Roma 6:3 - Porjanjian Boharu Torjomahan Baso Dilakng Soari-ari

³ Jangan kolupatn ni'in: Timpu kito dibaptis dalapm Kristus Yesus, rotinyo samo sama'an kito udah mati bosamo Sio.

Roma 6:3 ပူးပေါင်းရင်းမြစ်များ

Galatia 3:27

Kaitn somuo inyo udah dibaptis dalapm damo Kristus. Kaitn udah monorima' Yesus samo sama'an sikuꞌ urakng inyo mongona'an pakai'an inyo boharu

Roma 6:8

Jadi, obai kito udah mati bosamo Kristus, jadi kito pocayo obai kito paca'an hidup bosamo Sio jam.

1 Petrus 3:21

Hal nantai monggambaran baptisan inyo watu ni'in monyolamant'an kaitn. Baptisan ni'in bukainyo upacara pakai' mombulah bukakng kaitn borosih doi' kotoran. Baptisan ia'an upacara pakai' momuhun ko Allah oca' Sio mombulah hati kaitn borosih. Baptisan nantai monyolamant'an kaitn obai Yesus Kristus udah hidup agi' doi' komatian,

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Matius 28:19

Obai nantai, botula'cam ko somuo banso. Ajaricam boko urakng oca' sia' monjadi murid-Ku. Baptiscam sia' dalapm damo Bopai, Ana', huatan Roh Allah pakai' monunju'an obai sia' pocayo ko Allah Bopai, pocayo ko Yesus, huatan Roh Allah.

Yakobus 4:4

Kaitn co sotia ko Allah samo sama'an siku' urakng inyo bomporajoan rotinyo co sotia ko pasakannyo. Kaitn gola' mongotohu'i ni'in: Boko urakng inyo moncintai kosonangan di dunia ni'in, sia' monjadi musuh Allah. Jadi, aman kaitn moncintai kosonangan di dunia ni'in, rotinyo kaitn monjadi musuh Allah.

1 Korintus 9:13

Pasti kaitn tohu mongona'i porintah Allah. Boko urakng inyo bokorojo dalapm Rumah Allah, sia' bohak mondapat'an pomakatn doi' posombahan di Rumah Allah nantai. Boko imam inyo molayati di meja tompat momposombahan bonatakng, sia' pan bohak mondapat bagian doi' dagikng inyo diposombahan di pucu' meja nantai.

Roma 7:1

Boko somadikan, kaitn somuo mongoroti mongona'i hukupm socaro umum. Jadi, kaitn tontu tohu obai urakng monaati hukupm somanahan io hidup, apo kinyo pas-udah io mati.

Roma 6:16

Kaitn tontu tohu ni'in: aman kaitn monyorahan diri kaitn ko siku' urakng huatan monaati io, boroti kaitn ia'an hulutn urakng nantai. Kaitn ulih monjadi hulutn dosa ongko akibatnyo kaitn paca'an mati socaro rohani. Damo kaitn ulih monaati Allah agatn akibatnyo kaitn paca'an bulah inyo bondar.

Kisah Boko Rasul 19:5

Timpu sia' mondinga' hal nantai, sia' dibaptis pakai' monunju'an obai sia' pocayo agatn Tuhatn Yesus.

1 Korintus 6:9

Kaitn gola' tohu boko urakng inyo co hidup bujur bondar di hadapan Allah, sia' co paca'an bodapat bagian dalapm Koraja'an Allah! Kaitn gola' sobondarannyo yakitn boko hal ni'in. Boko urakng inyo pombontina', boko urakng inyo monyombah lompatukng, boko urakng inyo bomporajoan, boko urakng inyo bokohonda'an agatn sosamo jonis,

1 Korintus 5:6

Co boi' kaitn mooso buhau obai porbuatan urakng nantai. Pasti kaitn udah tohu obai sodikit ragi paca'an bulah somuo adonan roti mongombakng. Samo sama'an nian jam, dosa siku' urakng ulih bulah banya' urakng molabuhan dosa.

Kisah Boko Rasul 8:16

Urakng pocayo nantai memang udah dibaptis obai pocayo agatn Yesus, Tuhatn inyo bokuaso di pucu' somuonyo. Apo Roh Allah bolupm ado pado sia'.

2 Korintus 13:5

Uji bo diri kaitn siku' aman kaitn bondar-bondar hidup ubo urakng inyo pocayo agatn Kristus. Poriso'i cam diri kaitn! Pasti kaitn tohu obai Kristus Yesus ado di dalapm hati kaitn. Aman Sio kinyo ado di dalapm kaitn, rotinyo kaitn kinyo bondar-bondar pocayo.

1 Korintus 15:29

Jadi, pasti Allah paca'an bulah boko urakng bobali' hidup doi' komatian. Ado di antaro kaitn inyo dibaptis pakai' mowakili urakng bukai inyo udah mati. Soandainyo urakng mati samo sokali co paca'an dihidupan agi' doi' komatian, jadi inyo sia' labuhan nantai co nyiant pasalnyo.

1 Korintus 3:16

Inyo gola' kaitn kotohu'i kaitn samo sama'an Rumah Allah huatan Roh Allah bodiapm di antaro kaitn somuo.

1 Korintus 6:19

Co tohu bai kaitn aman bukakng-tubuh kaitn masikng-masikng samo sama'an rumah pakai' Roh Allah. Huatan Roh Allah udah moonji'i Roh-Nyo pakai' bodiapm dalapm kaitn. Rotinyo kaitn bukai umputn kaitn siku' agi'.

1 Korintus 9:24

Pasti kaitn tohu obai dalapm potandikan bolapat'an bonggidi'an, somuo sia' tuyut bonggidi'an. Apo bayo siku' inyo bodapat hadiah. Samo sama'an nantai, kaitn gola' bousaha hidup agatn caro inyo monyonangan Allah oca' bodapat hadiah inyo Allah onju'.

1 Korintus 10:2

Agatn boko mujisat nantai, Allah bulah somuo sia' monjadi pongikut Musa.