Roma 7:8 - Porjanjian Boharu Torjomahan Baso Dilakng Soari-ari

⁸ Apo pas-udah aku tohu porintah nantai, kuaso dosa monguti' kosompatan pakai' bokorojo dalapm hatiku sampai boko kohonda' nantai botambah kuat agi' dalapm hatiku. Obai aman hukupm Torat conyiant jadi dosa pan mati.

Roma 7:8 ပူးပေါင်းရင်းမြစ်များ

Roma 7:11

Obai, pas-udah aku tohu porintah nantai, kuaso dosa monguti' kosompatan nantai pakai' monipu hati aku. Daripado mondapat'an hidup, aku gola' dihukupm mati topisah doi' Allah.

1 Korintus 15:56

Komatian monjonti' agatn monggunoan dosa. Dosa jadi bokuaso molalu'i Hukupm Torat.

Roma 4:15

Hukupm Torat mondatakan hukupan Allah. Apo aman hukupm nantai conyiant, jadi polanggaran pan conyiant jam.

Roma 7:13

Aman sama'an nian, apobai porintah inyo boi' nantai mombulah aku gola' dihukupm mati topisah doi' Allah? Samo sokali cado! Kuaso dosa inyo molabuhan nantai! Kuaso dosa monggunoan porintah inyo boi' pakai' mombulah aku gola' dihukupm mati topisah doi' Allah. Nantai tojadi oca' jolas apo nantai dosa. Porintah inyo boi' digunoan oca' lobih jolas agi' dosa memang kotakan jahat.

Roma 5:20

Jadi, dosa udah ado, lopas nian Hukupm Torat koluar. Akibatnyo, ado somongkitn banya' dosa. Biar pan dosa urakng botambah banya', lobih banya' agi' koboi'an inyo Allah onju' ko sia'.

Yohanes 15:22

Aku udah datakng monyampaian ko sia' pomandiran inyo bondar doi' Allah. Apo sia' co pocayo ko aku. Soandainyo Aku co molabuhan nantai, jadi sia' co bodosa. Apo watu ni'in sia' conyiant ado alasan agi' pakai' dosa sia'.

Roma 7:17

Aku bulah kojahatan bukainyo obai aku honda' molabuhannyo, apo obai dosa ado di dalapm diriku.

Yohanes 15:24

Aku udah molabuhan boko pogota'an di antaro sia' inyo bolupm kalo dilabuhan urakng bukai. Soandainyo Aku co molabuhan nantai, jadi sia' co bodosa. Apo ni'in biar pan sia' udah moniant somuonyo nantai, sia' ija' bonci'an Aku huatan Bopai-Ku.

Markus 7:22

bomporajoan agatn inyo bukai doi' bini damo lakinyo, monjadi sorakah, bulah kojahatan, monipu, bulah kinyo sopatn, monjadi tungi-dongki, mohanyam, monjadi buhau, monjadi uyuh diajar.

Roma 3:20

Kinyo ado urakng inyo ulih monjadi bondar di hadapan Allah agatn caro monaati Hukupm Torat. Justru Hukupm Torat inyo mombulah urakng sadar obai sia' bodosa obai sia' kinyo ulih monaati soluruh Hukupm Torat nantai.

Roma 7:9

Komainyo aku hidup kinyo bohukupm Torat. Apo, pas-udah aku tohu porintah nantai, kuaso dosa ulih bokorojo mombulah aku somongkitn molawatn Allah samo halnyo kuaso dosa nantai mula'i hidup