Roma 6:4 - Porjanjian Boharu Torjomahan Baso Dilakng Soari-ari

⁴ Dalapm baptisan nantai, kito mati huatan dipasar bosamo Kristus oca' kito pan mondapat'an kohidupan boharu, samo sama'an Allah Bopai mombulah Kristus bobali' hidup doi' komatian ulih kuaso-Nyo inyo mulia.

Roma 6:4 ပူးပေါင်းရင်းမြစ်များ

Yohanes 11:40

Yesus bopandir ko io, “Ingantcam lapo inyo udah Ku katoan ko kolai ni'in: Aman kolai pocayo, jadi kolai paca'an moniant komulia'an Allah.”

Yohanes 2:11

Yesus molabuhan mujisat nantai di laman Kana di propinsi Galilea. Nantai inyo potamo doi' somuo tando inyo monunju'an sopo Sio sobondarnyo. Agatn tando nantai, Yesus monunju'an komulia'an-Nyo. Lalu, boko murid-Nyo pocayo ko Sio.

Kisah Boko Rasul 2:24

Jadi, co mungkitn Yesus ija' totap mati. Obai nantaiam, Allah udah bulah Sio bobali' hidup huatan mombebasan Sio doi' ajab sonsaro komatian.

Kisah Boko Rasul 2:32

Boko somadikan, Yesus nanam Rajo nantai! Lopas Yesus mati, Allah bulah Sio hidup agi' doi' komatian. Koi somuo udah moniant Sio. Koi moniant agatn mato kopala' koi siku'.

Roma 6:19

(Aku tohu kaitn ija' manah mongoroti boko hal rohani. Jadi, aku momakai contoh ni'in mongona'i hulutn oca' kaitn lobih mudah mongoroti.) Komai kaitn monyorahan diri kaitn monjadi hulutn dosa. Boko anggota bukakng kaitn digunoan pakai' bulah boko hal inyo kotor huatan jahat. Apo watu ni'in kaitn gola' monyorahan diri kaitn monjadi hulutn Allah oca' boko anggota bukakng-tubuh kaitn ulih digunoan pakai' bulah boko hal inyo bondar huatan borosih doi' dosa.

Roma 6:3

Jangan kolupatn ni'in: Timpu kito dibaptis dalapm Kristus Yesus, rotinyo samo sama'an kito udah mati bosamo Sio.

Roma 6:8

Jadi, obai kito udah mati bosamo Kristus, jadi kito pocayo obai kito paca'an hidup bosamo Sio jam.

Roma 6:9

Obai, kito tohu Kristus udah bobali' hidup huatan Sio kinyo paca'an mati agi'. Komatian kinyo bokuaso agi' dipucu' Sio.

Roma 7:6

Apo watu ni'in, kito dibebasan. Kito kinyo tokobat agi' ko Hukupm Torat obai caro hidup kito inyo manah nantai udah mati. Watu ni'in, kito hidup agatn caro inyo boharu. Kito molayati Allah bukainyo agatn caro hidup inyo monuruti Hukupm Torat inyo totulis apo agatn caro hidup inyo monuruti Roh Allah.

Roma 8:11

Roh Allah udah bulah Yesus Kristus hidup agi' doi' komatian. Ongko nantaiam Roh inyo diapm di dalapm diri kaitn jam. Jadi, biar pan tubuh kaitn tajahan mati, Roh Allah tajahan bulah tubuh kaitn hidup agi'.

1 Korintus 6:14

Allah udah mombulah Tuhatn Yesus bobali' hidup doi' komatian. Allah jam paca'an mombulah kito bobali' hidup agi' doi' komatian agatn kuaso-Nyo.

2 Korintus 13:4

Memang Kristus ulih dihukupm mati di kayu salib obai Sio ado bukakng-tubuh inyo lomah samo sama'an monsio. Apo Sio hidup obai kuaso Allah. Ubo nian jam agatn koi. Koi lomah obai koi mondorita' samo sama'an Kristus. Apo, dalapm caro koi mohadapi kaitn, koi paca'an hidup bosamo Kristus dalapm kuaso Allah.

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

Efesus 4:17

Obai nantai aku momandiran ni'in, malahan aku monyiuh kaitn dalapm Tuhatn: Jangan agi' hidup sama'an boko urakng inyo kinyo mongonal Allah. Pikiran sia' sia-sia.

Efesus 5:8

Memang komainyo kaitn bodiapm di dalapm kogolapan. Apo watu ni'in kaitn udah mansu' ko dalapm torakng obai kaitn mongonal Tuhatn Yesus. Jadi, kaitn gola' hidup agatn caro inyo sosuai pakai' boko urakng inyo hidup di dalapm torakng.

Kolose 3:10

Kaitn udah hidup agatn caro boharu. Allah inyo bulah hidup kaitn inyo boharu nantai. Sio hala bulah sipat kaitn samo sama'an Sio. Sio molabuhan nantai oca' kaitn bondar-bondar konal agatn Sio.

Kolose 4:1

Ko somuo habakng aku bopandir: kaitn gola' moulahan boko hulutn kaitn agatn bondar huatan adil. Ingantcam! Kaitn pan ado Habakng di sorugo inyo bokuaso di kaitn.

1 Petrus 3:21

Hal nantai monggambaran baptisan inyo watu ni'in monyolamant'an kaitn. Baptisan ni'in bukainyo upacara pakai' mombulah bukakng kaitn borosih doi' kotoran. Baptisan ia'an upacara pakai' momuhun ko Allah oca' Sio mombulah hati kaitn borosih. Baptisan nantai monyolamant'an kaitn obai Yesus Kristus udah hidup agi' doi' komatian,

1 Yohanes 2:6

Urakng inyo mongatoan obai io hidup bosatu agatn Allah, urakng nantai gola' hidup agatn caro samo sama'an Yesus Kristus.