Roma 8:5 - Porjanjian Boharu Torjomahan Baso Dilakng Soari-ari

⁵ Boko urakng inyo hidup monuruti kohonda' monsio bayo bopikir mongona'i caronyo pakai' mongosihan kohonda'nyo. Apo boko urakng inyo hidup monuruti Roh Allah bayo bopikir mongona'i caronyo monyonangan Roh Allah.

Roma 8:5 ပူးပေါင်းရင်းမြစ်များ

1 Korintus 2:14

Apo boko urakng inyo bayo bopikir socaro dunia, sia' co honda' pocayo boko hal doi' Roh Allah. Sia' moanggap boko hal nantai kinyo boroti. Sia' co ulih mongoroti boko hal nantai obai boko hal nantai bayo ulih diporiso'i socaro rohani.

Yohanes 3:6

La'apo inyo dilahiran socaro jasmani bosipat jasmani huatan la'apo inyo dilahiran doi' Roh Allah bosipat Rohani.

Roma 8:9

Apo kaitn kinyo hidup monuruti kohonda' monsio. Kaitn tajahan hidup monuruti Roh Allah, aman Roh Allah ado di dalapm diri kaitn. Aman Roh Kristus kinyo diapm di dalapm diri monsio, rotinyo urakng nian bukainyo umputn Kristus.

Markus 8:33

Yesus lansukng mongilikng ko arah boko murid-Nyo, lalu mohohakap Petrus. Kato-Nyo, “Jangan kulo monjadi sama'an Rajo Sitatn inyo mohalak-halaki Aku monuntukan kohonda' Allah. Kulo ongkah monuruti pikiran monsio, bukainyo pikiran doi' Allah!”

2 Korintus 10:3

Memang koi ija' hidup di dunia ni'in. Apo koi co bojuakng agatn caro monsio.

2 Petrus 2:10

hususnyo boko urakng inyo moikuti hawa napsu inyo mombulah diri sia' kotor, huatan boko urakng inyo co mohormati kuaso Allah atas sia'. Boko guru palsu nantai kotakng borani huatan buhau sampai sia' kinyo gola' mohanyam boko mahluk inyo bokuaso.

Efesus 5:9

Obai ni'inan, hasil doi' caro hidup dalapm torakng nantai: urakng nantai bulah koboi'an, bondar di hadapan Allah, huatan moikuti ajaran inyo bondar.

1 Korintus 15:48

Somuo urakng di dunia ni'in samo sama'an Adapm inyo boasal doi' dobu tanah. Somuo urakng inyo mansu' ko sorugo nononyo paca'an monjadi samo sama'an Kristus inyo boasal doi' sorugo.

Galatia 5:17

Kohonda' diri kaitn inyo jahat botontakan agatn kohonda' Roh Allah. Ongko kohonda' Roh Allah botontakan agatn kohonda' diri kaitn. Koduo kohonda' nantai hala bolawatan hinggatn kaitn kinyo hala molabuhan boko hal boi' inyo honda' dilabuhan.