Roma 7:1 - Porjanjian Boharu Torjomahan Baso Dilakng Soari-ari

¹ Boko somadikan, kaitn somuo mongoroti mongona'i hukupm socaro umum. Jadi, kaitn tontu tohu obai urakng monaati hukupm somanahan io hidup, apo kinyo pas-udah io mati.

Roma 7:1 ပူးပေါင်းရင်းမြစ်များ

Roma 1:13

Boko somadikan, aku honda' oca' kaitn tohu obai aku udah opat bohajat pakai' mondataki kaitn, apo sampai watu ni'in hala ado halakan. Aku honda' datakng oca' nononyo polayatanku di antaro kaitn ulih bohasil samo sama'an inyo tojadi di antaro boko urakng inyo bukai Yahudi di boko tompat inyo bukai jam.

Roma 10:1

Boko somadikan, hatiku morinduan oca' bansoku urakng Yahudi disolamant'an. Nianam doaku ko Allah.

Roma 10:4

Kristus ia'an ponggonapan doi' Hukupm Torat. Jadi, somuo monsio inyo pocayo ko Sio monjadi bondar di pohadapan Allah.

Roma 6:14

Dosa kinyo monguaso'i kaitn agi'. Sobab, kaitn kinyo hidup dibabah kuaso Hukupm Torat, apo kaitn hidup dibabahkuaso Allah inyo hala monunju'an koboi'an-Nyo ko kaitn.

Roma 6:3

Jangan kolupatn ni'in: Timpu kito dibaptis dalapm Kristus Yesus, rotinyo samo sama'an kito udah mati bosamo Sio.

Roma 7:6

Apo watu ni'in, kito dibebasan. Kito kinyo tokobat agi' ko Hukupm Torat obai caro hidup kito inyo manah nantai udah mati. Watu ni'in, kito hidup agatn caro inyo boharu. Kito molayati Allah bukainyo agatn caro hidup inyo monuruti Hukupm Torat inyo totulis apo agatn caro hidup inyo monuruti Roh Allah.

Roma 9:3

obai banya' urakng Yahudi co honda' pocayo ko Kristus. Malahan aku rela tokutu', topisah doi' Kristus soandainyo hal nantai mombulah sia' monjadi solamant. Obai sia' nam boko somadikanku siku', sosamo banso Israel.

1 Korintus 9:8

Aku momandiran boko hal nantai kinyo bayo obai mansu' akal pakai' somuo monsio. Apo buku Hukupm Torat pan momandiran mongona'i nantai.

Galatia 4:21

Ni'inan aku momadahan ko kaitn inyo honda' hidup dibabah kuaso somuo porintah huatan poraturan Allah inyo ditulis Musa dalapm buku Hukupm Torat. Sobondarnyo kaitn mongoroti cado agatn tulisan Musa?