Roma 8:1 - Porjanjian Boharu Torjomahan Baso Dilakng Soari-ari

¹ Obai nianam, watu ni'in Allah kinyo mohukupm urakng inyo ado di dalapm Kristus Yesus.

Roma 8:1 ပူးပေါင်းရင်းမြစ်များ

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

Roma 5:1

Watu ni'in, kito udah monjadi bondar obai kito pocayo ko Yesus. Jadi, kito ado damai agatn Allah. Nantai tojadi obai apo inyo Tuhatn Yesus Kristus labuhan pakai' kito.

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

Roma 8:34

Conyiant ado urakng inyo ulih mohukupm kito. Obai, Kristus Yesus udah dihukupm mati pakai' kito. Malahan lobih doi' nantai agi'! Kristus udah hidup agi' huatan dudu' di tompat inyo tohormat di sopia' kanan Allah. Sio nam inyo mombela kito!

Yohanes 5:24

Pondinga'ancam bobondar inyo Ku pandiran ni'in: Somuo urakng inyo monuruti pomandiran-Ku huatan pocayo ko Allah inyo moutus Aku, sia' co dihukupm apo mondapat'an hidup somanah-manahnyo. Obai, sia' udah pindah doi' komatian somanah-manahnyo huatan mansu' ko dalapm kohidupan inyo bondar huatan somanah-manahnyo.

Yohanes 15:4

Kaitn gola' totap bosatu agatn Aku, lalu Aku paca'an totap bosatu agatn kaitn. Aman dahatn kinyo bosatu agatn kondukngnyo, jadi dahatn nantai culihnyo bobuah sonsiku'annyo. Ubo nian jam, kaitn culih bobuah aman kaitn co totap bosatu agatn Aku.

Filipi 3:9

ongko oca' aku ulih bosatu agatn Sio. Aku monjadi bondar di hadapan Allah bukainyo obai usaha ku siku' monaati Hukupm Torat. Aku monjadi bondar obai aku pocayo agatn Kristus. Allah inyo molabuhan nantai. Sio mombulah monsio monjadi bondar di hadapan-Nyo aman sia' pocayo.

Roma 8:14

Somuo urakng inyo dibimbikng Roh Allah nianam poana'an Allah.

1 Korintus 15:22

Obai somuo urakng inyo ado hubukan agatn Adapm gola' mati. Sama'an nantai jam, somuo urakng inyo ado hubukan agatn Kristus paca'an dihidupan agi' doi' komatian.

Galatia 5:16

Dinga'anbo pomandiranku! Torus-monorus hidup sosuai kohonda' Roh Allah. Jadi, kaitn kinyo paca'an mongosihan kohonda' diri kaitn inyo jahat.

Roma 8:4

Allah molabuhan somuo nantai oca' kito ulih hidup agatn caro inyo dimasud dalapm Hukupm Torat, ia'an nantai kito inyo hidup agatn caro inyo bondar, co monuruti kohonda' monsio apo monuruti Roh Allah.

Roma 8:39

Conyiant ado la'apo pan di pucu' bumi damo di babah bumi, conyiant ado la'apo pan di sogolintaran alapm inyo ulih monyongkayoan kito doi' kasih Allah, ia'an kasih inyo Sio tunju'an ko kito dalapm Kristus Yesus, Tuhatn kito.

Galatia 5:25

Roh Allah udah morubah hidup kito monjadi boharu. Obai niannam, kito pan gola' hala hidup sosuai agatn bimbikan Roh Allah.

Galatia 3:28

Kaitn somuo monjadi satu dalapm Kristus Yesus. Allah kinyo monyongkayoan antaro urakng Yahudi damo urakng bukainyo Yahudi; antaro hulutn damo urakng bebas; antaro lolaki damo botina'.

Yohanes 14:20

Timpu nantai, kaitn paca'an tohu obai Aku bosatu agatn Bopai, kaitn bosatu agatn Aku, huatan Aku bosatu agatn kaitn.

Roma 7:20

Aman aku bulah kojahatan, apo aku kinyo honda' bulah kojahatan nantai, rotinyo aku bulah kojahatan nantai obai ado dosa di dalapm diriku, bukainyo obai aku sikuꞌ honda' bulah kojahatan.

Roma 7:17

Aku bulah kojahatan bukainyo obai aku honda' molabuhannyo, apo obai dosa ado di dalapm diriku.

2 Korintus 12:2

Aku konal agatn siku' urakng inyo pocayo agatn Kristus. Ompat bolas tohutn komainyo, kali labuh Allah moangkat urakng nantai ko tompat inyo kotakan tinggi di sorugo. (Aku co tohu aman bukakng-tubuhnyo diangkat ko sorugo damo bayo rohnyo. Ongkah Allaham inyo mongotohu'i nantai.)

Roma 16:7

Salapm ko Andronikus ongko Yunias, boko somadikan doi' banso Yahudi samo sama'an aku. Sia' kalo ditamoan ko dalapm ponjara bosamo agatn aku. Sia' pocayo ko Kristus sobolupm aku, ongko sia' tokonal di antaro boko rasul.

Roma 16:3

Padahan salapm ko Priskila ongko Akwila. Sia' bokorojosamo agatn aku pakai' molayati Kristus Yesus.

Roma 5:16

Akibat doi' dosa Adapm kinyo samo agatn akibat doi' koboi'an Allah nantai. Sobuti' dosa Adapm mombulah somuo urakng monjadi salah di hadapan Allah. Akibatnyo, somuo urakng gola' dihukupm. Apo, koboi'an Allah mombulah oca' dosa banya' urakng ulih diamputi. Akibatnyo, sia' monjadi bondar di hadapan Allah.

Roma 8:2

Obai, kuaso Roh Allah udah molopasan kaitn doi' kuaso dosa ongko hukupan mati nantai. Roh Allah moonji'i kaitn kohidupan inyo sobondarnyo di dalapm Kristus Yesus.

Roma 8:9

Apo kaitn kinyo hidup monuruti kohonda' monsio. Kaitn tajahan hidup monuruti Roh Allah, aman Roh Allah ado di dalapm diri kaitn. Aman Roh Kristus kinyo diapm di dalapm diri monsio, rotinyo urakng nian bukainyo umputn Kristus.

Roma 8:11

Roh Allah udah bulah Yesus Kristus hidup agi' doi' komatian. Ongko nantaiam Roh inyo diapm di dalapm diri kaitn jam. Jadi, biar pan tubuh kaitn tajahan mati, Roh Allah tajahan bulah tubuh kaitn hidup agi'.

Galatia 3:26

Kaitn udah monjadi poana'an Allah obai kaitn pocayo ko Yesus Kristus.

Efesus 1:1

Surat ni'in doi' aku, Paulus. Aku di tingkau pakai' monjadi rasul Kristus Yesus obai nantai kohonda' Allah. Surat ni'in ko somuo umant husus umputn Allah di kota Efesus, ia'an boko urakng inyo pocayo ko Kristus Yesus.