Roma 8:3 - Porjanjian Boharu Torjomahan Baso Dilakng Soari-ari

³ Hukupm Torat culih molopasan urakng doi' kuaso dosa obai monsio lomah ongko culihnyo monaati Hukupm Torat nantai. Apo hal nantai inyo co mungkitn dilabuhan Hukupm Torat, udah dilabuhan Allah. Sio moutus Ana'-Nyo datakng ko dunia ni'in. Tubuh Ana'-Nyo ado kohonda' pakai' bodosa samo sama'an monsio biaso, apo Sio kinyo bodosa. Jadi, Sio ulih monanggukng hukupan dosa monsio.

Roma 8:3 ပူးပေါင်းရင်းမြစ်များ

Markus 15:27

Bosamo agatn Yesus, sia' pan monyaliban duo urakng ponyamun, inyo siku' di sopia' kanan-Nyo ongko inyo siku' agi' di sopia' kiba'-Nyo. [

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Yohanes 9:24

Jadi, udah koduo kalinyo boko urakng Farisi nantai monggoyapi urakng inyo tontainyo buto nantai. Kato sia' ko io, “Pandirancam inyo sobondarnya di hadapan Allah. Koi tohu obai Yesus nantai am urakng bodosa.”

Kisah Boko Rasul 13:39

Jadi, somuo urakng inyo pocayo agatn Yesus, dipohitukan bondar di hadapan Allah.

Roma 3:20

Kinyo ado urakng inyo ulih monjadi bondar di hadapan Allah agatn caro monaati Hukupm Torat. Justru Hukupm Torat inyo mombulah urakng sadar obai sia' bodosa obai sia' kinyo ulih monaati soluruh Hukupm Torat nantai.

Roma 6:6

Kito tohu obai caro hidup kito inyo manah udah mati samo sama'an dibunuh di kayu salib bosamo Kristus. Nantai tojadi oca' kuaso dosa dalapm diri kito ulih dihancuran. Agatn sama'an nian, kito kinyo agi' monjadi hulutn dosa.

Roma 7:18

Aku tohu kinyo ado inyo boi' dalapm diriku, ia'an aku ni'innam monsio agatn kohonda' pakai' bodosa. Biar pan aku ado kohonda' pakai' bulah koboi'an jam, apo aku co mampu molabuhannyo.

Roma 8:32

Allah mombiaran oca' Ana'-Nyo siku' sonsaro. Allah monyorahan Ana'-Nyo oca' Sio mati pakai' monanggukng hukupan dosa kito. Aman Allah udah molabuhan nantai pakai' kito, pasti Sio pan tajahan moonji'i kito somuo hal inyo bukai inyo Sio janjian.

Roma 9:3

obai banya' urakng Yahudi co honda' pocayo ko Kristus. Malahan aku rela tokutu', topisah doi' Kristus soandainyo hal nantai mombulah sia' monjadi solamant. Obai sia' nam boko somadikanku siku', sosamo banso Israel.

2 Korintus 5:21

Kristus kinyo bodosa, apo Allah bulah Sio monanggukng hukupan dosa kito. Allah molabuhan nantai oca' di dalapm Kristus, kito ulih monjadi bondar di hadapan Allah.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

Galatia 3:21

Apobai nantai boroti obai Hukupm Torat bolawatan agatn boko janji Allah? Tontunyo cado! Obai, umpamonyo Allah moonji'i Hukupm Torat pakai' moonji'i kohidupan ko monsio, ongko rotinyo monsio ulih dianggap bondar di hadapan Allah agatn monaati Hukupm Torat.

Filipi 2:7

Sobali'nyo, Sio molopasan somuo nantai. Sio datakng ko dunia ni'in monjadi samo sama'an hulutn. Sio monjadi samo agatn monsio.

Ibrani 10:12

Apo Kristus momposombahan sobuti' kurbatn mo pakai' somanah-manahnyo, ia'an diri-Nyo siku', pakai' mohapusan dosa. Lopas nantai, Sio dudu' di tompat inyo tohormat di sopia' kanan Allah.

Ibrani 10:14

Agatn momposombahan sobuti' kurbatn nantai, Sio mombulah oca' boko urakng ulih monjadi borosih doi' dosa sia'. Sio mombulah sia' monjadi sompurna pakai' somanah-manahnyo.

Ibrani 2:14

Yesus monyobut'an boko urakng inyo pocayo ko Sio sobagai poana'an. Sia' ado bukakng-tubuh monsio inyo ulih mati, jadi Yesus monjadi monsio huatan moalapi koadaan samo sama'an sia'. Sio molabuhan nantai oca' watu Sio mati, Sio ulih mohancuran Rajo Sitatn. Rajo Sitatn bokuaso mombulah monsio mati.

Ibrani 2:17

Nantaiam alasannyo, Yesus gola' monjadi monsio dalapm somuo hal, samo sama'an kito boko somadikan-Nyo. Agatn sama'an nantai, Sio monjadi Imam Agukng inyo monunju'an bolas kasihan ongko hala sotia ko Allah oca' dosa monsio ulih diamputi.

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.