Roma 8:38 - Porjanjian Boharu Torjomahan Baso Dilakng Soari-ari

³⁸ Obai, aku yakitn aman kito hidup damo mati, Allah totap mongasihi kito. Conyiant ado molekat, roh jahat damo kuaso bukai inyo ulih monyongkayoan kito doi' kasih Allah. Conyiant ado la'apo pan inyo tojadi watu ni'in damo nononyo,

Roma 8:38 ပူးပေါင်းရင်းမြစ်များ

Yohanes 10:28

Aku moonji'i sia' hidup inyo somanah-manahnyo. Sia' cokalo bonaso sampai somanah-manahnyo. Conyiant ado siku' urakng pan inyo ulih morobut sia' doi' jari-Ku.

Roma 14:8

Apo, aman kito hidup, kito hidup pakai' Tuhatn. Aman kito mati, kito mati pakai' Tuhatn. Jadi, aman kito hidup damo mati, kito ia'an umputn Tuhatn.

2 Timotius 1:12

Niannam obainyo aku moalapi somuo ajab sonsaro ni'in. Apo aku co malu obai aku udah tohu sopo Yesus sobondarnyo. Aku pocayo ko Sio. Aku udah monyorahan polayatan ni'in ko Sio. Aku yakitn Sio paca'an monjago oca' polayatanku kinyo balakng. Sio paca'an monjago polayatanku sampai ari Sio bobali' agi' ko dunia ni'in.

1 Petrus 3:22

noi' ko sorugo, lalu dudu' di tompat tohormat di sopia' kanan Allah. Allah mombulah Kristus bokuaso di pucu' somuo molekat ongko somuo inyo ado kokuatan huatan kokuasa'an.

Kolose 1:16

Obai, somuo hal dipulah dalapm Sio, Ia'an somuo hal di sorugo huatan di bumi, somuo hal inyo kotiat'an agatn kinyo kotiat'an, tomansu' somuo kuaso, koraja'an, pomorintah. Somuo hal dipulah molalu'i Sio huatan pakai' Sio.

Kolose 2:15

Watu nantai, Sio mongalahan somuo kuaso di dunia huatan somuo roh inyo ado kuaso. Agatn caro nantai, Sio bulah sia' monjadi malu di muka' umum.

Efesus 1:21

Sio mombulah Kristus lobih bokuaso doi' somuo kuaso bukai, ia'an somuo pomimpitn, somuo pomorintahan, somuo rajo, somuo urakng pontikng. Kristus lobih bokuaso doi' somuonyo bukainyo bayo watu di dunia ni'in, apo pakai' somanah-manahnyo jam.

2 Korintus 4:13

Samo sama'an inyo ado totulis, “Aku pocayo, jadi aku bopandir!” Na, koi pocayo jadi koi mongisahan mongona'i Yesus.

Roma 4:21

Io kotakan pocayo obai Allah bokuaso molabuhan la'apo inyo udah dijanjian ko io.

2 Korintus 11:14

Hal nantai co mohiratan. Obai, Rajo Sitatn pan borubah ruponyo oca' bulah monsio bopikir io nam molekat torakng doi' Allah.

Ibrani 11:13

Somuo urakng inyo disobutan tontai totap pocayo ko Allah biar pan sia' mati sobolupm sia' mondapat boko hal inyo dijanjian-Nyo. Sia' totap yakitn obai moniant doi' jouh obai Allah tajahan monopat'i janji-Nyo. Sia' monorima' nantai agatn sonang hati sampai sia' moaku'i sia' ia'an urakng asikng ongko porantau di bumi.

Roma 6:23

Upah doi' dosa ia'an kito gola' mati topisah doi' Allah. Apo Allah monunju'an koboi'an-Nyo ko kito. Sio moonji'i hidup kokal ko kito obai kito bosatu agatn Kristus Yesus, Tuhatn inyo bokuaso dipucu' kito.

Roma 14:7

Conyiant ado urakng di antaro kito inyo hidup pakai' dirinyo siku'. Conyiant ado urakng inyo mati pakai' dirinyo siku'.

1 Korintus 15:24

Lopas nantai ahir dunia ni'in datakng, ia'an watu Sio monyorahan Koraja'an ko Allah Bopai, lopas nantai Sio mombonasoan somuo pomorintahan, kokuasa'an ongko kokuatan.