Roma 8:14 - Porjanjian Boharu Torjomahan Baso Dilakng Soari-ari

¹⁴ Somuo urakng inyo dibimbikng Roh Allah nianam poana'an Allah.

Roma 8:14 ပူးပေါင်းရင်းမြစ်များ

Matius 5:9

Diborokaticam urakng inyo mombaba' damai, obai Allah paca'an monyobut sia' boko poana'an-Nyo.

Yohanes 1:12

Apo ko somuo urakng inyo monorima'-Nyo, ia'an somuo urakng inyo pocayo ko Sio, Sio moonji'i hak ko sia' pakai' monjadi boko poana'an Allah.

Roma 8:19

Sobondarnyo, la'apo pan inyo Allah pulah kotakan rindu watu Allah monunju'an boko poana'an-Nyo.

Roma 8:5

Boko urakng inyo hidup monuruti kohonda' monsio bayo bopikir mongona'i caronyo pakai' mongosihan kohonda'nyo. Apo boko urakng inyo hidup monuruti Roh Allah bayo bopikir mongona'i caronyo monyonangan Roh Allah.

Roma 8:9

Apo kaitn kinyo hidup monuruti kohonda' monsio. Kaitn tajahan hidup monuruti Roh Allah, aman Roh Allah ado di dalapm diri kaitn. Aman Roh Kristus kinyo diapm di dalapm diri monsio, rotinyo urakng nian bukainyo umputn Kristus.

Roma 9:26

Huatan di tompat di mono komai Allah bopandir ko sia', ‘Kaitn bukainyo umant-Ku,’ di tompat nantai jam Allah inyo hidup tajahan bopandir, ‘Kaitn nam poana'an-Ku.’ ”

Roma 9:8

Nantai boroti koturutan Abrahapm inyo monjadi poana'an Allah, ongkah sia' inyo lahir obai janji Allah huatan bukai somuo koturutannyo.

2 Korintus 6:18

Aku tajahan monjadi Bopai kaitn. Kaitn tajahan monjadi boko ana'-Ku, inyo lolaki huatan botina'.” Sama'an nianam pomandiran Tuhatn Allah, Inyo Kotakan bokuaso.

Galatia 3:26

Kaitn udah monjadi poana'an Allah obai kaitn pocayo ko Yesus Kristus.

Galatia 4:5

Jadi, Yesus diutus pakai' mombebasan boko urakng doi' kuaso Hukupm Torat. Agatn ubo nian, kito ulih ditorima' sobagai poana'an Allah.

Galatia 4:6

Obai kito boko poana'an Allah, ongko Sio moutus Roh Ana'-Nyo ko kito. Roh-Nyo mansu' ko dalapm hati kito. Roh-Nyo bulah kito bodoa somombondarnyo agatn mongatoan, ‘Bopai, oi Bopaiku’.

Galatia 5:16

Dinga'anbo pomandiranku! Torus-monorus hidup sosuai kohonda' Roh Allah. Jadi, kaitn kinyo paca'an mongosihan kohonda' diri kaitn inyo jahat.

Galatia 5:18

Aman kaitn hidup dibimbikng Roh Allah, kaitn kinyo gola' hidup monaati Hukupm Torat.

Efesus 1:5

Allah mongasihi kito. Jadi, doi' somulo, Sio momilih kito pakai' monjadi boko poana'an-Nyo obai porbuatan Yesus Kristus. Allah molabuhan somuo nantai obai nian sosuai agatn kohonda'-Nyo huatan monyonangan hati-Nyo.

Efesus 5:9

Obai ni'inan, hasil doi' caro hidup dalapm torakng nantai: urakng nantai bulah koboi'an, bondar di hadapan Allah, huatan moikuti ajaran inyo bondar.

1 Yohanes 3:1

Porotianbo, kotakan bosar kasih Allah Bopai ko kito, obai nantai kito disobut poana'an-Nyo! Memang sobondarnyo kito ninam poana'an Allah. Obai, boko urakng di dunia ni'in co mongonal kito obai dunia co mongonal Sio.

1 Yohanes 3:24

Urakng inyo monuruti boko porintah-Nyo, io hidup bosatu agatn Allah, huatan Allah hidup bosatu agatn io. Kito tohu obai Allah hidup bosatu agatn kito obai ni'in: Sio udah moonju' Roh-Nyo ko kito.

Wahyu 21:7

Sotiap urakng inyo monang paca'an monorima' somuonyo nantai. Aku paca'an monjadi Allahnyo. Sio paca'an monjadi ana'-Ku.