Roma 7:4 - Porjanjian Boharu Torjomahan Baso Dilakng Soari-ari

⁴ Sama'an nian jam agatn kaitn, boko somadikanku! Caro hidup kaitn inyo manah udah mati obai bukakng Kristus mati pakai' kaitn. Jadi, hubukan kaitn agatn Hukupm Torat udah toputus. Watu ni'in, kaitn ado hubukan agatn Kristus, ia'an Sio inyo udah bobali' hidup doi' komatian. Somuo nantai tojadi oca' kito ulih monjadi boguno pakai' Allah.

Roma 7:4 ပူးပေါင်းရင်းမြစ်များ

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.

Roma 8:2

Obai, kuaso Roh Allah udah molopasan kaitn doi' kuaso dosa ongko hukupan mati nantai. Roh Allah moonji'i kaitn kohidupan inyo sobondarnyo di dalapm Kristus Yesus.

Efesus 2:15

Komainyo urakng Yahudi monaati somuo porintah huatan poraturan di Hukupm Torat oca' dosa sia' diamputi ongko sia' ulih bodamai agi' agatn Allah. Apo watu Kristus monjadi monsio huatan mati di kayu salib, Sio mombulah agatn caro nantai kinyo ulih di pakai' agi', obai Sio inyo monanggukng hukupan dosa somuo urakng. Agatn sama'an nantai, Sio mombulah oca' somuo urakng inyo pocayo doi' duo pihak nantai, urakng Yahudi ongko urakng bukainyo Yahudi, sia' ulih bodamai agi' agatn Allah. Kristus molabuhan somuo nantai oca' sia' monjadi satu umant inyo boharu di dalapm Sio. Boko urakng inyo pocayo doi' duo pihak nantai bodamai agatn inyo bukainyo. Sia' kinyo bokonjahatan agi' obai porbuatan Kristus di kayu salib.

Roma 7:6

Apo watu ni'in, kito dibebasan. Kito kinyo tokobat agi' ko Hukupm Torat obai caro hidup kito inyo manah nantai udah mati. Watu ni'in, kito hidup agatn caro inyo boharu. Kito molayati Allah bukainyo agatn caro hidup inyo monuruti Hukupm Torat inyo totulis apo agatn caro hidup inyo monuruti Roh Allah.

Galatia 5:18

Aman kaitn hidup dibimbikng Roh Allah, kaitn kinyo gola' hidup monaati Hukupm Torat.

Kolose 1:22

Apo agatn komatian Kristus Allah udah bulah kaitn bokoboi'an agi' agatn Sio. Sio molabuhan nantai oca' nono, timpu kaitn mohadapi Sio pakai' dihakipi, kaitn co ulih disalahan. Sio paca'an moanggap kaitn borosih, co bodosa.

Roma 6:22

Apo watu ni'in, kaitn udah bebas doi' kuaso dosa. Kaitn monjadi hulutn Allah. Kaitn ulih hidup borosih doi' dosa. Caro hidup nantai ado hasil, ia'an kaitn mondapat'an hidup inyo kokal.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

Roma 6:14

Dosa kinyo monguaso'i kaitn agi'. Sobab, kaitn kinyo hidup dibabah kuaso Hukupm Torat, apo kaitn hidup dibabahkuaso Allah inyo hala monunju'an koboi'an-Nyo ko kaitn.

Kolose 2:14

Gambarannyo sama'an ni'in: Somuo dosa kito tocatat dalapm surat hutakng inyo molawatn huatan moancapm kito. Apo Allah mohancuran surat nantai watu Yesus dipaku di kayu salib.

Kolose 1:10

Agatn sama'an nantai kaitn ulih hidup agatn caro inyo hala monyonangan Tuhatn. Jadi, somuo porbuatan boi' inyo kaitn labuhan paca'an ado pongulihan inyo boi'. Kaitn pan paca'an mongkitn mongotohu'i mongona'i Allah huatan mongkitn mongonal Sio.

Filipi 1:11

Hidup kaitn tajahan molimpah agatn porbuatan inyo bondar-bondar boi' inyo ongkah ulih dihasilan Yesus Kristus. Jadi Allah tajahan dipuji ongko dimuliaan.

Wahyu 19:7

Maracam kito bosonang-sonang huatan bonyanyi-bosair. Pujicam Sio obai ari kawitan Ana' Domba nantai udah watunyoam. Pongantitn-Nyo udah siap.

Roma 6:2

Samo sokali cado! Kito udah moninggalan caro hidup inyo manah, samo sama'an kito mati tohadap dosa. Jadi, jangannam kito ija' hidup agatn hala mombulah dosa!

Kolose 2:20

Kaitn udah dibebasan doi' kuaso boko roh dunia ni'in. Kaitn moanggap kohidupan inyo manah nantai udah mati, ubonyo kaitn mati bosamo-samo agatn Kristus. Jadi, jangan kaitn hidup sama'an urakng inyo dikuaso'i ulih boko poraturan di dunia ni'in!

Kolose 1:6

inyo udah disampaian ko kaitn. Kabar Boi' nantai tongahan diboritoan di mono-mono sampai bokombakng huatan bobuah. Sama'an nantaiam jam inyo tojadi di antaro kaitn, doi' watu kaitn mondinga' Kabar Boi' nantai lalu mongoroti koboi'an Allah inyo sobondarnyo.

Filipi 4:17

Aku momandiran nantai bukainyo pakai' bogoyap bantu'an agi' doi' kaitn. Apo aku honda' oca' Tuhatn somongkitn momborokati kaitn obai kaitn udah monulukngku.

Yohanes 3:29

Pongantitn botina' ia'an umputn pongantitn lolaki. Kawal pongantitn lolaki nantai bayo bodiritn mondampiki huatan mondinga'an, huatan io sonang aman mondinga'an saro pongantitn lolaki. Sama'an nian jam agatn aku. Watu ni'in aku sonang bondar.

Matius 26:26

Pas sia' tongahan makatn, Yesus moncanggapm roti lalu moucap'an doa sukur. Sio momingkai'-mingkai' roti lalu moonju'nyo ko boko murid-Nyo. Kato-Nyo, “Kuti'cam, makatncam, ninam bukakng-Ku.”

Wahyu 21:9

Lopas nian, ado salah siku' doi' kotujuh molekat inyo monjujut mangku' inyo bisi agatn kotujuh malopotako toahir nantai. Sio datakng ko aku, lalu bopandir, “Mara! Aku paca'an monunju'an ko kolai Pongantitn Botina', bini Ana' Domba.”

Ibrani 10:10

Obai, memang Yesus Kristus udah molabuhan kohonda' Allah. Ia'an, Sio momposombahan bukakng-tubuh-Nyo siku' sokali mo pakai' somanah-manahnyo. Sio molabuhan nantai oca' kito di borosihi doi' dosa kito.

2 Korintus 11:2

Osonyo aku ngomburu aman sampai kaitn tuyut urakng bukai. Apo porasa'an ngomburu nantai doi' Allah. Obai, aku honda' kaitn tuyut Kristus ja'am. Kaitn samo sama'an daro inyo udah ku potunangan agatn siku' lolaki, ia'an Kristus. Aku honda' oca' kaitn suci di hadapan-Nyo.

1 Korintus 10:16

Watu kito morayaan Porjamuan Tuhatn, kito minum anggur ongko bosukur ko Allah. Nantai monunju'an obai kito bosokutu agatn darah Kristus. Huatan watu kito mombagi-bagian roti pakai' dipua'i sosamo, nantai monunju'an obai kito bosokutu agatn bukakng-tubuh Kristus.

Yohanes 15:8

Aman kaitn bobuah lobat, lalu kaitn monunju'an obai Bopai-Ku mulia. Agatn ubo nian, kaitn maho bondaram monjadi boko murid-Ku.

Yohanes 6:51

Aku ninam roti hidup inyo udah turutn doi' sorugo. Urakng inyo bopua' roti ni'in paca'an hidup somanahnyo. Roti ninam isi-Ku inyo paca'an Ku sorahan pakai' boko urakng di dunia oca' sia' ulih hidup inyo sobondarnyo.”

Markus 4:20

Apo, tanah inyo subur monggambaran boko urakng inyo mondinga'an lalu kuat pocayo agatn Pomandiran Allah nantai. Obai nantai, ado hasil inyo boi'. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Roma 6:11

Kaitn gola' moniant diri kaitn sama'an nantai jam. Kaitn udah mati tohadap dosa huatan kaitn hidup pakai' monyonangan Allah obai kaitn ado hubukan agatn Kristus Yesus.

Roma 7:3

Aman botina' nantai monjadi bini lolaki inyo bukai timpu lakinyo ija' hidup, jadi hukupm monyatoan io bomporajoan. Apo aman botina' nantai monjadi bini lolaki inyo bukai pas-udah lakinyo udah mati, jadi io kinyo bomporajoan.