Roma 8:2 - Porjanjian Boharu Torjomahan Baso Dilakng Soari-ari

² Obai, kuaso Roh Allah udah molopasan kaitn doi' kuaso dosa ongko hukupan mati nantai. Roh Allah moonji'i kaitn kohidupan inyo sobondarnyo di dalapm Kristus Yesus.

Roma 8:2 ပူးပေါင်းရင်းမြစ်များ

Yohanes 4:10

Timbas Yesus, “Kolai bolupm tohu mongona'i poonju' doi' Allah. Sobondarnyo kolai bolupm konal sopo Aku inyo minto minum. Aman kolai tohu boko hal nantai, pasti kolai inyo minto minum ko Aku. Lalu, Aku paca'an moonji'i kolai ara'i kohidupan.”

Yohanes 4:14

Apo sotiap urakng inyo minum ara'i inyo Aku onju' ko io, io co paca'an korahakan agi' somanah-manahnyo. Obai, ara'i inyo paca'an Aku onju' ko io paca'an monjadi ubo mato ara'i di dalapm dirinyo. Ara'i nantai paca'an torus-norus mongalir huatan moonji'inyo hidup somanah-manahnyo.”

Yohanes 6:63

Inyo bulah monsio hidup ia'an Roh Allah. Kokuatan monsio co nyiant gunonyo pakai' nantai. Pomandiran inyo Ku padahan nantai boasal doi' Roh Allah. Pomandiran nantai ulih moonji'i hidup inyo sobondarnyo.

Yohanes 8:32

Kaitn paca'an mongotohu'i kobondaran huatan kobondaran nianam paca'an mombulah kaitn monjadi merdeka.”

Yohanes 8:36

Jadi, aman Ana' Allah, mombulah kaitn merdeka, jadi kaitn pan bondar-bondar merdeka.

Roma 16:3

Padahan salapm ko Priskila ongko Akwila. Sia' bokorojosamo agatn aku pakai' molayati Kristus Yesus.

Roma 3:27

Aman sama'an nian, apobai monsio ulih moninggian diri obai io monjadi bondar di hadapan Allah obai porbuatannyo siku'? Samo sokali cado! Sobab, nantai tojadi bukai obai porbuatannyo siku', apo obai io pocayo ko Yesus.

Roma 5:21

Komai, dosa inyo bokuaso. Jadi, somuo urakng gola' mati. Apo watu ni'in, pakai' kito inyo pocayo, koboi'an Allah inyo bokuaso. Yesus Kristus, Tuhatn inyo bokuaso dipucu' kito, mombulah kito monjadi bondar di hadapan Allah huatan moonji'i kito hidup inyo kokal.

Roma 6:14

Dosa kinyo monguaso'i kaitn agi'. Sobab, kaitn kinyo hidup dibabah kuaso Hukupm Torat, apo kaitn hidup dibabahkuaso Allah inyo hala monunju'an koboi'an-Nyo ko kaitn.

Roma 6:18

Kaitn udah dilopasan huatan bukainyo hulutn dosa agi'. Kaitn udah monjadi hulutn Allah inyo bulah kobondaran.

Roma 6:22

Apo watu ni'in, kaitn udah bebas doi' kuaso dosa. Kaitn monjadi hulutn Allah. Kaitn ulih hidup borosih doi' dosa. Caro hidup nantai ado hasil, ia'an kaitn mondapat'an hidup inyo kokal.

Roma 7:21

Kosimpulannyo, ado kobiasa'an ni'in inyo tojadi dalapm hidupku: Aku honda' bulah koboi'an, apo justru kojahatan inyo aku pulah.

Roma 7:23

Biar pan aku bopikir somuo hukupm nantai boi', aku kinyo mampu molabuhannyo, obai ado hukupm bukai dalapm diriku inyo molawatn poraturan Allah nantai, ia'an kuaso dosa. Kuaso dosa bokorojo dalapm boko anggota bukakngku sampai aku monjadi hulutn dosa.

Roma 7:4

Sama'an nian jam agatn kaitn, boko somadikanku! Caro hidup kaitn inyo manah udah mati obai bukakng Kristus mati pakai' kaitn. Jadi, hubukan kaitn agatn Hukupm Torat udah toputus. Watu ni'in, kaitn ado hubukan agatn Kristus, ia'an Sio inyo udah bobali' hidup doi' komatian. Somuo nantai tojadi oca' kito ulih monjadi boguno pakai' Allah.

Roma 8:1

Obai nianam, watu ni'in Allah kinyo mohukupm urakng inyo ado di dalapm Kristus Yesus.

1 Korintus 15:45

Sama'an inyo totulis di dalapm Buku Suci, “Allah bulah monsio potamo, ia'an Adapm. Adapm monjadi hidup.” Adapm nantai disobut Adapm potamo. Apo Kristus disobut Adapm toahir. Sio nantai Roh inyo bokuaso moonji'i hidup inyo somombondarannyo.

2 Korintus 3:17

Nah, ‘Tuhatn’ inyo dimasud di si'itan ia'an Roh. Di mono ado Roh Tuhatn, di siatn ado kobebasan.

2 Korintus 3:6

Sio inyo bulah koi sanggup dalapm molayati pomboritoan mongona'i Pojanjian Boharu inyo Sio pulah pakai' monsio. Pojanjian Boharu nantai kinyo mongona'i monuruti boko porintah inyo ditulis, apo mongona'i monuruti Roh Allah. Obai, boko porintah inyo ditulis di Hukupm Torat nantai mombaba' komatian. Apo, Roh Allah mombaba' kohidupan.

Galatia 2:19

Hukupm nantaiam bulah aku sadar aku co ulih disolamant'an agatn caro nantai. Ni'in, aku udah dibebasan doi' monaati Hukupm Torat nantai oca' aku ulih hidup monyonangan hati Allah. Watu Kristus mati di kayu salib ubo nian jam aku pan mati.

Galatia 5:1

Kristus udah mombebasan kito oca' kito bondar-bondar bebas. Obai nantai am, jangan bobali' agi' samo sama'an hulutn inyo gola' momikul bobatn.

Galatia 6:2

Kohonda'nyo kaitn gola' hala bontulukan, monulukng kosusahan urakng bukai. Nantaiam kaitn hidup sosuai agatn porintah Kristus pakai' salikng mongasihi.

Yakobus 1:25

Apo Allah momborokati urakng inyo mondinga'an Pandir Allah ongko monaatinyo. Urakng ubo nantai momporhatian Hukupm inyo sompurna, ia'an ajaran inyo mombebasan. Io hala ingant molabuhannyo huatan co kalo mongolupatannyo.

Wahyu 11:11

Apo lopas tigo ari sotongah, Allah bulah koduo nabi nantai bobali' hidup agatn kosih-Nyo. Sia' huas bodiritn. Somuo urakng inyo moniant sia' monjadi kotakng gola'.

Wahyu 22:1

Lalu, molekat nantai monunju'an ko aku sungai inyo ara'inyo moonji'i kohidupan. Sungai nantai joronih bondar tontu sama'an kristal, huatan mongalir doi' tahta Allah ongko doi' Ana' Domba nantai.