Roma 7:21 - Porjanjian Boharu Torjomahan Baso Dilakng Soari-ari

²¹ Kosimpulannyo, ado kobiasa'an ni'in inyo tojadi dalapm hidupku: Aku honda' bulah koboi'an, apo justru kojahatan inyo aku pulah.

Roma 7:21 ပူးပေါင်းရင်းမြစ်များ

Roma 7:23

Biar pan aku bopikir somuo hukupm nantai boi', aku kinyo mampu molabuhannyo, obai ado hukupm bukai dalapm diriku inyo molawatn poraturan Allah nantai, ia'an kuaso dosa. Kuaso dosa bokorojo dalapm boko anggota bukakngku sampai aku monjadi hulutn dosa.

Ibrani 2:17

Nantaiam alasannyo, Yesus gola' monjadi monsio dalapm somuo hal, samo sama'an kito boko somadikan-Nyo. Agatn sama'an nantai, Sio monjadi Imam Agukng inyo monunju'an bolas kasihan ongko hala sotia ko Allah oca' dosa monsio ulih diamputi.

Roma 8:2

Obai, kuaso Roh Allah udah molopasan kaitn doi' kuaso dosa ongko hukupan mati nantai. Roh Allah moonji'i kaitn kohidupan inyo sobondarnyo di dalapm Kristus Yesus.

Roma 6:14

Dosa kinyo monguaso'i kaitn agi'. Sobab, kaitn kinyo hidup dibabah kuaso Hukupm Torat, apo kaitn hidup dibabahkuaso Allah inyo hala monunju'an koboi'an-Nyo ko kaitn.

Roma 6:12

Obai nantai, jangan agi' mombiaran dosa monguaso'i hidup kaitn di dunia ni'in inyo ongkah sobontar aja'. Jangan agi' monuruti kohonda' pakai' bodosa.

2 Petrus 2:19

Boko guru palsu nantai bojanji obai urakng inyo tuyut ajaran sia' paca'an hidup bebas. Apo sia' siku' samo sama'an hulutn obai dosa udah mongalahan sia'. Sama'an inyo dipandiran: urakng monjadi hulutn ko sopo aja' inyo mongalahannyo.

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.

Yohanes 8:34

Kato Yesus ko sia', “Pondinga'an bobondarcam pandir-Ku ni'in! Somuo urakng inyo bulah dosa, sia' samo agatn pacal dosa.

Lukas 4:1

Yesus moninggalan sungai Yordan tompat Sio dibaptis. Roh Allah ado di dalapm diri Sio, moirikan Sio ko padakng pasir.