Roma 7:24 - Porjanjian Boharu Torjomahan Baso Dilakng Soari-ari

^24-26 Aku bopikir Hukupm Torat boi' huatan aku honda' monuruti Allah. Apo, bukakngku monuruti kohonda' pakai' bodosa sampai aku paca'an mondapat'an hukupan mati somanah-manahnyo! Colakoam aku ni'in! Sopo paca'an monyolamant'an aku doi' koadaan ni'in? Bosukurcam ko Allah obai Sio udah mongiripm Tuhatn kito, Yesus Kristus, pakai' molabuhan nantai.

Roma 7:24 ပူးပေါင်းရင်းမြစ်များ

Matius 5:4

Diborokaticam urakng inyo bulikng, obai sia' paca'an dikongkanti'i nononyo.

Matius 5:6

Diborokaticam urakng inyo kotakan rindu hidup bondar di hadapan Allah. Sia' diborokati obai sia' paca'an tokosih nononyo.

Lukas 4:18

“Roh Tuhatn Allah ado di Aku, obai Sio momilih Aku pakai' monyampaian kabar boi' ko boko urakng jaro; Sio moutus Aku pakai' mongabaran

Roma 6:6

Kito tohu obai caro hidup kito inyo manah udah mati samo sama'an dibunuh di kayu salib bosamo Kristus. Nantai tojadi oca' kuaso dosa dalapm diri kito ulih dihancuran. Agatn sama'an nian, kito kinyo agi' monjadi hulutn dosa.

Roma 8:13

Obai, aman kaitn hidup monuruti kohonda' monsio, kaitn tajahan mati bosongkayo doi' Allah. Apo agatn potulukan doi' Roh Allah, kaitn gola' moninggalan boko porbuatan kaitn inyo jahat nantai. Aman kaitn molabuhan nantai, jadi kaitn tajahan mondapat'an kohidupan inyo kokal.

Roma 8:2

Obai, kuaso Roh Allah udah molopasan kaitn doi' kuaso dosa ongko hukupan mati nantai. Roh Allah moonji'i kaitn kohidupan inyo sobondarnyo di dalapm Kristus Yesus.

Roma 8:23

Huatan bukainyo aja' somuo pulahan-Nyo jam inyo mondorita', kito siku' pan mondorita' di dalapm batitn kito. Kito udah monorima' Roh Allah sobagai poonju' Allah inyo potamo, apo kito totap jam monanti Allah molopasan diri kito somuonyo agatn monjadian kito boko poana'an-Nyo

Roma 8:26

Roh Allah pan monulukng kito watu hati kito lomah. Aman kito co tohu ubo apo soharusnyo kito bodoa, Roh Allah siku' monyampaian isi hati kito inyo culih dijolasan agatn kato-kato.

Kolose 2:11

Obai kaitn bosatu agatn Sio, ongko kaitn udah disunant. Aku kinyo bomasud sunant inyo dilabuhan monsio, apo sunant inyo dilabuhan Kristus. Ia'an, Sio bulah oca' kohonda' bodosa kinyo monguaso'i kaitn agi'.

2 Timotius 4:18

Tuhatn paca'an monyolamant'an aku doi' somuo usaha urakng jahat. Sio paca'an mombaba'ku agatn solamant ko dalapm Korajaan-Nyo di sorugo. Huncapm kito momuji Sio somanah-manahnyo. Amin!

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Ibrani 2:15

Jadi, somanah sia' hidup, sia' monjadi sama'an pacal obai gola' agatn komatian nantai. Apo molalu'i porbuatan-Nyo, Yesus mombebasan sia'.

Wahyu 21:4

Sio paca'an mohapus somuo ara'i mato doi' mato sia'. Boko urakng kinyo paca'an mati agi', kinyo paca'an bulikng agi', kinyo paca'an monangis agi', kinyo paca'an mooso kompodihan agi'. Obai, boko hal inyo manah nantai udah dihilakanam.”