Roma 7:18 - Porjanjian Boharu Torjomahan Baso Dilakng Soari-ari

¹⁸ Aku tohu kinyo ado inyo boi' dalapm diriku, ia'an aku ni'innam monsio agatn kohonda' pakai' bodosa. Biar pan aku ado kohonda' pakai' bulah koboi'an jam, apo aku co mampu molabuhannyo.

Roma 7:18 ပူးပေါင်းရင်းမြစ်များ

Yohanes 3:6

La'apo inyo dilahiran socaro jasmani bosipat jasmani huatan la'apo inyo dilahiran doi' Roh Allah bosipat Rohani.

Galatia 5:17

Kohonda' diri kaitn inyo jahat botontakan agatn kohonda' Roh Allah. Ongko kohonda' Roh Allah botontakan agatn kohonda' diri kaitn. Koduo kohonda' nantai hala bolawatan hinggatn kaitn kinyo hala molabuhan boko hal boi' inyo honda' dilabuhan.

Galatia 5:24

Boko urakng inyo monjadi pongikut Kristus Yesus, sia' udah monyaliban somuo napsu ongko kohonda' diri inyo jahat.

Filipi 2:13

Obai, Allah siku' bokorojo di dalapm kaitn. Sio moonju' ko kaitn kohonda' ongko komampuan pakai' monyonangan Sio.

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

Roma 7:19

Jadi, aku kinyo molabuhan boko porbuatan boi' inyo aku honda' labuhan. Sobali'nyo, aku molabuhan boko porbuatan jahat inyo aku kinyo honda' labuhan.

Roma 7:15

Aku kinyo tohu mapo aku molabuhan nantai. Aku co molabuhan boko porbuatan boi' inyo aku honda' labuhan. Apo aku molabuhan boko porbuatan jahat inyo aku bonci'.

Matius 15:19

Obai boko pikiran jahat sama'an ni'in boasal doi' hati: pikiran pakai' mombunuh, bomporajoan bulah dosa, mongolit, bulah kotumbukan mongutu' uyakng.

1 Petrus 4:2

Kaitn molabuhan nantai oca' somanah kaitn ija' hidup di dunia ni'in, kaitn co monuruti kohonda' dunia, apo kaitn monuruti kohonda' Allah.

Filipi 3:12

Aku co bomasud aku udah moncapai tujuan nantai! Memang aku bolupm sompurna. Apo aku hala bousaha pakai' moncapai tujuan nantai. Obai, nantaiam hajat Kristus Yesus bagiku timpu Sio moningkau ku monjadi umputn-Nyo.

Lukas 11:13

Biar pan kaitn urakng bodosa, kaitn pasti udah tohu moonji'i inyo boi' ko ana' kaitn. Apotolagi' Allah Bopai di sorugo! Aman urakng mominto Roh Allah, pasti Sio paca'an moonji'i ko urakng inyo mominto nantai.”

Roma 13:14

Apo, kito gola' monjadi samo sama'an Tuhatn Yesus Kristus ongko hala monuruti Sio. Jangannam kito bopikir agi' mongona'i caronyo pakai' mongosihan kohonda' monsio.

Roma 7:5

Komai, kito ija' hidup sosuai agatn boko kohonda' kito sobagai monsio. Hukupm Torat morarakng kito bodosa, apo justru nantai inyo mombulah boko kohonda' nantai lobih kuat agi'. Jadi, boko anggota bukakng kito monjumpati boko kohonda' jahat nantai sampai kito bodosa. Akibatnyo, kito soharusnyo dihukupm mati topisah doi' Allah.