Roma 8:21 - Porjanjian Boharu Torjomahan Baso Dilakng Soari-ari

²¹ Apo pulahan-Nyo ni'in ado harapan: Nononyo Allah tajahan molopasan pulahan-Nyo doi' kuaso inyo mohancurannyo bosamo agatn poana'an-Nyo. Allah pan tajahan bulah pulahan-Nyo maho boi' agi' bosamo agatn poana'an-Nyo.

Roma 8:21 ပူးပေါင်းရင်းမြစ်များ

Kisah Boko Rasul 3:21

Apo Yesus gola' bodiapm di sorugo holu'ai. Sio paca'an datakng agi', watu Allah bulah dunia monjadi boharu. Allah udah bojanji mongona'i hal nantai. Janji-Nyo ditulis boko nabi-Nyo watu joman komai.

Roma 8:19

Sobondarnyo, la'apo pan inyo Allah pulah kotakan rindu watu Allah monunju'an boko poana'an-Nyo.

Roma 8:30

Ubo nantaiam, Allah moningkau sia' inyo udah dipilih Sio doi' komai. Sia' nantai inyo Sio tingkau, Sio pan bulah sia' monjadi bondar di pohadapan-Nyo. Sia' nantai inyo monjadi bondar, Sio pan moonji'i kohidupan inyo mulia.

1 Korintus 15:42

Samo sama'an nantai, lopas jadi Allah bulah urakng mati bobali' hidup, bukakng-tubuh urakng nantai kinyo samo agatn bukakng-tubuh io sobolupmnyo. Watu bukakng-tubuh urakng dipasar, bukakng-tubuh nantai paca'an bonaso. Apo watu bukakng-tubuh urakng dihidupan agi', bukakng-tubuh nantai kinyo paca'an bonaso agi'.

Ibrani 12:27

Pomandiran ‘sokali agi'’ monunju'an obai soluruh dunia inyo udah dipulah tajahan diguncakng sampai lolo. Agatn sama'an nian, tajahan tinggal bayo boko hal inyo kinyo ulih toguncakng.

2 Petrus 3:13

Apo Allah udah bojanji pakai' mombulah langit boharu huatan bumi boharu. Kito monanti pakai' tompat nantai. Bayo boko urakng inyo hidup bondar ado di santai.

Wahyu 21:1

Lopas nian aku moniant ado langit inyo boharu ongko bumi inyo boharu. Obai langit potamo ongko bumi potamo udah lonyap am. Lout pan conyiant.