Roma 6:5 - Porjanjian Boharu Torjomahan Baso Dilakng Soari-ari

⁵ Kito udah ado hubukan agatn Kristus obai kito udah mati bosamo Sio. Jadi, nononyo kito paca'an ado hubukan agatn Sio jam obai kito paca'an bobali' hidup samo sama'an Sio.

Roma 6:5 ပူးပေါင်းရင်းမြစ်များ

Matius 15:13

Timbas Yesus, “Ado boko tontanaman inyo kinyo ditanam ulih Allah Bopai-Ku inyo di sorugo. Sotiap tontanaman nantai paca'an dicabut sampai ko boko uratnyo!

Yohanes 12:24

Porotiancam contoh ni'in: aman sobigi' gandupm jatu' ko dalapm tanah, bigi' nantai gola' mati holu sobolupm lantakng monjadi tontanaman. Aman bigi' nantai co mati, io totap sobigi' mo. Apo, aman inyo mati huatan lantakng, inyo paca'an mohasilan banya' buah.

2 Korintus 4:10

Somanah koi hidup, koi hala diancapm mati obai koi molayati Yesus. Samo sama'an koi hala mombaba' komatian Yesus di dalapm bukakng-tubuh koi. Apo koi molabuhan nantai oca' kohidupan Yesus ulih di tiat di dalapm diri koi. Ia'an di dalapm bukakng-tubuh koi inyo paca'an mati.

Kolose 2:12

Obai watu kaitn dibaptis dalapm damo Yesus, kohidupan kaitn inyo manah nantai udah mati, ubonyo kaitn dipasar bosamo-samo agatn Kristus. Apo kaitn pocayo obai kuaso Allah udah bulah Kristus bobali' hidup doi' komatian. Obai nantai, kaitn pan dionji'i kohidupan inyo boharu.

Kolose 3:1

Kaitn dionji'i kohidupan boharu samo sama'an kaitn hidup agi' bosamo-samo agatn Kristus. Obai nantai, kaitn gola' moutamoan boko hal inyo di sorugo, di mono Kristus dudu' di tompat inyo palikng tohormat di sopia' kanan Allah.