Roma 8:19 - Porjanjian Boharu Torjomahan Baso Dilakng Soari-ari

¹⁹ Sobondarnyo, la'apo pan inyo Allah pulah kotakan rindu watu Allah monunju'an boko poana'an-Nyo.

Roma 8:19 ပူးပေါင်းရင်းမြစ်များ

1 Yohanes 3:2

Boko somadikanku inyo ku kasihi, watu ni'in kito nam poana'an Allah. Kito co tohu pasti ubo apo Allah morubah kito nononyo. Apo kito tohu ni'inan: timpu Kristus datakng agi', kito paca'an monjadi samo sama'an Sio obai kito moniant Sio dalapm koadaan-Nyo inyo sobondarnyo

Roma 8:23

Huatan bukainyo aja' somuo pulahan-Nyo jam inyo mondorita', kito siku' pan mondorita' di dalapm batitn kito. Kito udah monorima' Roh Allah sobagai poonju' Allah inyo potamo, apo kito totap jam monanti Allah molopasan diri kito somuonyo agatn monjadian kito boko poana'an-Nyo

Filipi 1:20

Aku kotakng honda' ongko moharap'an obai aku co bulah boko-lapo inyo bulah ku monjadi malu di hadapan Tuhatn. Apo aku boharap aku tajahan monjadi borani watu ni'in samo sama'an aku hala borani sobolupmnyo. Agatn ubo nantai, aman aku mati damo hidup, Kristus tajahan dimuliaan agatn lapo ja' inyo tojadi ko bukakng-tubuhku.

Kisah Boko Rasul 3:21

Apo Yesus gola' bodiapm di sorugo holu'ai. Sio paca'an datakng agi', watu Allah bulah dunia monjadi boharu. Allah udah bojanji mongona'i hal nantai. Janji-Nyo ditulis boko nabi-Nyo watu joman komai.

Matius 5:9

Diborokaticam urakng inyo mombaba' damai, obai Allah paca'an monyobut sia' boko poana'an-Nyo.

Yohanes 1:12

Apo ko somuo urakng inyo monorima'-Nyo, ia'an somuo urakng inyo pocayo ko Sio, Sio moonji'i hak ko sia' pakai' monjadi boko poana'an Allah.

Roma 8:14

Somuo urakng inyo dibimbikng Roh Allah nianam poana'an Allah.

Roma 8:16

Roh Allah bosamo agatn roh kito monyatoan obai kito nam poana'an Allah.

Roma 8:18

Aku yakitn obai ajab sonsaro inyo kito alapi watu ni'in co gaha'an borat dibandikan agatn kohidupan inyo maho boi' inyo tajahan dionju' ko kito nononyo.

Roma 9:26

Huatan di tompat di mono komai Allah bopandir ko sia', ‘Kaitn bukainyo umant-Ku,’ di tompat nantai jam Allah inyo hidup tajahan bopandir, ‘Kaitn nam poana'an-Ku.’ ”

1 Korintus 1:7

Jadi, kaitn co nyiant kokurakan la'apo pan dalapm komampuan husus inyo dionju' Roh Allah. Somontaro kaitn monantian kodatakan Yesus Kristus, Tuhatn kito. Somuo urakng paca'an moniant Sio.

1 Korintus 1:8

Sio jam paca'an monguat'an hati kaitn sampai pado ahir joman. Sio paca'an molabuhan nantai oca' kaitn kinyo dianggap salah timpu Yesus Kristus, Tuhatn inyo bokuaso atas kito datakng bobali'.

2 Korintus 6:18

Aku tajahan monjadi Bopai kaitn. Kaitn tajahan monjadi boko ana'-Ku, inyo lolaki huatan botina'.” Sama'an nianam pomandiran Tuhatn Allah, Inyo Kotakan bokuaso.

Galatia 3:26

Kaitn udah monjadi poana'an Allah obai kaitn pocayo ko Yesus Kristus.

Ibrani 12:27

Pomandiran ‘sokali agi'’ monunju'an obai soluruh dunia inyo udah dipulah tajahan diguncakng sampai lolo. Agatn sama'an nian, tajahan tinggal bayo boko hal inyo kinyo ulih toguncakng.

1 Petrus 1:7

Tujuan doi' somuo kosusahan nantai ia'an pakai' mombutian aman kaitn bondar-bondar pocayo ko Tuhatn kata'an cadoai. Kopocaya'an kaitn nantai lobih borogo daripado omas. Biar pan kinyo tahatn somanahnyo, omas pan diuji agatn api pakai' mombutian aman omas nian murni kata'an cado. Jadi, kopocaya'an kaitn pan diuji jam. Agatn ubo nantai, aman kaitn bobondar pocayo, nononyo kaitn tajahannyo dipuji, dimuliaan, ongko dihormati, nantai tajahannyo tojadi watu Yesus Kristus datakng agi' monyatoan diri-Nyo.

1 Petrus 1:13

Obai somuo nantai, kaitn gola' bosiap-siap dalapm akal budi kaitn huatan hala mongondalian diri oca' monyonangan Tuhatn. Nononyo, Yesus Kristus tajahan datakng agi' monyatoan diri-Nyo. Timpu nantai, kaitn tajahan disolamant'an. Jadi, kaitn gola' bobondar boharap agatn koboi'an Allah nantai.

1 Yohanes 3:1

Porotianbo, kotakan bosar kasih Allah Bopai ko kito, obai nantai kito disobut poana'an-Nyo! Memang sobondarnyo kito ninam poana'an Allah. Obai, boko urakng di dunia ni'in co mongonal kito obai dunia co mongonal Sio.

Wahyu 21:7

Sotiap urakng inyo monang paca'an monorima' somuonyo nantai. Aku paca'an monjadi Allahnyo. Sio paca'an monjadi ana'-Ku.