Roma 6:7 - Porjanjian Boharu Torjomahan Baso Dilakng Soari-ari

⁷ Obai, dosa kinyo ulih monguaso'i urakng inyo udah mati.

Roma 6:7 ပူးပေါင်းရင်းမြစ်များ

Matius 11:19

Lopas nian Ana' Monsio datakng. Sio makatn, Sio minum, apo sia' bopandir Sio urakng kaha', pomabu', ‘Kawal ponagih pajak huatan urakng bukai inyo bodosa.’ Apo sia' salah obai porbuatan urakng mombutian aman urakng nantai bondar-bondar bisi kopintar-corodi'an doi' Allah kata'an cado.”

Roma 6:2

Samo sokali cado! Kito udah moninggalan caro hidup inyo manah, samo sama'an kito mati tohadap dosa. Jadi, jangannam kito ija' hidup agatn hala mombulah dosa!

Roma 6:8

Jadi, obai kito udah mati bosamo Kristus, jadi kito pocayo obai kito paca'an hidup bosamo Sio jam.

Roma 7:2

Contohnyo: Ado hukupm inyo mongobatan siku' urakng bini ko lakinyo. Somanahan lakinyo ija' hidup, bininyo dikobat'an ko hukupm nantai. Apo, aman lakinyo mati, jadi bininyo lopas doi' hukupm nantai.

Roma 7:4

Sama'an nian jam agatn kaitn, boko somadikanku! Caro hidup kaitn inyo manah udah mati obai bukakng Kristus mati pakai' kaitn. Jadi, hubukan kaitn agatn Hukupm Torat udah toputus. Watu ni'in, kaitn ado hubukan agatn Kristus, ia'an Sio inyo udah bobali' hidup doi' komatian. Somuo nantai tojadi oca' kito ulih monjadi boguno pakai' Allah.

Roma 8:1

Obai nianam, watu ni'in Allah kinyo mohukupm urakng inyo ado di dalapm Kristus Yesus.

1 Petrus 4:1

Obai Kristus udah mondorita' socaro jasmani, jadi kaitn pan gola' monguat'an diri kaitn agatn pikiran obai kaitn tajahan mondorita' samo sama'an Sio jam. Obai, urakng inyo mondorita' socaro jasmani, io udah botongga'am bulah dosa.