Roma 8:25 - Porjanjian Boharu Torjomahan Baso Dilakng Soari-ari

²⁵ Apo kito totap yakitn moharap'an borokat inyo bolupm dionji'i. Jadi, kito ija' sabar monantiannyo.

Roma 8:25 ပူးပေါင်းရင်းမြစ်များ

Lukas 8:15

Apo ado boko urakng inyo monorima' pomandiran Allah sia' samo sama'an bonih inyo jatu' di tanah inyo boi'. Sia' mondinga'annyo, huatan monyimpatnnyo dalapm hati inyo boi' ongko jujur. Sia' botahatn, ongko hala molabuhan porbuatan inyo monyonangan Allah. Samo ubo tontanaman di tanah inyo boi' mohasilan buah inyo boi' jam.”

Roma 12:12

Sonang-nyamancam obai kaitn yakitn boharap ko Tuhatn. Kaitn gola' botahatn mohadapi ajab sonsaro ongko hala bodoa.

Roma 2:7

Allah paca'an moonju' kohidupan kokal ko urakng inyo kinyo monyorah pakai' bulah koboi'an, ia'an urakng inyo bulah koboi'an obai moncari' komulia'an huatan hormat doi' Allah, huatan honda' dionji'i hidup kokal doi' Sio.

Roma 8:23

Huatan bukainyo aja' somuo pulahan-Nyo jam inyo mondorita', kito siku' pan mondorita' di dalapm batitn kito. Kito udah monorima' Roh Allah sobagai poonju' Allah inyo potamo, apo kito totap jam monanti Allah molopasan diri kito somuonyo agatn monjadian kito boko poana'an-Nyo

Kolose 1:11

Koi pan bodoa oca' Allah monguat'an kaitn agatn kuaso-Nyo inyo kotakng luar biaso. Agatn ubo nian, kaitn ulih totap kuat huatan sabar mohadapi somuo macapm ajab sonsaro,

1 Tesalonika 1:3

Koi bosukur ko Allah Bopai kito obai koi moingant caro hidup kaitn. Ia'an, obai kaitn pocayo ko Yesus huatan udah moniant'an dalapm porbuatan kaitn inyo nyata. Kaitn mongasihi urakng bukai agatn somombondarannyo monulukng sia'. Ongko kaitn totap kuat ongkah boharap ko Yesus Kristus, Tuhatn kito.

2 Tesalonika 3:5

Koi bodoa oca' Tuhatn Yesus monulukng kaitn pakai' torus mongotohu'i obai Allah mongasihi kaitn. Koi pan bodoa oca' kaitn ulih kuat watu kaitn didorako'i samo sama'an Kristus kuat watu Sio didorako'i.

Ibrani 10:36

Kaitn gola' sabar botahatn oca' kaitn ulih molabuhan kohonda' Allah. Agatn sama'an nantai, kaitn tajahan monorima' borokat inyo Sio janjian.

Ibrani 6:12

Agatn sama'an nantai, kaitn kinyo tajahan monjadi pocalan, apo kaitn tajahan moikuti toladatn boko urakng inyo pocayo komainyo. Obai sia' pocayo huatan obai sia' sabar, jadi sia' monorima' borokat inyo dijanjian Allah.

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

Wahyu 13:10

Sotiap urakng inyo ditontuan Allah pakai' monjadi tawatan, pasti paca'an monjadi tawatan. Sotiap urakng inyo ditontuan pakai' dibunuh agatn podakng, pasti paca'an dibunuh agatn podakng. Jadi, boko urakng inyo pocayo gola' botahatn mohadapi nantai. Sia' gola' pocayo ko Yesus agatn sotia.

Wahyu 14:12

Jadi boko urakng doi' umant Allah, ia'an boko urakng inyo monaati boko porintah Allah, boko urakng inyo pocayo ko Yesus agatn sotia, sia' gola' botahatn.