7:7

Boko urakng di dunia conyiant alasan pakai' bonci'an kaitn. Apo dunia bonci'an Aku obai Aku hala momadahannyo ko sia' obai porbuatannyo jahat.

Roma 3:31

Aman kito monjadi bondar obai kito pocayo, apobai nantai boroti kito bopikir obai Hukupm Torat kinyo ado gunonyo? Samo sokali cado! Sobali'nyo justru obai kito pocayo, jadi kito monuruti la'apo inyo Allah masud agatn moonju' Hukupm Torat.

Roma 1:30

Sia' mongisahan kisah tumbukan huatan mohayam urakng bukai. Sia' mombonci' Allah. Sia' congkit, congkak, huatan buhau. Sia' pandai moncari' caro boharu pakai' bulah kojahatan. Sia' kinyo taat ko urakng tuho,

Matius 12:34

Uai kaitn urakng Farisi inyo jahat huatan licik sama'an ular biso! Kinyo mungkitn kaitn momandiran boko hal inyo boi' obai kaitn jahat. Obai, boko pomandiran inyo koluar doi' mulut urakng, koluar doi' dalapm hati urakng nantai.

2 Petrus 2:14

Sia' kinyo kalo suah bulah dosa. Mato sia' hala moncari' boko botina' inyo gala' bomporajoan. Sia' mompongaruhi boko urakng inyo bolupm pocayo agatn kuat. Hati sia' udah tolatih monjadi tama'. Jadi, Allah pasti mohukupm sia'!

Matius 5:19

Obai nantai, aman ado urakng inyo mohilakan salah sobuti' Hukupm Torat nantai, biar pan porintah nantai dianggap kinyo pontikng, huatan io mongajar urakng bukai jam pakai' mohilakannyo, ongko io paca'an dianggap kinyo pontikng di dalapm Koraja'an Sorugo. Apo aman ado urakng inyo molabuhan somuo porintah Allah huatan mongajar urakng bukai pakai' molabuhannyo, io paca'an dianggap pontikng di dalapm Koraja'an Sorugo.

1 Korintus 9:21

Aman aku bosamo agatn boko urakng inyo hidup bebas doi' tuntutan pakai' monaati Hukupm Torat, aku pan hidup bebas doi' tuntutan monaati Hukupm Torat. Aku molabuhan nantai oca' monulukng sia' pakai' pocayo ko Yesus. Apo sobondarnyo aku kinyo bebas doi' monaati Porintah Allah. Aku sobondarannyo monaati Porintah Kristus.

Kolose 2:18

Ado urakng inyo pompadah rondah hati huatan monyombah boko molekat. Jangan biaran urakng sama'an nantai bulah kaitn pocayo ajaran inyo salah, sampai kaitn co dapat borokat doi' Allah. Urakng sama'an nantai buhau agatn mongatoan io ado boko poniant'an doi' Allah. Apo sobondarnyo pikirannyo duniawi inyo bulah io buhau.